Proverbios 10:12 - Bible in Tzeltal de Oxchuc y Tenejapa

¹² Te lab-o'tanil, jajch'esej-c'op; yan te xc'uxul-o'tanile, ay perdón yu'un spisil.

Bible in Tzeltal Bachajón

¹² Te il-o'tanil ya shach c'op, yan te c'uxul-o'tanil ya stup'be sc'oblal spisil bintic ma lecuc.

Proverbios 10:12 Referans Kwoze

1 Pedro 4:8

Ja' tulan sc'oplal stuquel te ma p'isbiluc nax c'ux ya awaiy abaic ta awo'tanic, melel te c'uxul-o'tanile, ya xch'ay bayal ta jten mulil yu'un.

Proverbios 17:9

Te mach'a ya xc'ax yu'un te bolc'optayele, yac ta sleel bit'il ya xc'uxtay sba soc te scontroe; yan te mach'a ma xcujch' yu'une, ja' ya snuts bael te mach'a jun yo'tan sba soque.

Proverbios 15:18

Te mach'a ora nax ya xjelaw ta spasel te bila ya sc'an yo'tane, jajch'esej-c'op ay; yan te mach'a ya xcujch' yu'une, ya slamantes c'op stuquel.

Santiago 5:20

Na'aic me, te mach'a ya scoltay sujt'el jtul jmulawil te jowejemix ta bee, la scoltaybeyix ta lajel te xch'ulele. Jich la yaq'uix ch'ayuc bayal ta jten mulil a.

Santiago 4:1

¿Banti ya xjajch' awaiyic te ya acontroin abaique soc te ya atsac abaique? ¿Ma bal ja'uc te sbic'tal awo'tanic te spisil ora ya sujexe?

Proverbios 28:25

Te mach'a bayal ya xbic'taj yo'tan, ya sjajch'es c'op; yan te mach'a ja' smuc'ulinej yo'tan te Cajwaltique, ya x'esmaj bitic ay yu'un.

Proverbios 16:27

Te mach'a amen yo'tan, ja' horno c'oem yu'un te bila amene; te c'opetic yu'une, jich c'oem te bit'il yac ta tilel c'ajc'.

Proverbios 29:22

Te mach'a jteb stael, ora nax ya sjajch'es c'op; te mach'a ora nax ya xc'ajc'ub, ya me sta bayal falta yu'un.

Proverbios 30:33

teme ya atij te leche, ya me ata mantequilla; teme tulan ya asimtay te ani'e, ya me xloc' tel ch'ich'; teme ya ajachbey yo'tan te yane, ya me ata c'op.