Proverbios 10:10 - Bible in Tzeltal de Oxchuc y Tenejapa

¹⁰ Te mach'a ya xmuts'-sitaywan, bayal bila amen ya xjajch' yu'un; te mach'a bol c'op ay ta ye, ja' nix ya xjinot yu'un.

Bible in Tzeltal Bachajón

¹⁰ Te mach'a ya xmuts'sitaywan, ya yac' wocol, soc te mach'a ma sna' bin ya yal, ya xjihnot yu'un.

Proverbios 10:10 Referans Kwoze

Salmos 35:19

Ma me binuc nax yo'tanic ta jtojol te jcontrotaque; ma me sts'esitayon te mach'atic ma'yuc swentail te ya yilayonique.

Proverbios 6:13

Ya xmuts'-sitaywan, ya spasbey seña ta yacan, soc ya spas seña ta ilel ta yal sc'ab.

3 Juan 1:10

Jich yu'un teme talone, ya me calbey ta jamal te bila amen ya spase. Yu'un ma tic'uc ya yaiy a te ya slotbon jc'oplal, melel ma sc'an yic' ta stojol te quermanotactic te ya xtalic ta q'uejele. Soc teme ay te jch'uunjeletic te toyol yo'tanic ya xnajc'anwanique, ya yich'ic comel ta ora yu'un soc ya xtenotic loq'uel ta xch'uunel Dios yu'un.

Proverbios 10:8

Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

Proverbios 18:21

Teme ayotic ta swenta cuxlejal, o teme ayotic ta swenta lajel, ja' me chican te bila ya yal te quetique; te mach'atic ya xc'opojic bayal, ya me xc'ax swocolic yu'un.

Job 15:12

¿Bi stuc te ya awac' stsalat te awo'tane, soc te ya xloq'uix c'ajc' yilel ta asite?

Proverbios 10:14

Te mach'atic ay sp'ijil yo'tanic ya scanantay te p'ijil c'ope; yan te mach'atic ma sna'ic q'uinale, ya xtal wocol ta stojolic yu'un te sc'opique.

Proverbios 16:30

Ya smuts'-sitaywan te mach'a ya snop spasel te bila ma lecuque; soc ya spasbey seña ta ye te mach'a c'otix ta pasel yu'une.