Proverbios 10:1 - Bible in Tzeltal de Oxchuc y Tenejapa

¹ P'ijil c'opetic yu'un Salomón: Te nich'anil te ay sp'ijile ya yac'bey yutsil yo'tan te sme'-state; yan te nich'anil ma sna' q'uinal ya yac'bey swocol te sme'-state.

Bible in Tzeltal Bachajón

¹ Te tsahbil c'opetic yu'un Salomón: Te querem te p'ij yo'tan ya ya'be yutsil yo'tan te state, pero te querem te ma sna' q'uinal ya ya'be smel yo'tan te snane.

Proverbios 10:1 Referans Kwoze

Proverbios 1:1

P'ijil c'opetic yu'un Salomón te snich'an David, te muc' ajwalil yu'un Israel,

Proverbios 29:3

Te nich'anil te ay sp'ijile, ya yac'bey yutsil yo'tan te state; yan teme ya xbajt' ta yo'tan te jmulawil antsetique, ya xch'ay staq'uin yu'un.

Proverbios 17:25

Te nich'anil ma sna' q'uinale, j'ac'-ilimba ta stojol sme'-stat, soc ma'yuc sbujts' q'uinal ya yaiyic yu'un.

Proverbios 29:15

Ta swenta majel soc ta swenta comel, ay bila ya yich' nopel; yan te nich'anil te ma'yuc comel ta stojole, ya yac' ta q'uexlal te sme'e.

Proverbios 15:20

Te nich'anil te ay sp'ijile, ya yac'bey yutsil yo'tan te sme'-state; yan te nich'anil ma sna' q'uinale, ya yilay te sme'-state.

Proverbios 17:21

Te mach'a ma sna' q'uinal te snich'ane, ya x'ac'bot swocol yu'un; teme ma sna' bila ya spas te nich'anile, xujt' ma xbujts'naj yo'tan yu'un te tatile.

Proverbios 19:13

Te nich'anil ma sna' q'uinal, ya yac'bey swocol te state; te yutaw te antse, jich c'oem te bit'il spisil ora xt'ult'on te t'ojobe.

Eclesiastés 12:9

Bayal la yich' sp'ijil yo'tan te jp'ijubteswaneje, jich bayal bi la yac'bey snop te ants-winiquetique. Soc la yich' starea ta snopel mero bayal p'ijil c'opetic, soc buen lec xmelmon la xchap.

Eclesiastés 2:19

Jna'oj te puersa jich ya xc'ote, manchuc me p'ij o bol yo'tan, pero ya me yu'uninbon te p'ijil c'op te ay bayal jwocol te ju' cu'un stael li'to ta balumilale. Ja' yu'un, ja' nix jich, mero tojol ta jyalel.

Proverbios 25:1

Ja'ic nix te p'ijil c'opetic yu'un Salomón, te loc'taybil ta ts'ibuyel yu'un winiquetic te ayic ta abatinel yu'un te Ezequías, te muc' ajwalil yu'un Judá:

1 Reyes 4:32

La spas oxmil (3,000) tsabil c'opetic, soc la spas jmil soc jo'eb (1,005) c'ayojil-c'opetic.

Proverbios 13:1

Te nich'anil te ay sp'ijile ya xch'uun tojtesel yu'un stat; yan te mach'a jlabanwaneje, ma xyich' ta muc' te scomele.

Proverbios 27:11

Jnich'an, ayuc me ap'ijil, jich me ya awac' bujts'najuc co'tan; jich me ya xju' jsujt'esbey sc'opic a te mach'atic ya sbolc'optayonique.

Proverbios 29:17

Tojtesa te anich'an, jich me lamal q'uinal ya awaiy yu'un, soc jich me ya yac'bat bayal yutsil awo'tan.