Proverbios 1:6 - Bible in Tzeltal de Oxchuc y Tenejapa

⁶ swenta sna'el swentail te bitic yalojic te mach'atic p'ijique, soc te c'opetic yu'unic, soc te bitic seña-c'op ya yalic, soc te bila ya yalic te chujc'ul ta na'el sujt'ibe.

Bible in Tzeltal Bachajón

⁶ yu'un sna'beyel scuentahil tsahbil c'opetic soc sloc'omba c'op, te c'opetic yu'un p'ijil winic soc te bin chuhcul ta na'beyel suhtibe.

Proverbios 1:6 Referans Kwoze

Salmos 78:2

Ya xc'opojon ta tsabil c'opetic; ya me cal te bila muquen ay, te namey ma'yuc ta alele.

San Marcos 4:11

Te Jesús la yalbey yaiyic: —Te ja'exe, Dios ya yac'beyex ana'ic stojol te bit'il ay ta ajwalinel te Dios te ma'yuc ta na'el stojol ta neelal toe. Yan te yantique, ja' ya x'albot yaiyic ta swenta seña-c'op stuquelic,

Hebreos 5:14

Yan te tulan we'elile, ja' ya stuuntesic te mach'atic muc'ul ants-winique. Melel te mach'atic jich c'oemique, p'ijubeniquix ta sna'el te bila leque soc te bila ma lecuque.

Salmos 49:4

ja' me ya jna' te tsabil c'opetic ay ta alele, ta c'ayoj soc arpa ya xloc' ta que te bila jnopoj ta co'tane.

San Marcos 4:34

Ma'yuc bay jich nax a c'opoj, puersa la stuuntes seña-c'opetic. Yan te jnopojeletic yu'une jamal la xcholbey yaiyic spisil.

Eclesiastés 12:11

Te p'ijil c'opetic yu'un te mach'atic ay sp'ijilique, jich c'oemic te bit'il chicote ya quich'tic tojtesel ae. Te c'alal yich'ojix chajbanel a, jich c'oemic te bit'il estacaetic te buen lec yich'ojic ts'apele, ts'apbil yu'un jtul nax jcanantaywanej.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

2 Pedro 3:16

Ta spisil te cartaetic pasbil yu'une, jich yalojix spisil tey a. Ay nax tey a te bila wocol ta na'el stojole. Ay ya syantesbeyic sc'oplal te bila ts'ibubil te mach'atic bol yo'tanic soc te ma'yuc yip yo'tanic ta xch'uunel te Diose, jich nix te bit'il ya syantesbeyic sc'oplal te bila yantic xan ts'ibubil jilel ta Sjun te Diose. Ja' me ch'ayel ya xbajt'ic yu'un.

Proverbios 24:23

Ja' p'ijil c'opetic yu'un te mach'atic ay sp'ijile: Ma ba lec teme ay mach'a ya yich' tenel ta c'op ta stojol juecetic.

Daniel 8:23

“Te c'alal ya sta yorail te ya xlaj yipic te chanchajp ajwaliletic, soc teme c'ax toyix a te mulile, ya me x'och jtul muc' ajwalil. Bayal me yip sp'ijil sbolil, ya me yich' tulan yat'el ta mandalteswanej.