Proverbios 1:5 - Bible in Tzeltal de Oxchuc y Tenejapa

⁵ Te mach'a ay sp'ijile, ya me xc'ot ta yo'tan. Jich me ya yich' xan sp'ijil yo'tan soc ay me bi ya sna' xan yu'un:

Bible in Tzeltal Bachajón

⁵ Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Proverbios 1:5 Referans Kwoze

Proverbios 12:1

Te mach'a bin nax yo'tan yu'un tojtesel, ja' lec ta yo'tan te p'ijil c'ope; yan te mach'a ya x'ilin yu'un te comele, ja' te ma sna' q'uinale.

Proverbios 9:9

Albeya te mach'a p'ije, ya me xp'ijub xan yu'un; p'ijubtesa te lequil winique, ya me x'esmaj xan sp'ijil yu'un.

1 Corintios 10:15

Jich ya jc'oponex te bit'il mach'atic p'ijique; nopa awaiyic ta lec te bila ya calbeyexe.

Job 34:16

“Teme ay lec snopjibal awu'une, aiybon awaiy te jc'ope, aiya me awaiy ta lec jiche.

Job 34:10

Pero ja'ex te ay ap'ijilique, aiybon me awaiyic jc'op. Ma me xcal ta co'tantic te ya spas te bila amen soc te bila ma stojiluc te Dios te Spisil ya xju' yu'une.

Job 34:34

“Te mach'atic ay sp'ijil yo'tanic te ya yaiybonic te jc'ope, soc spisil te mach'atic ya sna'ic q'uinal ta leque, jich me ya yalbonic:

2 Crónicas 25:16

Ja'uc me to, te c'alal jich la yal te j'alwaneje, te muc' ajwalil la sjac': —¿Yu'un bal awich'oj awat'el ta jconsejero ta jtojol jo'on te muc' ajwalilone? Ma me xc'opojat. ¿Yu'un bal ya ac'an ya awich' milel? —xi'. Te j'alwaneje ma la yalbeyix bayal aiyej, ja' xanix la yalbey: —Ya jna' te ayix ta yo'tan Dios te ya sjinat ta swenta bit'il jich la apas soc ta scaj te ma xach'uun te bi la calbate —la yut.

Proverbios 14:6

Te mach'a ya yal ixta c'op, ma sta te p'ijil c'ope; yan te mach'a ay sp'ijil sjole, ma ba wocol ya sta te p'ijil c'op stuquel.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Deuteronomio 4:6

Ac'a me c'otuc ta pasel awu'unic, soc jich me xapasic bael spisil ora, melel jich me ya sna'ic a te yantic lumetic te ay sp'ijil awo'tanic soc te spisil ya ana'beyic swentaile. Te c'alal ya sna'ic te bit'il ay te mandaliletic, jich me ya yalic: “Mero bayal sp'ijil yo'tan, soc sna'ojbey swentail spisil, ja' muc'ul nación in to”, xiic me.

Job 34:2

—Ja'ex te p'ijexe, soc te nojptesbilexe, aiybon awaiyic te jc'ope.

Proverbios 8:33

Ac'a achiquinic a te p'ijubtesele; ma me xach'ayic te p'ijil c'ope.

Proverbios 9:8

Tac'uya te mach'a ma stsajtay sbae, ja' me atojol ya xc'ot yu'un te ya yilintayate; tojtesa te mach'a ay sp'ijile, ja' me atojol ya xc'ot yu'un stuquel te c'uxat ta yo'tane.

Proverbios 18:15

Te mach'atic ay sp'ijil yo'tanic soc te mach'atic ay sp'ijil sjolique, ya staic te p'ijil c'op ya sleique.

Proverbios 19:25

Te c'alal ya yich' castigo te j'ixta-o'tan, jich ya snop a te mach'a ma sna' q'uinale; yan te mach'a ay sp'ijilile, tic' ya snop a ta swenta te tojtesele.

Proverbios 21:11

Te c'alal ya yich' castigo te j'ixta-o'tane, jich ya snop a te mach'a ma sna' q'uinale; yan te mach'a ay sp'ijile, tic' ya snop a te ya xcholbot sc'oplale.