Proverbios 1:4 - Bible in Tzeltal de Oxchuc y Tenejapa

⁴ soc te ya x'ac'bot sp'ijil yo'tanic te queremeticte ma'yuc bila sna'ojic, te ya yich' ac'beyel sp'ijil sjolic, soc ac'beyel snop ta yo'tanic te bila t'ujbil ta pasele.

Bible in Tzeltal Bachajón

⁴ scuenta ya'beyel sp'ijil yo'tanic te mach'atic mayuc bin ya sna'ic, soc ya'beyel sna'ojibal soc yu'un ya sna' stsahtayel sbahic te queremetique.

Proverbios 1:4 Referans Kwoze

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Salmos 119:9

¿Bit'il ma'yuc smul ya xbeen te quereme? Ja' to teme ya xch'uun spasel te bila ya yal te ac'ope.

Proverbios 8:32

“Yo'tic, cal-jnich'an, aiybon awaiyic jc'op; nopbonic co'tan, jich me bayal awutsil ya xc'oex a.

Proverbios 8:12

Soc jich la yal xan: “Jo'on te jp'ijil-o'tanile, joy jba soc te p'ijil-jolole, ya xju' cu'un ya cac' ta na'el te mero lequil consejo.

Salmos 119:130

Ya awac' ta cholel te ac'op, jich ya sacub q'uinal yu'un; melel ya xp'ijub yu'un te ac'op te ants-winiquetic te peq'uelique.

Tito 2:6

Ja' nanix jich ya sc'an ya atac'uy uuc te muc'ul queremetic te ma xjelawic uuque.

2 Timoteo 2:22

Ma me xac'ain spasel te bila amen ya smulanic spasel te jch'ieletique. Ja' me xbajt' ta awo'tan te toj ya x'ainate, soc te ayuc lec xch'uunjel awo'tan soc xc'uxul awo'tan, soc te lamaluc q'uinal awu'un. Joina te mach'atic lec yo'tanic te ya yalbeyic wocol te Cajwaltique.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Proverbios 3:21

Jnich'an, spisiluc me ora tsajtaybil ya xc'opojat, ma me xch'ay awu'un te nacal-o'tanile,

Salmos 34:11

La'ic, cal-jnich'nab, aiybon awaiyic stojol jc'op; ya jp'ijubtesex ta yich'el ta muc' te Cajwaltique.

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Salmos 116:6

Te Cajwaltic ya scanantay te mach'a peq'uelic; te c'alal mero ma'yuquix a te quipe, la scoltayon.

Deuteronomio 4:6

Ac'a me c'otuc ta pasel awu'unic, soc jich me xapasic bael spisil ora, melel jich me ya sna'ic a te yantic lumetic te ay sp'ijil awo'tanic soc te spisil ya ana'beyic swentaile. Te c'alal ya sna'ic te bit'il ay te mandaliletic, jich me ya yalic: “Mero bayal sp'ijil yo'tan, soc sna'ojbey swentail spisil, ja' muc'ul nación in to”, xiic me.