Proverbios 1:24 - Bible in Tzeltal de Oxchuc y Tenejapa

²⁴ Jo'on la quiq'uex tel, la calbeyexix, pero te ja'exe ma x'ac'an ya awich'onic ta wenta.

Bible in Tzeltal Bachajón

²⁴ Ho'on la jquiq'uex tal, pero ma ba la ac'an la awa'iyic; la jach jc'ab pero mayuc mach'a la yich'bon ta cuenta.

Proverbios 1:24 Referans Kwoze

Romanos 10:21

Soc jich la yalbey sc'oplal te israeletique: “Sjunal c'aal bechel jc'ab ta ic'aw ta stojol te lum te jch'ay-mandaletique soc te jcontroinwanejetique, xi' te Diose”, te xie.

Isaías 65:12

Ja'uc me to, ma lequil yutsil q'uinaluc ya awich'ic; ya caq'uex ta lajel ta puñal. Melel la quiq'uex, ja'ex ma la ac'anic; la jc'oponex, ma la awaiybonic stojol. Ja' la apasic ta bay ma jichuc co'tan; ja' la atsaic spasel te bila ma la smulan co'tane —xi' te Cajwaltique.

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Isaías 66:4

Jo'on ya jtsabey te woclajel ta swentaique, soc ya me cac'bey tel ta stojolic te bila bayal ya xi'ique. Melel la quic', ma'yuc mach'a la sjac'bon jc'op; c'opojon, ma'yuc mach'a la yaiybon jc'op. Ja' la spasic te bay ma jichuc co'tane; ja' la stsaic ta pasel te bay ma smulan co'tane —xi' te Cajwaltique.

Ezequiel 8:18

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.

Isaías 50:2

¿Bi yu'un, te c'alal talone, ma'yuc mach'a la jta? ¿Bi yu'un, te c'alal ay mach'a la quic', ma'yuc mach'a la sjac'bon? ¿La bal acuyic te mero ma xju' cu'un pojbelex loq'uel tele? ¿La bal acuyic te ma xju' cu'un caq'uex ta libre? Ta jp'al nax mandal cu'un, tic' ya xtaquej a te mare, soc te beja'etic ya xc'atp'ujic ta taquin q'uinal, swenta yu'un ya me xlajic ta taquinti'il te chayetique, soc ya me xc'a'ic yu'un te ma'yuc ya'lele.

Salmos 31:20

Te bit'il ayat ta canantaywaneje, jich ma xc'ot ta pasel te bila amen xchajbanej te ants-winiquetique; anac'oj ta awaxinal, jich ma xtaot ta ixtac'optayel yu'un te scontrotaque.

Hechos 4:30

Soc ta swenta awu'el ac'a coluc jchameletic soc pasuc señailetic soc jchajp at'eliletic ta swenta te Ach'ul-nich'an Jesús —xiic ta sc'oponel te Diose.

1 Samuel 28:6

Ja' yu'un la sjojc'obey te Cajwaltic. Pero ma ba jac'bot yu'un, soc ni ayuc bi ac'bot swaichin, ni ta swenta Urim, ni ta swenta j'alwanejetic.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Isaías 65:2

Sjunal c'aal bechel jc'ab ta yiq'uel tel te lum te toybae, te yac ta bael ta sbelal mulile, te yac ta spasel te stoybail yo'tane.

Jeremías 9:6

Te Cajwaltic jich ya yal: —Yantic nax te uts'inele, yantic nax te lote. Te lum cu'un ma sc'an sna'bonic jba.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Jeremías 44:16

—Ma xquich'tic ta muc' te c'op la awich'botic tel ta swenta te Cajwaltique.

Zacarías 7:13

Jich la yal: —Jich te bit'il ma ba la sc'an la yaiybonic te jc'op te c'alal la quiq'ue, ja' nix jichon uuc, te c'alal ya sc'opononique ma ba ya jac'beyic.

2 Crónicas 33:10

Te Cajwaltic la sc'opon te Manasés soc te lum yu'une, pero ma la yich'bey ta muc'.

Job 33:14

Te Diose bayal banti ya sc'oponotic, pero ma ba ya xc'ot ta co'tantic.