Proverbios 1:22 - Bible in Tzeltal de Oxchuc y Tenejapa

²² “Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Bible in Tzeltal Bachajón

²² Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Proverbios 1:22 Referans Kwoze

Proverbios 5:12

Soc jich me ya awal: “¿Bi yu'un te la jch'ay te tojtesele? ¿Bi yu'un te la jch'ay te tac'uyele?

Proverbios 1:29

melel ya awilayic te p'ijil c'ope, soc ma x'ac'an ya awich'ic ta muc' te Cajwaltique.

Salmos 1:1

Bin nax me yutsil te ants-winic te ma st'unbey sbe te mach'atic amen yo'tanique, te ma sc'ainbey yat'elic te mach'atic yat'elinejic sleel smulique, soc te ma junuc yo'tan sba soc te mach'atic ya slabanic te Diose,

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

2 Pedro 3:3

Na'aic me stojol ta lec neeluc in to: Ta nopol slajibal c'aal ay mach'atic ya xlabanwanic, yu'un ja' nax baem yo'tanic ta spasel te bila amen ya smulanic spasele.

San Juan 3:20

Melel spisil te mach'a ya spas te bila amene, ya sp'aj te saquil q'uinale. Melel ma xtalic ta bay te saquil q'uinale, yu'un ma sc'anic te ya xchicnaj ta ilel te bila amen yacalic ta spasele.

San Lucas 19:42

Jich la yal ta yoq'uetayel: —Te c'oemuc ta awo'tan ta ora to te bila ya yac'bat lamal q'uinal awaiy yu'une, ja'uc me to, macal ta atojol ta ora to.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Proverbios 21:11

Te c'alal ya yich' castigo te j'ixta-o'tane, jich ya snop a te mach'a ma sna' q'uinale; yan te mach'a ay sp'ijile, tic' ya snop a te ya xcholbot sc'oplale.

San Mateo 23:37

“¡Jerusalén, Jerusalén! Ya amilic te j'alwanejetic yu'un te Diose, soc ya ach'ojic ta ton te mach'atic ticunbilic ta c'op ta atojolique. Bayal buelta te c'an jtsobeyex te awal-anich'anique jich bit'il ya stsob yalatac ta yanil xic' te me'mute, ja'uc me to, ma la ac'anic.

San Mateo 17:17

La yal te Jesuse: —¿Bit'il ayex a ja'ex te ma'yuc bi xch'uunej awo'tanic ta stojol te Diose soc te ma lecuc te awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —xi'.

Proverbios 19:29

Chapalix te' yu'un ya yich' majel a te mach'atic j'ixta-o'tanetique; buen majel me ya xc'ot ta spatic te mach'atic ma sna'ic q'uinale.

Proverbios 15:12

Te mach'a toyba nax aye, ma lecuc yo'tan yu'un te comele; ma sc'an sjoin te mach'atic ay sp'ijilique.

Proverbios 14:6

Te mach'a ya yal ixta c'op, ma sta te p'ijil c'ope; yan te mach'a ay sp'ijil sjole, ma ba wocol ya sta te p'ijil c'op stuquel.

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Proverbios 7:7

ay queremetic te ma'yuc bila sna'ojique, la quil te jtul sjoyic, ja' te mach'a ma sna' stsajtaybel sbae.

Proverbios 6:9

Jch'ajetic, tic'anix a te wayele. Tic'anix a te metsleje.

Proverbios 3:34

Ya me xlabanotic yu'un Cajwaltic te mach'atic jlabanwanejetique; pero bayal me yutsil yo'tan ta stojol stuquelic te mach'atic peq'uel ya yac' sbaique.

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

Proverbios 1:4

soc te ya x'ac'bot sp'ijil yo'tanic te queremeticte ma'yuc bila sna'ojic, te ya yich' ac'beyel sp'ijil sjolic, soc ac'beyel snop ta yo'tanic te bila t'ujbil ta pasele.

Salmos 94:8

C'otuc ta awo'tanic, ja'ex ants-winiquetic te jich nax ayex ta q'uinal, te ma'yuc bi ya xc'ot ta awo'tanique. ¿Bi ora ya ana'ic stojol?

Job 34:7

—Ma'yuc mach'a jich te bit'il te jtatic Job. C'ax bayal ya slaban te Diose, jich te bit'il mach'a taquin yo'tane, bayal ya yuch' te ja'e.

Números 14:27

—¿Jayeb to xan buelta ya jts'icbey sbol-c'opic te israeletic te amen yo'tanique? La caiybeyix stojol te sbol-c'opic cu'une.

Éxodo 16:28

Te Cajwaltic, jich la yalbey te Moisés: —¿Bi to ora ya xc'ot ta pasel awu'unic te ya ach'uunbonic te jmandale soc te jp'ijtesele?

Éxodo 10:3

Te Moisés soc Aarón ba sc'oponic te faraón, jich la yalbeyic: —Jich la yal te Cajwal te Dios cu'untic te hebreootique: “¿Bi ora ya apejc'an aba ta jtojol? Ac'a loq'uel te lum cu'une. Ya xba yich'onic ta muc'.

Proverbios 1:21

ta ti'nailetic ya yal ta tulan te c'opetic yu'une, soc ta banti bayal mach'atic ya stsob sbaique; jich ya yal:

Proverbios 1:32

Te mach'atic ma'yuc bila sna'ojique, ja' nix ya xmilotic yu'un te ma'yuc bila sna'oje; ja' te mach'atic ma sna'ic q'uinale, ja' nix ya xlajinotic yu'un te bila ma ba la yich'ic ta wenta.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.

Proverbios 22:3

Te mach'a p'ij yo'tan ya yil te bila chujc'ule, jich ma xyac' sba a; yan te mach'a ma p'ijuc yo'tane, ya xc'ax bael ta ora, jich ya xc'ax swocol yu'un te bila ma lecuc ya stae.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Jeremías 13:27

Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.