Proverbios 1:2 - Bible in Tzeltal de Oxchuc y Tenejapa

² yu'un ja' ay sc'oplal ta yo'tan te ya yalbotic caiytic te p'ijil c'ope soc p'ijubtesel; te ya scoltayotic ta sna'el swentail te bitic ya stabotic c'oel te co'tantique;

Bible in Tzeltal Bachajón

² scuenta snopel p'ijil-o'tanil soc tojobtesel; scuenta stsahtayel te bintic ay ta halel;

Proverbios 1:2 Referans Kwoze

Proverbios 7:4

Jichuc me ta awo'tan te bit'il awix te p'ijil-o'tanile; ja'uc me jun awo'tan aba soc te p'ijubtesele.

Proverbios 17:16

¿Bi yu'un ya yich' tel taq'uin ta sc'ab te mach'a ma sna' q'uinal te ya sman p'ijilil ta sc'op a, te bit'il ma xju' yu'un snopele?

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Proverbios 16:16

Ja' lec ta leel te p'ijil-o'tanil, ma'yuc sc'oplal te oro; ja' lec ta leel te p'ijil-jolole, ma ja'uc ay sc'oplal te plata.

Proverbios 4:1

Ja'ex te jnich'anexe, ich'aic me ta muc' te tac'uyel cu'un te atatonique. Aiya me awaiyic ta lec, jich me ya ana'ic spasel a te bila toj ta pasele.

Proverbios 15:33

Te mach'a yich'oj ta muc' te Cajwaltique, yac ta p'ijubtesel ta swenta te p'ijil-o'tanil; teme ya x'och ta ich'el ta muq'ue, neel ya sc'an ya spejc'an sba.

Proverbios 2:9

Jich me ya ana' te bila toj soc ya me ana' te bila yich'oj swentaile, soc ja'uc me ay ta awo'tan spasel te bila leque;

Proverbios 8:33

Ac'a achiquinic a te p'ijubtesele; ma me xach'ayic te p'ijil c'ope.

Proverbios 19:20

At'elina yaiyel stojol te p'ijubtesel soc ch'uuna te tojtesele; jich me p'ij ya xc'oat.