Proverbios 1:12 - Bible in Tzeltal de Oxchuc y Tenejapa

¹² Cuxul me ya jbic'tic c'oem te mach'atic lec yat'elique, jich te bit'il ya xbic'ot yu'un lajel te mach'atic ya xch'ayic coel ta muquenal.

Bible in Tzeltal Bachajón

¹² cuxul me ya jbic'ticlantic hich te bin ut'il te yawil mach'atic chamenic, ya jbic'ticlantic scohtol hich te bin ut'il te mach'atic ya xch'ayic cohel ta xahab.

Proverbios 1:12 Referans Kwoze

Salmos 124:3

te c'alal til jajch'el slab yo'tanic ta jtojoltic, cuxulotic to a la sbic'otiquix te jichuque.

Salmos 28:1

Cajwal, jcanantaywanejat cu'un, atuquel ya jc'oponat. Ma me wocoluc ya ajac'bon te jc'ope. Teme wocol ya ajac'bon te jc'ope, lajemonix abi, ja' pajalonix soc te mach'atic ya xcoiquix bael ta muquenale.

Romanos 3:13

Lomen muquenal ch'en te yeique; te yaquique, ya xlo'laywanic a. Svenenoil jti'awal chan te ay ta yeique.

Lamentaciones 2:16

Spisil te acontrotac ya x'utwanic ta scontroinbelat. Ya yaiyic xuxub a soc ya yixlan sni'ic ta yalel bol c'op: “La jintiquix ta jc'axel. Ja' te bayal c'aal la jmaliytique; ja'uc me to, ju'ix cu'untic ya quil”, xiic.

Lamentaciones 2:5

Jich at'ej te bit'il jcontro te Cajwaltique; jc'axel la sjin te Israele. Jin coel spisil te palacioetic yu'un; la sjinbey te tulanil anjibal ts'ajq'uetique. Bayal la yac' ta mel-o'tan soc oq'uel te t'ujbil Judá.

Jeremías 51:34

Ya yal Jerusalén, te lum yu'un Sión: —Nabucodonosor, te muc' ajwalil yu'un Babilonia, wuyultic la yac'on, soc la sbic'on bael; jochol la yijq'uitayon jilel jichuc plato. Jich c'oem te bit'il muc'ul chan ta mar te la sbic'on baele; noj xch'ujt' yu'un a te bitic la smulanbone, te olil xane la xch'oj bael. Ac'a stoj Babilonia, te bayal la yuts'inone; ac'a stoj caldeoetic te ants-winiquetic la smilbonique —xi' me ta yalel.

Salmos 143:7

Cajwal, jac'bon me jc'op ta ora; yac meix ta comel q'uinal ya caiy. Ma me x'acombon te jcoltayel; teme jich ya apasbon ta jtojol, jich me ya xc'oon te bit'il mach'atic lajemique.

Salmos 57:3

Ja' stuquel c'alal ta ch'ulchan ya me sticun tel te xc'uxul yo'tane, soc ya me sticun tel te bila smelelile; jich me ya scoltayon ta sc'abic te mach'atic soc sc'ajc'al yo'tanic ya stenonique.

Salmos 35:25

Ma me xyalic ta jamal, ni ta yo'tanic: “Ja' la sc'an co'tantic. La jintiquix ta jc'axel”, ma me xiuquic.

Salmos 5:9

Te mach'atic amenic ma'yuc bay lec te sc'opique; yac ta bolobel te yo'tanique. Jujt'ul muquenal te yeique; te ye yat'elinej paslot ta jyalel.

Números 26:10

Ja'uc me to, la sjam sba te lumq'uinale, la sbic' coel xchebalic soc Coré, soc lajic spisil te jtsojp yac'oj sbaique, melel lajuneb yoxlajunwinic (250) winiquetic te lajic ta c'ajq'ue. Ja' me tuun ta swenta sp'ijtesel te yantique.

Proverbios 1:13

Bayal me ta jchajp c'ulejaliletic ya jtatic tey a, ya jnojestic ta puro elc'anbil biluquetic te jnatique.