Proverbios 1:11 - Bible in Tzeltal de Oxchuc y Tenejapa

¹¹ Teme jich ya yalbat: “La', t'unawotic, ya jpastic pejts' ta swenta nax sc'anjel co'tantic, swenta yu'un ya jmiltic mach'auc ch'ayal yo'tan ya xc'ax.

Bible in Tzeltal Bachajón

¹¹ Teme ya yalbat: La', joquinawotic; ya ca'iytic macliwanej yu'un ya ca'iytic milaw, ya jmacliytic te mach'a mayuc smul;

Proverbios 1:11 Referans Kwoze

Jeremías 5:26

Melel ta bay te lum cu'une, ay tey a te winiquetic te amen yo'tanique, jich ya xmujc'taywanic te bit'il mach'atic ya smil ja'mal mutetique, te ya spasic pejts' swenta yu'un ay mach'atic ya spejts'uyic a.

Proverbios 1:18

Yan te mach'atic jich ya spasique, ja'ic nix ya spas spejts'ulic stuquelic; jich quechel ta lajinel xcuxlejalic yu'un.

Proverbios 12:6

Te sc'op te mach'a amen yo'tan, jich c'oem te bit'il pejts' swenta lajel; yan te sc'op te mach'a toj yo'tane, ay colel yu'un stuquel.

Hechos 25:3

La yalbeyic wocol te yacuc pasbotuc te bila ya sc'anique, ja' bi, ja' te yacuc sticun ta iq'uel tel ta Jerusalén te Pabloe, yu'un snopojic te muquen ya sticunic ta milel ta be.

Hechos 23:15

Jich yu'un te ja'exe soc te yantic te ay awat'elic ta Muc'ul Tsobleje, c'anbeyaic te coronele te yacuc yic' loq'uel tel pajel ta atojolic te Pabloe. Ya me awalbeyic te yu'un ay bi ya ajojc'obey xan awaiyic te Pabloe. In te jo'otique, chapalotic meix te ya jmiltic ta ora te ma to xjul tel tey a ta banti ya atsob abaique —xiic.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.

Jeremías 11:19

Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Proverbios 30:14

Ay mach'atic te ja' puñal c'oem te yeic, soc machit c'oem te xcha'amic, swenta slajinel ta jc'axel te me'baetique.

Proverbios 1:16

Melel yac'ojic puersa ta spasel te bila amene; sujoj sbaic ta smalel ch'ich'.

Salmos 56:6

Bayuc nax ya snac' sbaic, li'to, lum to, ya yilic banti ya xboon, ya smaliyic te bi ora ya xju' ya smilonique.

Salmos 35:7

Ma'yuc bila swentail te la yac'bonic jyaquile; ma'yuc bila swentail la sjoq'uic ch'en swenta yu'un ya xch'ayon bael ta sc'opic a.

Salmos 17:12

León-chojetic yilel, c'ajc'al león-chojetic, chapalic ta bay snac'oj sbaic, yo'tanuc te ya stsacawanic ta ora.

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

Proverbios 24:15

Ma me xachajbanbey sc'oplal bila amen ta stojol te mach'a lec sc'oplale; ma me xajinbey sbiluc ta sna te banti naineme.

Proverbios 29:24

Te mach'a la sjoin sba soc yantic te la xchapic elec', ja' ya scontroin te xcuxlejale; manchuc me yac ta yaiyel te ya x'ic'ot ta testigo, ma xyal stuquel.