Proverbios 1:10 - Bible in Tzeltal de Oxchuc y Tenejapa

¹⁰ Jnich'an, teme ya sc'an ya slo'layat te jmulawiletic, ma me xawac' slo'layat.

Bible in Tzeltal Bachajón

¹⁰ Jnich'an, teme ya sc'an ya slo'loyat te jmulawiletic, ma me xawac' awo'tan a.

Proverbios 1:10 Referans Kwoze

Efesios 5:11

Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

Proverbios 16:29

Te mach'a ay lo'laywanej ta yo'tan, ya slo'lay a te spat-xujq'ue, soc ya yic' bael ta be te amene.

Salmos 1:1

Bin nax me yutsil te ants-winic te ma st'unbey sbe te mach'atic amen yo'tanique, te ma sc'ainbey yat'elic te mach'atic yat'elinejic sleel smulique, soc te ma junuc yo'tan sba soc te mach'atic ya slabanic te Diose,

Proverbios 13:20

Joina aba soc te mach'atic ay sp'ijilique, jich me ya ata ap'ijil; joina aba soc te mach'atic ma sna'ic q'uinale, jich me ya ach'ay aba ta jc'axel.

Romanos 16:18

Melel te mach'atic jich yo'tanique, ma ja'uc yac'oj sbaic ta abatinel yu'un te Cajwaltic Jesucristoe. Ja' nax baem ta yo'tanic sleel te sbaal xch'ujt'ique. Bin nax yutsil ya xc'opojic, soc xcholchon nax yu'unic ta alel. Jich ya slo'laybey yo'tanic a te mach'atic ma sna'ic stsajtayel te aiyeje.

Deuteronomio 13:8

Ma me ja'uc xapasbeyic te bila ya sc'an yo'tanic. Ma me x'awich'ic ta wenta, ma me xtal jxujt'uc xc'uxul ta awo'tanic, jc'axel ma me x'ana'beyic yo'bolil sba jxujt'uc. Ma me ayuc bila xamac a,

Salmos 50:18

Yan te j'eleq'ue, toyol awo'tan ya awic' ta atojol stuquel; ja' ya atsob aba soc stuquel te mach'a ya yaiy mulwej.

Proverbios 20:19

Te mach'a chican nax te bila ya yale, ma sna' scanantayel ta yo'tan te bila muquen aye; jich yu'un ma me xajoin te mach'a chican nax te bila ya yale.

Génesis 37:20

La' me, ya jmiltic, ya jch'ojtic coel ta pozo. Laj ta ti'el ta jti'awal ja'mal chambalam, xootic me ta yalel. Tey me ya xlaj sc'oplal a te swaiche —xiic.

Proverbios 24:2

Melel ja' nax ay ta yo'tanic te c'ajc'ubele; ma'yuc bi yan ya yalic, ja' nax baem ta yo'tanic yalel te ya spasic te bitic amene.

Isaías 33:15

Te mach'a toj ya yac' sba soc te smelelil ya xc'opoje, te mach'a ma xyac' sba ta c'ulejal ta xiwteswanej soc yip, soc te ma xyac' sba ta chonel ta scaj majt'aniletic, teme ma xch'uun spasel te ya x'albot sc'oplal te bitic amen ta pasele, soc te ya smuts' sit swenta yu'un ma xyil te bila amene,