Oseas 9:3 - Bible in Tzeltal de Oxchuc y Tenejapa

³ Efraín ya sujt' bael ta Egipto, soc ta Asiria ya me swe'elin we'elil te ilaybile. Ma me xju' ya x'ainic xan ta bay slum-sq'uinal te Cajwaltique.

Bible in Tzeltal Bachajón

³ Ma ba ya xhilic ta sq'uinal Jehová, te Efraín ya suht bahel ta Egipto, soc ta Asiria me ya swe'elin we'elil te bohloben sc'oblale.

Oseas 9:3 Referans Kwoze

Ezequiel 4:13

Ora c'opoj xan te Cajwaltique, jich la yal: —Jich me amen we'elil ya swe'ic te israeletic ta nacionetic te banti ya cac' bael ta nainele —xi'.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Levítico 25:23

“Te q'uinal ma me xju' ta chonel ta jc'axel. Melel te q'uinal jo'on cu'un; te ja'exe c'axel nax ayex, jich nax c'oemex te bit'il ula'il cu'une.

Jeremías 2:7

Jo'on la quiq'uex tel li' ta lequil q'uinal to, swenta yu'un ya alo'beyic sit te awalts'unubil soc te mero lec te bila ya yac' tey a. Ja'uc me to, ja' tal aboltesbonic sc'oplal te lumq'uinal te ja'exe, la awac'bonic woclajuc co'tan yu'un yilayel te lumq'uinal cu'une.

Oseas 7:11

Te Efraín jich c'oem te bit'il stsumut, ma sna' q'uinal, mero ma'yuc sp'ijil. Ya sc'anic coltayel ta Egipto, soc ora ya xba sc'anic coltayel ta Asiria.

Daniel 1:8

Pero Daniel ma la sc'an te ya sboltes sba yu'un te swe'el soc te vino yu'un te muc' ajwalile. Ja' yu'un la sc'anbey te jwentainwanej yu'un j'at'eletic te manchuc ya sujot ta swe'el-yuch'el te bila ya swe'-yuch' te muc' ajwalile.

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

2 Reyes 17:6

Ta sbalunebal ja'wil yat'el ta muc' ajwalil a te Oseas, te muc' ajwalil yu'un Asiria ju' yu'un te la yu'unin Samaria. Te israeletic chucul la yic' bael ta Asiria, c'o yac' nainicuc ta sq'uinal Halah, soc ta ti'ti'ja' Habor te muc'ja' te ay ta sq'uinal Gozán, soc ta lumetic yu'un te medoetique.

1 Reyes 9:7

ya me jbul loq'uel te Israel ta lumq'uinal te cac'ojbeye. Ya me jch'oj loq'uel ta jtojol te templo te la jch'ultesixe soc te Israele. Ya me x'och ta labanel spisil ora yu'un spisil nacionetic.

Deuteronomio 28:63

Jich te bit'il bin nax yo'tan la yac'bat awutsilal, soc te la yac' esmajan te Cajwaltic Diose, ja' ni me jich bin nax yo'tan ya sjinat soc ya slajinat. Ora nax me ya awich' bulel loq'uel tey ta lumq'uinal ya awich'e,

Deuteronomio 4:26

ja' me testigoetic cu'un te ch'ulchan soc te balumilale, ora me ya awich'ic ch'ojel loq'uel ta lumq'uinal te ya xba awu'uninic ta jejch' ja' Jordán. Ma me jaluc c'aal ya xnainex ta q'uinal, ya me awich'ic lajinel ta jc'axel.

Hechos 10:14

La yal te Pedroe: —Ju'u, Cajwal. Ma'yuc bay jti'oj xujt'uc te bila ma lecuc sc'oplale soc te bila ilaybile —xi'.

Miqueas 2:10

Jajch'anic me, beenanic xan, melel in q'uinal to ma swentauc cux-o'tanil; yu'un c'ax bolobenix, jc'axel ts'ilajem ta jyalel.

Oseas 11:11

Soc la yal xan te Cajwaltique: —Jich bit'il ja'mal mutetic, yac ta nijq'uel ya xloq'uic tel ta Egipto; ya me xtalic ta Asiria jich bit'il stsumutetic. Ya me cac' te ya snainic xan te snaique. Jo'on Ajwalilon, tulan ya cal —xi'.

Oseas 11:5

Ja'uc me to, ma la sc'an sujt'es yo'tanic ta jtojol. Jich yu'un ya me sujt'ic bael ta Egipto; te Asiria ja' me ya xmandaltesotic yu'un.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.

Josué 23:15

Ja'uc me to, jich bit'il c'otix ta pasel spisil te bila lec la yalbeyex te Cajwaltique, jich nix me ya xtal ta atojolic yu'un spisil ta jchajp woclajel, ja' to ma'yuc jtuluc ya xjilex ta bay te lequil q'uinal te la yac'beyex,

Deuteronomio 28:68

Manchuc me la yalbat te Cajwaltic te ma'yuc bi ora ya sujt'atix xan bael ta sbelal Egipto, pero ya me yac'at xan bael ta barcoetic tey a. Ya me achon aba ta stojol acontro, pero ma me ayuc mach'a ya sc'an ya smanat —xi' te Moisese.

Levítico 20:22

“Ch'uunaic me spasel te mandaliletic cu'un soc te bitic chapale; t'unaic me ta pasel spisil. Jich me ma xch'ojex loq'uel a te q'uinal te banti ya quiq'uex bael ta nainele.

Levítico 18:28

¡Ma me ja'uc ya xch'ojex loq'uel te lumq'uinal ta scaj te boloben sc'oplal ya xc'ot awu'unique, jich te bit'il la xch'oj loq'uel ta stuquel te mach'atic neel nainic tey a te c'alal ma to xc'oex a te ja'exe!

Lamentaciones 5:6

Swenta yu'un yacuc xnoj jch'ujt'ic yu'un te we'elile, ya jach jc'abtic ta stojolic te egipcioetic soc te asiriaetique.

Oseas 7:16

Ja' bajt' yo'tanic ta sc'oponel te yajcananique. Jich c'oemic te bit'il t'im te ma tojuque, te yat'ejibal ma xc'ot te bay stojlineje. Ta scaj te puro ixta c'op ya yalique ya me xyalic te ajwaliletic yu'unic ta swenta puñal, soc ya me stse'luyotic ta Egipto.

Amós 7:17

Ja'uc me to, la yal te Cajwaltique: “Te awiname jmulawil ants me ya xc'ot ta spamal te lume, soc te anich'nab te quereme, te ach'ixe, ya me xlajic ta puñal. Te aq'uinale ya me yich' puquel ta swenta número ta na'el; te ja'at ya me xlajat ta bay sq'uinal te mach'a ma xch'uunejuc Dios. Te mach'atic israeletic chucul me ya x'ic'otic bael ta bay najt' yiloj sba soc te slumale”, xi' me te Cajwaltic —xi'.