Oseas 9:2 - Bible in Tzeltal de Oxchuc y Tenejapa

² Te lum Israel ma me ayuc trigo ni vino yu'unic; te yach'il vino yu'une ma me tic'uc a.

Bible in Tzeltal Bachajón

² Te yawil smajojibal trigo soc te yawil spits'ojibal ts'usub ma ba ya xmac'linotic yu'un, soc ma tic'uc a te ya'lel ts'usub.

Oseas 9:2 Referans Kwoze

Oseas 2:9

Jich yu'un ya me xcha'talon, ya me quich' sujt'el te trigo te vino cu'un te c'alal yorail sloq'uesel ae, soc ya quich' sujt'el te stsotsil chij soc lino cu'un te la cac'bey swenta yu'un ya smuc sba a.

Hageo 2:16

¿bila c'ot ta awentaic la awilic? Melel te c'alal ay mach'a bajt' ta banti busul soc ste'el te trigo, ay ta yo'tan te ya xloc' jtab ta jp'is tey a, pero ja' nax lajunp'is la sta. Soc teme ay mach'a bajt' ta estanque ta banti ya spasot vino, yu'un ya sloq'ues lajuneb yoxwinic (50) q'uib ta sc'op tey a, ja' nax ya sta jtab (20) q'uib.

Hageo 1:9

“Te ja'exe bayal bila ya ac'an ya ataic, pero ma'yuc bayal ya ataic. Te bila ya aq'uej ta anaique, jo'on la jch'ojbeyex c'axel, jichuc ic' te ya x'eanot bael yu'un te sulile. Pero ¿bi yu'un? Melel ja' yu'un te jinem te jnae. Yan te ja'exe ja' nax bayal sc'oplal ta awo'tanic ta spasel te anaique. Jo'on Ajwalilon te jich ya cale.

Oseas 2:12

Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.

Génesis 50:10

C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

Oseas 2:11

Ya me jlajinbey sc'oplal te sbujts' yo'tane; mero ma'yuc sbujts' yo'tan ya yaiy ta spasel te q'uinetic yu'une, jich bit'il te yach'il u, soc ta jujun sc'aalelal cux-o'tan, soc spisil te q'uinetic ya spase.

Amós 5:11

Scaj te ya apech'ic ta teq'uel te me'baetic soc ya ac'anbeyic spatanul te strigoe. Ma xju' ya anainic te naetic te la apasic ta tone, soc ma x'awuch'beyic ya'lel te ts'usubiltic te ats'unojique.