Oseas 9:1 - Bible in Tzeltal de Oxchuc y Tenejapa

¹ Israel, ma me binuc nax awo'tan; ma me xwilat yu'un sbujts' awo'tan jich bit'il yantic lum. Melel la apas mulwej c'oem a te bit'il la awijq'uitay ta awo'tan te Dios awu'une. Ta yawilic smajibal trigo, ta bay ya yich' loq'uesel te site, bin nax awo'tan yu'un te tey ya awich'bey stojol a te amulweje.

Bible in Tzeltal Bachajón

¹ Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.

Oseas 9:1 Referans Kwoze

Oseas 10:5

Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Oseas 4:12

Te lum cu'un ay bila ya sjojc'obeyic te yajcananic te spasojic ta te'; ta swenta snabate'ic ya sta ta sc'opic te sujt'ibe. U'uninbilic yu'un mulwej te lum cu'une, jich yu'un st'unojic nix jowil beetic a. Te ya spasic mulweje, jich ya yijq'uitayonic te Dioson yu'unique.

Jeremías 44:17

Ya nix jpastic bael a te bila jnopojtiquix ta co'tantique. Ya nix cac'beytic pom soc majt'anil vino te Antsil Ajwalil yu'un Ch'ulchan, jich bit'il yacotic ta spasel c'alal ora yo'tic, soc jich bit'il la spasic ta neelal te antiguo jme'-jtatic, te muc' ajwaliletic cu'untic, soc te jtsobwanejetic yu'un te lumetic ta Judá soc ta calleetic ta Jerusalén. Melel ta neelal mero c'ax bayal jwe'eltic, lec ayotic la quiltic soc ma'yuc bay tal woclajel ta jtojoltic.

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.

Santiago 4:16

Yan te ja'exe, ja' nax ya atoy abaic soc te ac'opique. Spisil te toybaile, xujt' ma lecuc.

Amós 6:13

Te ja'ex bin nax awo'tanic yilel, ma meleluc. Soc jich ya awalic: “Ta swenta quiptic nix jtuqueltic la jtatic te bit'il ya xju' cu'untic spisil”, xaex.

Amós 3:2

—Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Oseas 5:7

Ma junuc yo'tanic ta stojol te Yajwalique, melel ay alaletic yu'un soc yan tatil. Ta scaj te ma junuc yo'tanique, jich yu'un ta jun nax u ya xbolob bael te sq'uinalique.

Oseas 5:4

Amen yat'elic te lume, ta swenta te yat'elic ma xc'otic ta stojol te Dios yu'unique. Te bit'il u'uninbilic yu'un te mulweje, ma sna'beyic sba Cajwaltic yu'un.

Oseas 2:12

Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.

Ezequiel 21:10

Juxbilix ye, yu'un ya xjajch'ix ta milaw, juxbilix ta lec, xlemet nax.

Ezequiel 20:32

Jich c'oem ta awo'tanic te ja' pajal ya xc'oex soc te yantic nacionetic ta balumilale, te ya xch'uunic te' soc ton, pero ma me jichuc ya xc'ot.

Lamentaciones 4:21

Tse'enan, binuc nax me awo'tan, ja'at nación Edom; te ja'at nix ya xmandalajat ta sq'uinal Uz. Ja' nix jich ya xc'ot ta awenta yuch'el te ch'aal uch'balil c'oeme, ya xyacubat soc ya xt'anajat yu'un.

Isaías 17:11

te bi c'aalil ya ats'une, ya acanantay, ya awac' te ya xchicnaj loq'uel spul ta yan c'aalil. Ja'uc me to, te c'alal ya xtal te xchamel soc te bila amen te ma'yuc ta poxtayele, ya me xch'ay ta jc'axel te site.

Amós 8:10

Te q'uinetic ya jc'atp'un ta oq'uel yu'un te animaetique; soc te c'ayoj ya jc'atp'un ta oq'uel ta swenta sna'el te animae. Ya me cac' te ya alapic ch'ixal pac'; soc ya me at'axan ta joxel ajolic ta seña xc'uxul mel-o'tan. Jich me oq'uel ya spasic yu'un te bit'il mach'a ch'ayem te jip jtul snich'ane; spisilic me ya xwoclajic yu'un xch'aal mel-o'tan —xi'.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

Amós 4:5

Chic'aic waj te yich'oj levadura swenta majt'anil ta yalel wocol, soc pucbeya sc'oplal ta bayuc te majt'anil awu'un te spasemal awo'tan ya awaq'uique, ja' te ya smulan awo'tanic spasel te ja'exe —xi' ta tulan te Cajwaltique.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Ezequiel 16:15

“Pero ja' la smuc'ulin awo'tan te at'ujbilale; ja' tuun awu'un te yutsil ac'oplale. Jich la ac'atp'un aba ta jmulawil ants, la awac'bey smulanbat abaq'uetal spisil te mach'atic c'axe.

Ezequiel 16:30

Jo'on Ajwalilon te jich ya cale: Mero boloben awo'tan ta jtojol a te la apasbey te yat'el jmulawil ants, te ma ba q'uexawat ta spasele.