Oseas 8:8 - Bible in Tzeltal de Oxchuc y Tenejapa

⁸ Te Israel tsalotix ta jc'axel. Ya x'ilot yu'un te yantic nacionetique, jich me c'oem ta sitic te bila ma'yuquix sc'oplale.

Bible in Tzeltal Bachajón

⁸ ¡Lajimbil ya xc'oht te Israel! yo'tic ay ta yohlil te nacionetic hich te bin ut'il vasija te mayuc sc'oblal.

Oseas 8:8 Referans Kwoze

Jeremías 22:28

¿Jich bal c'oem Jeconías te bit'il vasija te top'enix, te mero ma'yuquix yutsile, o jun plato te ma'yuc mach'a ya sc'ane? ¿Bi yu'un te ya xjipot bael soc snich'nab tey a ta yan lumq'uinal te ma na'biluc sbae?

Jeremías 51:34

Ya yal Jerusalén, te lum yu'un Sión: —Nabucodonosor, te muc' ajwalil yu'un Babilonia, wuyultic la yac'on, soc la sbic'on bael; jochol la yijq'uitayon jilel jichuc plato. Jich c'oem te bit'il muc'ul chan ta mar te la sbic'on baele; noj xch'ujt' yu'un a te bitic la smulanbone, te olil xane la xch'oj bael. Ac'a stoj Babilonia, te bayal la yuts'inone; ac'a stoj caldeoetic te ants-winiquetic la smilbonique —xi' me ta yalel.

Romanos 9:22

Ja' nanix jich uuc te Diose. La sc'an yo'tan te ya yac' ta ilel te ja' ya yac' castigo stuquel soc te ya xpujc' sc'oplal te yu'ele. Jich bayal ja'wil la sts'icbey sbolilic te mach'atic chapal sc'oplalic ta yich'el castigo te ya xbajt'ic ta ch'ayele.

Ezequiel 36:3

Ja' yu'un c'opona ta jwenta, jich xawalbey: “Jich ya yal te Cajwaltique: ‘Ta bayuc ac'botex guerra soc la awich'ic jinel. Ta spisil te yantic lumetic la yu'uninex. Ta spisil ants-winiquetic ya slabanex soc ya yilayex.

Lamentaciones 2:16

Spisil te acontrotac ya x'utwanic ta scontroinbelat. Ya yaiyic xuxub a soc ya yixlan sni'ic ta yalel bol c'op: “La jintiquix ta jc'axel. Ja' te bayal c'aal la jmaliytique; ja'uc me to, ju'ix cu'untic ya quil”, xiic.

Lamentaciones 2:5

Jich at'ej te bit'il jcontro te Cajwaltique; jc'axel la sjin te Israele. Jin coel spisil te palacioetic yu'un; la sjinbey te tulanil anjibal ts'ajq'uetique. Bayal la yac' ta mel-o'tan soc oq'uel te t'ujbil Judá.

Lamentaciones 2:2

Te Cajwaltic ma'yuc bay la yijq'uitay junuc na yu'un Jacob; ta ora nax la sjin yu'un sc'ajc'al yo'tan te tulanil anjibal ts'ajq'uetic yu'un te t'ujbil Judá. La spejc'anbey te bit'il ya xmandalaj, soc la sliman ta lum te ajwaliletic yu'une.

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Jeremías 48:38

Te Cajwaltic jich ya yal: —Spisil te quembil lumetic yu'un Moab soc spisil te calleetic yu'une, ma'yuc yan bi ya x'aiyot stojol tey a, ja' nax oq'uel. Melel la jwuy ta jyalel te Moab, jich bit'il oxom te ma'yuc stuule. Jo'on Ajwalilon, jich ya cal —xi'.

Isaías 30:14

Jich ya xwuy te bit'il pac'bil oxom te ya xlaj ta jc'axel, te ma'yuquix xejt'elel ya xjile ni jtebuc te xejt'elel te ya xtuun ta sloq'uesel ac'al a ta yawil c'ajc', ni jtebuc xejt'elel te ya xtuun ta loq'uesel ja' a ta pozo —xi' te Diose.

2 Reyes 18:11

Te muc' ajwalil yu'un Asiria la yic' loq'uel ta slumal te israeletique. La yic' bael ta Asiria, c'o yac' ta nainel ta sq'uinal Halah, soc ta sq'uinal Habor te ay ta muc'ja' yu'un Gozán, soc ta lumetic yu'un medoetic.

Deuteronomio 28:64

te Cajwaltic ya me spucat bael ta spisil nacionetic ta spamal balumilal. Tey me ya xc'o ach'uun yantic bitic cuybil ta Dios te pasbilic ta te' soc ta ton, te ni ja'ucat soc ni ja'uc te antiguo ame'-atat la sna'beyic sbae.

Deuteronomio 28:25

soc teme jc'axel la stenat te acontrotaque. Ya x'ochex bael ta stojolic, buen lec me ya achol ochel abaic, pero ya me xpujq'uex bael ta anel ta stojolic, ya me awac'bey xiwel yantic ajwaliletic ta q'uinal.

Levítico 26:33

Yan te ja'exe, ya me jpuquex bael ta yantic nacionetic, jloq'uesej me jpuñal a ya jnutsex bael. Te alum-aq'uinalic ya xc'atp'uj ta jochol q'uinal, jich nix te lumetic awu'unic ya xc'atp'ujic ta jinem ts'ajq'uetic.

Jeremías 25:34

Awunanic, jcanan-chijetic, awunanic yu'un xc'uxul; ja'ex te ya xneelajex yu'un te jtsojp chijetic, balana abaic ta lum. Yu'un c'otix yorail te miltombae; te ja'exe jich ya smilex te bit'il jujp'en chijetique.

Lamentaciones 5:2

Spisil te bila ay cu'untique, ta ora yo'tic ay ta sc'ab jyanlumetic; te nanatic cu'untic, ja' yu'uninejiquix ta jc'axel.

Lamentaciones 4:2

Te mach'atic yajwal Sión te ich'bil ta muc', soc te jich yutsilalic te bit'il oro, yo'tic jich c'oemix ta o'tanil te bit'il pac'bil oxometic te pasbil yu'un jpas-oxome.