Oseas 8:5 - Bible in Tzeltal de Oxchuc y Tenejapa

⁵ Ja'at Samaria, ma lecuc co'tan yu'un te sloc'omba alal wacax ya ach'uune. Te quilimba tilemix ta stojol te loc'ombae. ¿Jayeb to c'aal sc'an ya xlecub ta jtojol te israeletique?

Bible in Tzeltal Bachajón

⁵ Samaria, te jcolel toro awu'un la yac' te q'uejel bahat. Tihlemix quilimba ta stojolic: ¿Bin to ora yac atahic lecubtesel?

Oseas 8:5 Referans Kwoze

Oseas 10:5

Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Jeremías 13:27

Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Hechos 7:41

Jich la spasbeyic sloc'omba cojt' alal wacax. La smilbeyic chambalametic smajt'anin te loc'omba te la spasique. Bin nax sbujts' yo'tanic yu'un te bila la spas ta sc'abique.

Oseas 8:6

Te sloc'omba alal wacax yu'un Samaria, ma Diosuc, pastaj ta sc'ab jtul winic te ya sna' spasele. Wuyultic nax me ya xc'ot ta loq'uel.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Isaías 45:20

Te Cajwaltic ya yal: —Tsoba abaic, la'ic, noptsajanic tel ta apisilic te jaychajp mach'atic cuxulex to ta lumetique. Mero ma'yuc bi ya sna' te mach'atic ya sbeentesic yajcananic te pasbil ta te', te ya xjajch' sc'oponic te sdiose, te ma xju' ya xcoltayotic yu'une.

Deuteronomio 32:22

Te sc'ajc'al co'tane tilix jajch'el jichuc c'ajc', ya me xtil bael c'alal ta sc'ubulil lumq'uinaletic. Ya me slajin te lumq'uinal soc te bitic ya sitin tey a, ya me yac'bey sc'aal te yiptajib te witstiquile.

Salmos 19:13

Loq'uesbon toybail ta co'tan jo'on te awabatone; ma xawac' swentainon te toybaile. Jich ma'yuc jmul; jich me ma stsalon te muc' mulile.

Jeremías 48:13

Jich yu'un te Moab ya me yaiy q'uexlal ta yo'tan ta swenta te Quemós te dios yu'une, jich bit'il Israel la yaiy q'uexlal ta swenta Betel, te tey yac'oj smuc'ul a te yo'tane.

Oseas 13:2

Ja' nix jich yacalic ta spasel mulil. Ya yultesic ta c'ajc' te splataique, ya spas yajcananic a, chican bi yilel ya smulan spasel te mach'a ya sna'ic spasele. Ora ya yalic: —Ac'beyaic milbil smajt'an —xiic. Te ants-winiquetic ya sbujts'iyic te yajcananique, ja' te sloc'omba alal toro.

Amós 8:14

Te mach'atic ya sc'oponic yajcananic ta Samaria, te mach'atic ya yalic: “Ac'a cuxinuc te dios awu'un, ja'at Dan”,te xie, soc: “Ac'a cuxinuc te diosetic yu'un Beerseba”, teme xiic xane, ya me xyalic, soc mero ma xjajch'iquix —xi' te Cajwaltique.

2 Crónicas 13:8

Ta ora yo'tic awo'tanuc ya acontroinic te ajwalil yac'oj Cajwaltic, te ay ta at'el ta swenta sts'umbal David. Ja' nax yu'un te mero c'ax bayalex ta jyalel, soc ay ta awentaic sloc'omba te alal toroetic pasbilic ta oro yu'un Jeroboam, te ja' diosetic awu'unic ta sc'ope.

Oseas 10:8

Te toyol ch'uunjibaletic ya me yich'ic jinel, te bay la sle smul a te Israele. Ta bay sba te scajtijib majt'aniletic yu'unique ya me xch'i tel ch'ixetic tey a soc jot'awal-ch'ixetic. Te ants-winiquetic jich me ya yalbey te witstiquile: “Mucawotic”, xiic me. Soc ya me yalbeyic te ch'in witsetique: “Ch'ayuc tel ta jbatic”, xiic me.

Miqueas 1:7

Spisil te yajcanane ya me xwuyic jilel; soc ya me xc'ajq'uic spisil te' sts'apojic ta ch'uunele. Melel pastaj ta puro stojol jmulawil antsetic te ayic ta templo yu'un te lotil diosetic. Ja' nix jich ta stojol jmulawil antsetic ya jc'atp'un ta yan buelta —xi'.