Oseas 8:2 - Bible in Tzeltal de Oxchuc y Tenejapa

² Te c'alal yacalic ta spasel, ya to xtalic ta aw ta jtojol: “Ya jna'tic aba te ja'at Diosat yu'un Israel”, xiic.

Bible in Tzeltal Bachajón

² Hich ya yawtayon te Israel: Dios cu'un, ya jna'batcotic aba, xchihic.

Oseas 8:2 Referans Kwoze

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

San Mateo 7:21

“Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

San Lucas 13:25

Melel teme la smaquix ti'nail a te yajwal nae, jich ya xjajch' atijic te ti'naile te bit'il ayex ta amaq'ue. Jich ya xjajch' awalic: “Cajwal, Cajwal, jambotic te ti'naile”, ya me awutic. Ja'uc me to, ya yalbeyex te yajwal nae: “Ma jna' te banti talemex te ja'exe”, ya me yutex.

San Mateo 25:11

“Ta patil talic uuc te yantic tec'tojom ach'ixetique. Jich la yalic: “Cajwal, cajwal, jambotic te ti'naile”, xiic.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Jeremías 7:4

Ma me x'awich'ic ta wenta te mach'atic ya xlo'laywanic ta c'op te jich ya yalic: ‘Ilawil te templo yu'un te Cajwaltic. Li' ay to te templo yu'un te Cajwaltic, li' ay to te templo’, te xiic ta yalele.

2 Reyes 10:29

Pero ma ba la yilay te muliletic la yac' yaluc israeletic a te Jeroboam te snich'an Nabat, yu'un la to xch'uun te alal toroetic pasbil ta oro te ayic ta Dan soc ta Betel.

2 Reyes 10:16

Jich la yalbey: —Joinawon, ya me awilon bit'il quich'oj ta muc' te Cajwaltique —xi'. Jich la yic' bael ta scarreta.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Oseas 8:3

Ja'uc me to, te Israel la xch'oj bael te bila leque; jich yu'un ya me xnutsot yu'un te scontrotaque.