Oseas 8:1 - Bible in Tzeltal de Oxchuc y Tenejapa

¹ “Oq'uesina te oq'ues awu'une, jich bit'il te mach'a j'il-q'uinal te wijq'uil sit ta scanantayel te lum cu'un, jo'on te Ajwalilone. Melel la xch'aybonic te trato cu'une, soc la scontroinic te p'ijubtesel cu'une.

Bible in Tzeltal Bachajón

¹ Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Oseas 8:1 Referans Kwoze

Oseas 6:7

“Ja'uc me to, te lum cu'un pajal soc Adán, la xc'axintayic te trato cu'un soc ma junuc yo'tanic ta jtojol.

Deuteronomio 28:49

Te nación mero c'ubul ay ta atojol, ya me sticunbat tel ta atojol te Cajwaltique. Jich me ya xtal ta ora te bit'il tulan ya xwil tel te águilae, jun nación te ma x'ana'bey sc'ope.

Oseas 5:8

Oq'uesinaic xulubil yu'un guerra ta Gabaa, soc oq'uesinaic oq'ues ta Ramá. Ac'beya señail guerra ta Bet-avén. Ac'beya socuc sjolic te mach'atic ta Benjamín.

Jeremías 4:13

Ilawilic te contro yacalic ta noptsajel tel jichuc tocal, te scarretaic yu'un guerra, pajal soc yilel te mero tulan iq'ue, te caballoetic yu'unique, c'ax to jich ya xbeenic yu'un a te bit'il águilae. Obal jbatic, jo'otic te ch'ayemotique.

Habacuc 1:8

Te scaballoic c'axem jich ya x'animajic a te bit'il leopardo-choj, c'axem jich yixtaelic a te bit'il ja'mal ts'i'etic yu'un jochol taquin q'uinal. Te mach'a cajajtic ta spat caballo jchajp ya x'animajic soc a, bayal yajtalul ta jyalel, soc c'ubul to ya xwilic tel ta sjajch'esel guerra. Jich c'oemic te bit'il jxic te ya xwil bael ta stojol te bila ya stsaque.

1 Corintios 15:52

Te c'alal ya x'oc' ta slajibal buelta te oq'uese, ya xc'atp'ujotic ta ora nax, jich bit'il ya smuts' sba mujts'eluc te jsitique. Te c'alal ya x'oq'uesinot te oq'uese, spisil te animaetique ya me xcha'cuxic tel. Xujt' ma xju' te ya xlajic xan yan buelta. In te jo'otique, ya xc'atp'ujotic ta jpisiltic.

San Mateo 24:28

Te banti chawal sbaq'uetal te bila lajeme, tey ya stsob sbaic tel a te xulemetique.

Zacarías 11:1

Jama ti'nailetic awu'un, Líbano, ac'a lajuc ta c'ajc' te cedroetic awu'une.

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

Sofonías 1:16

Ja' me sc'aalelal ta oq'uesinel oq'ues soc aw ta scontroinel te lumetic te tulanic sts'ajc'ul soc te ay toyol balal ts'ajq'uetic yu'unique.

Amós 9:1

La quil te Cajwaltic te ay ta sts'eel te scajtijib majt'anile, soc jich la yalbon: —Yuq'uilaya ta majel te yoyal na ja' to me c'alal ya xnijc' te yiptajibe; ac'a wuyuc coel tel ta sba te ants-winiquetique. Te mach'atic cuxul ya xjilic, ya me jmil ta puñal; manchuc me ya x'anic bael ta sc'opic, ni jtuluc ya xcol.

Amós 8:3

Te bi c'aalil ya cale, te c'ayojetic ta muc'ul palacio ya me xc'atp'ujic ta oq'uel. Bayal mach'a ya xlajic, soc ya me yich'ic ch'ojel loq'uel te sbaq'uetalic, ma'yuc mach'a ya xc'opoj. Ja' tulan ya cal jo'on te Ajwalilone —xi'.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Joel 2:1

Oq'uesinaic oq'ues ta wits Sión, ac'a ta na'el ta ch'ul wits yu'un Cajwaltic te ya xtal swocolil. Ac'a jajch'icuc ta nijq'uel ta spisilic te mach'atic nainemic ta Judá, melel nopolix sc'aalelal te Cajwaltique:

Oseas 9:15

Ya yal te Cajwaltique: —Ta Gilgal la spasic spisil te bila amene, tey jajch' quilay ta co'tan a. Ta swenta te amen yat'elic ya jloq'ues bael ta jna; ma ba ya jc'uxtay bael, melel toybaic ta jyalel spisil te ajwaliletic yu'unique.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Ezequiel 16:59

“Jo'on Ajwalilon te jich ya cale: Ya me cac'bat te bila snujp' te awat'ele. Melel ma ba la apas te bila jc'axel awaloje, ma ba la apas te bila trato la jpastique.

Ezequiel 7:14

“Ya x'oq'uesinot oq'ues swenta iq'uel ta guerra. Spisilic ya xchajban sbaic, pero ma'yuc mach'a ya xloc' ta yaq'uel guerra. Ya me cac'bey castigo soc quilimba te c'ax stoyoj sbaic te Israele.

Jeremías 51:27

“Ac'a chicnajuc bandera swenta guerra ta q'uinal; Oq'uesinaic oq'ues soc ac'a xchajban sbaic te nacionetic yu'un yaq'uel guerra te Babilonia. Jajch'anic nacionetic ta scontroinel, ja'at Ararat, Mini soc Askenaz. Tejc'anaic jtuluc mach'a ya xmandalaj yu'un guerra. Ac'a noptsajuc tel te caballoetique, jich bit'il te c'ajc'al c'ulubetique.

Jeremías 48:40

Te Cajwaltic ya yal: —Te scontro Moab yacal ta wilel tel ta stojol, jichuc muc'ul águila yilel te slich'oj xiq'ue.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Jeremías 4:5

“Pucaic ta alel ta Jerusalén soc ta sq'uinal Judá, awunanic soc oq'uesinaic oq'ues ta spuquel ta spamal te lumq'uinale, tulan xawawtayic ta jyalel: “Conic, ya jtsob jbatic, ta lumetic te tulanic sts'ajc'ule”, xaex me.

Isaías 58:1

Te Cajwaltic la yalbon: —Ma xiwat ta aw, tulan me x'awunat, jich xatoyes ac'op te bit'il sc'op oq'ues. Coma te lum cu'un te ya spasic te mulile; coma te lum yu'un Jacob te jelawiquix bayal ta jtojole.

Isaías 24:5

Te balumilal boloben yu'un te mach'atic nainemic tey a, melel la yijq'uitayic ta pasel te mandaliletic, la xc'axintay ta spisilic, la xch'ayic ta ch'uunel te trato te ay ta sbajt'el q'uinale.

Isaías 18:3

Ja'ex ta apisilic te yajwalex te balumilale, ya me awilic te c'alal ya yich' toyesel moel bandera ta wits, soc ya me awaiybeyic sc'op te cornetae.

2 Reyes 18:27

Te mach'a ay yat'el ta Asiria, jich la yal: —Ma ja'uc te awajwal soc ni ja'uquex te la sticunon tel ta yalel te muc' ajwalil yu'un Asiria; ja' nix a te mach'atic ayic ta ba ts'ajq'ue. Ja'ic, soc ja' nix jichex uuc, ya me alo' atsa'ic soc ya me awuch' achuxic —xi'.

Joel 2:15

Oq'uesinaic oq'ues ta wits Sión. Tsobaic te yajwal lum, coma awe'elic;

Jeremías 34:18

Te jtsobwanejetic yu'un Judá soc ta Jerusalén, soc te mach'atic abatetic ta palacio, soc te sacerdoteetic soc spisil te yantic winiquetic te la xchap sc'opic ta jtojole, ja' bi, olil la sjawic ta bojel te alal wacaxe, c'axic ta yolilal ta xcha'jawal. Ja'uc me to, la xc'axintayic te bila xchapojique, jich ma c'ot ta pasel yu'unic.

Jeremías 49:22

Te contro ya me xwilic bael ta stojol Bosra, jich bit'il águila te slich'oj xiq'ue. Te bi c'aalile, te soldadoetic yu'un Edom ya me xnijq'uic jich bit'il ya x'alaj ants —xi'.

Ezequiel 17:3

Jich xawalbey: “Jich la yal te Cajwaltique: ‘Ay jcojt' muc'ul águila c'ot ta Líbano, mero muq'uic te xiq'ue, muc' ya smac, potsol ta sc'uc'umal, mero bayal sbonil te sc'uc'umale. La stsac ta sni' te sni'il te cedro,

Ezequiel 11:4

Ja' yu'un c'opojan ta jwenta —xi'.