Oseas 7:8 - Bible in Tzeltal de Oxchuc y Tenejapa

⁸ “Te Efraín la scap sba soc jyanlumetic. Te Efraín jich c'oem te bit'il taquin sit waj te ma la yich' sujt'esele.

Bible in Tzeltal Bachajón

⁸ Te Efraín la scap sba soc te jyanlumetic; hich c'ohem te bin ut'il pimil pan te jehch nax ta'ajem.

Oseas 7:8 Referans Kwoze

Salmos 106:35

Ja' ba scapin sba soc te mach'atic ma'yuquic ta stojol te cuxul Dios, soc la snopbeyic te scostumbreique.

Esdras 9:12

Soc la awalbotic te ma xju' ya jnujbin cantsil-nich'nabtic soc squerem-nich'nabic, soc ma xju' ya xnujbin jquerem-nich'nabtic soc yantsil-nich'nabic uuc. Soc la awalbotic te ma me ayuc bi ora ya xbajt' co'tantic ta slamantesel q'uinal ta stojolic, ni slebeyel yutsilalic te ants-winiquetic in to, swenta yu'un jich mero ya me jcanantay jbajtic a soc mero tulan ya x'ainotic a, soc ya me jwe'beytic te bitic lec ta q'uinale, soc ya me cac'beytic jilel yu'unin te jts'umbaltic ta sbajt'el q'uinale.

Malaquías 2:11

Ma junuc yo'tan ta stojol Dios te Judae; yac ta spasel te bila mero c'ax amen ta jyalel ta lum Jerusalén soc ta spamal sq'uinal Israel. Te Judae la sboltesbey yutsilal te templo smulanej te Cajwaltic, melel te winiquetic ta Judá la yinaminic te antsetic te ya squejan sbaic ta xch'uunel te lotil diosetique.

Esdras 9:1

C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.

1 Reyes 18:21

Te Elías noptsaj bael ta sts'eel te lume, jich la yal: —¿Jayeb xan ora jich ya x'ainex te bit'il ayexe, te cheb awo'tanique? Teme ja' mero Dios te Cajwaltic, ja' me xat'unic jiche; o teme ja' te Baal, ja' ya sc'an ya at'unic jiche —xi' te Elías. Te lume ma jp'aluc la sjac'.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

Oseas 9:3

Efraín ya sujt' bael ta Egipto, soc ta Asiria ya me swe'elin we'elil te ilaybile. Ma me xju' ya x'ainic xan ta bay slum-sq'uinal te Cajwaltique.

Oseas 5:13

“C'alal ya yil sba te ay ta chamel te Efraín, soc c'alal ya yil yejch'en te Judá, te Efraín ya xbajt' ta Asiria ta sc'anel coltayel ta stojol te mero muc'ul ajwalil. Ja'uc me to, ma me xju' yu'un slamantesel te xchamele, soc ma xju' yu'un xpoxtayel te ejch'enetic yu'une.

Oseas 5:7

Ma junuc yo'tanic ta stojol te Yajwalique, melel ay alaletic yu'un soc yan tatil. Ta scaj te ma junuc yo'tanique, jich yu'un ta jun nax u ya xbolob bael te sq'uinalique.

Oseas 7:9

Mero ma ba ya xc'ot ta yo'tan te ja' lajinbot yip yu'un te jyanlumetique. Asta te stsotsil sjol ma sna' stojol teme sacubenixe.