Oseas 7:7 - Bible in Tzeltal de Oxchuc y Tenejapa

⁷ Ta spisilic jich ya xtil sc'aal yo'tanic te bit'il horno, ya slajinic te ajwaliletic yu'unique. Spisilic te muc' ajwaliletic lajemic; ma'yuc ni jtuluc te mach'a ya sc'oponone.

Bible in Tzeltal Bachajón

⁷ Spisilic hich sc'ahc'alic te bin ut'il horno, ya slajinic te jtsobawetic yu'unique. Hich yahlic spisil te ajwaliletic yu'unic, mayuc mach'a ya sc'oponon.

Oseas 7:7 Referans Kwoze

2 Reyes 15:30

Te Oseas, snich'an Ela, la xchap sc'op ta scontroinel te Peka, snich'an Remalías. La stsac sba soc, jich la smil. Jich yu'un ja' och ta sjelol ta muc' ajwalil, jtab ja'wil yochel ta muc' ajwalil a te Jotam, snich'an Uzías.

2 Reyes 15:25

Pero jtul capitán-soldado, Peka sbiil, snich'an Remalías, la xchap sc'op ta scontroinel. Soc lajuneb yoxwinic (50) winiquetic ta Galaad, c'o staic ta anjibal ta spalacio te muc' ajwalil, tey c'o smilic a. C'alal la smil, ja' och sjelolin ta muc' ajwalil te Peka.

2 Reyes 15:14

Melel ja' te Manahem, snich'an Gadi, jajch' ta Tirsa, ba yac'bey guerra ta Samaria te Salum. C'alal la smil, ja' och ta sjelol ta muc' ajwalil.

2 Reyes 15:10

Te Salum snich'an Jabes la xchap sc'op ta scontroinel te Zacarías, la stsac ta Ibleam, tey la smil a. Ja' och ta sjelol ta muc' ajwalil.

Oseas 8:4

“Mero ma la yich'onic ta wenta te la snajc'anic muc' ajwaliletic yu'unic, soc te la sleiquix ch'in ajwaliletic te ma ba caiyoj stojole. La stsaquiquix te plata te oro yu'unic ta swenta spasel yajcananic; ja' nax ya sjin sbaic a.

Oseas 7:10

Te stoybail Israel ja' nix testigo te ya x'alot yu'une. Manchuc me jich, ma ja'uc ya sujt'ic tel yu'un, ma ba ya sleic te Cajwaltic te Dios yu'unique.

Isaías 64:7

Ma'yuc mach'a te ya sc'oponate, ma'yuc mach'a ya spas tulan te ya sc'anbat coltayele. Ja' swentail te la anac' aba ta jtojoltic, soc la apijt'esotic ta scaj te bila amen jpasojtique.

Isaías 43:22

“Ja'uc me to, ja'at Israel te lumat yu'un Jacob, ma la ac'oponon, lubat ta jtojol.

Isaías 9:13

Ja'uc me to, te lume ma ba la sujt'es yo'tanic ta stojol Dios yu'un te castigo la yac'beye; ma la sc'an sleic te Cajwaltic te Spisil ya xju' yu'une.

Job 36:13

—Te mach'atic amen yo'tanic bayal ya x'ilinic, soc manchuc me ayic ta chuquel, pero ma ba ya sc'anic coltayel.

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Daniel 9:13

Ta spisil te bitic amen julem tel ta jtojoltic, ja' yac ta c'oel ta pasel te bila ts'ibubil ta mandaliletic yu'un Moisés. Pero te jo'otique, ma ba ya jleticat, Cajwal Dios cu'untic, ma ba quijq'uitayejtic te bila amen ya jpastique, ni ma ba t'unbil cu'untic te smelelil c'op awu'une.

Ezequiel 22:30

La jleix ta yolilic te mach'a ay bila lec ya spasbey ta stojol te lume, te yacuc stejc'an sba ta c'op cu'un ta stojol te lume, swenta yu'un jich ma ba ya jlajin a te jichuque. Pero ma'yuc banti jtaoj.

2 Reyes 10:14

Te Jehú la yalbey mandal te mach'atic t'unbil yu'une: —Tsacaic ta stelemalic —xi'. Te mach'atic t'unbil yu'une, cuxul a la stsaquic, la smilic ta nopol pozo Bet-equed yu'un Jcanan-chijetic. Cheb yoxwinic (42) te winiquetique, ma'yuc cuxul la yijq'uitayic jtuluc.

2 Reyes 10:7

Te c'alal c'ot ta sc'abic te jun, la stsaquic te lajuneb xchanwinic (70), la smilic. Patil la yac'bey ta moch te sjolique, la sticunic ta Jezreel.

2 Reyes 9:33

Pasotic ta mandal yu'un Jehú: —¡Ch'ojaic coel tel te antse! —xi' sc'oplalic yu'un. Jich la xch'ojic coel c'alal ta lum. Wil moel ta pajc' te xch'ich'ele, soc ta bay caballoetic. Te caballoetic la spech'anic ta teq'uel te Jezabel.

2 Reyes 9:24

Pero te Jehú la spaman jajch'el te st'imalte', la yac'bey bael jun tiro te yat'ejibal st'imalte' te Joram. Te st'imalte' och ta spat, c'ax ta yo'tan te Joram, jich yal ta sba scarreta. Jich laj te Joram.

1 Reyes 16:18

C'alal la yil te Zimri te ju'ix ta pojel yu'unic te lume, och bael ta anel ta yutil spalacio, la yac'bey sc'aal te sna, tey laj ta c'ajq'uel a.

1 Reyes 16:22

Pero te swinictac Omri ju' yu'unic stsalel te swinictac Tibni, te snich'an Ginat. Laj te Tibni, och ta muc' ajwalil te Omri.

1 Reyes 15:28

Te Baasa la smil te Nadab ta yoxebal ja'wil yochel ta muc' ajwalil yu'un Judá a te Asa, ja' och ta sjelol ta muc' ajwalil.

Oseas 13:10

Melel ¿banti ay yo'tic te muc' ajwalil awu'une, te ya scoltaybat spisil te lumetic awu'une? ¿Banti ay te jtsobwanejetic awu'une, te la ac'anic te ay muc' ajwalil soc ch'in ajwaliletic awu'unique?

Miqueas 2:1

Ya me yil swocolic te mach'atic ayic ta swayibic te ya snopilay ta yo'tanic te muliletique. Te c'alal ya sacub q'uinal, ya xc'ot ta pasel yu'unic, melel ay yipic ta spasel.

Salmos 14:4

Ma'yuc bi ya sna'ic te mach'atic amen yat'elique. Ja'ic ya swe'bonic c'oem te lum cu'une, jich ya slajinic te bit'il mach'a ya swe' waj. Ja' te mach'atic ma sc'anbeyic coltayel ta stojol te Cajwaltique.

Isaías 64:4

Ma'yuc bay aiybil stojol, ni ma'yuc bay ilbil te ay yan Dios te bit'ilate, soc te ay bitic jchajp ya spas a ta swenta xc'uxtayel te mach'atic ya smuc'ulin yo'tane.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.