Oseas 7:2 - Bible in Tzeltal de Oxchuc y Tenejapa

² Ma sna'ic stojol te ya quich'bey ta wenta te bila amen ya spasique. Ta ora yo'tic joytayotiquix yu'un te yat'elic, te ay nix ta jsit spisil ora.

Bible in Tzeltal Bachajón

² Ma sna'ic te jna'oj spisil te bintic chopol spasojique. Yo'tic joytaybiliquix yu'un te ya'telic te ayic ta jtojol.

Oseas 7:2 Referans Kwoze

San Lucas 12:2

Melel ma'yuc bila nac'al te ma xyich' chicnantesele, soc ma'yuc bila muquen te ma x'ac'ot ta na'el stojole.

Salmos 90:8

Te jmultic soc te jboliltic jamal chican ta ilel ta atojol.

Amós 8:7

La yal ta jamal te Cajwaltic, la sta ta alel a te bila stoyoj sba yu'un te sts'umbal Jacob: —Mero ma xch'ay ta co'tan te bila spasojique —xi'.

Jeremías 14:10

Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Jeremías 32:19

Te ja'ate c'ax muc'at yu'un te bila achapoje soc bayal awu'el ta spasel te at'eliletic awu'une. Te ja'ate ya awil spisil te bitic ya spasic te ants-winiquetique, soc ya awac'bey stojic juju-jtul te yat'elic te bit'il ya sc'ane.

Jeremías 16:17

Melel yacon ta yilel spisil te yat'elic, ma'yuc bila mucul ya xjil ta jtojol, ma xju' ya smuc smulic ta jsit.

Jeremías 4:18

—Ta scaj te bi yilel awo'tan soc te at'eliletic awu'une, te bila c'oem ta pasel ta atojole; scaj te bila amen awu'un te ac'botat ch'aal sit te' c'oem, te ya yejch'entesbat awo'tane —xi' te Cajwaltique.

Isaías 5:12

Te c'alal ayex ta we'el swenta q'uin, ay sc'op arpaetic, salterioetic, c'ayobetic soc amayetic, soc bayal uch'balil vinoetic. Ni ma x'ana'ic jtebuc te bila ya spas te Cajwaltique, ni ma'yuc ta wenta awu'unic te bitic yat'ele.

Salmos 25:7

Ja'uc me to, ma me x'ana'bonix te muliletic cu'une, ma me x'ana'bonix te bitic amen la jpas ta calalil toe. Cajwal, na'awon ta swenta smuc'ul xc'uxul awo'tan soc te yutsil te awo'tane.

Salmos 9:16

Te Cajwaltic la yac' sba ta na'el te bit'il yaiyojix chajbanwanej ta stojolic. Te mach'a amen, chucul ya xjil, ja' nix te syac xchajbanej stuquele.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Salmos 50:22

“Ac'a c'otuc ta awo'tanic te bi la cale, ja'ex te ya ach'ay ta awo'tanic te Diose. Te jichuc co'tan ts'ubiltic ya xjilex cu'un, ma'yuc mach'a ya scoltayex.

Job 34:21

Dios ya yil te banti ya xbeen te ants-winique, soc ya sna'bey spisil te bit'il ya xbeene.

Deuteronomio 32:29

Te ayuc sp'ijil yo'tanic, ya xc'ot ta yo'tanic te bi c'oem ta pasel te jichuque.

Números 32:23

Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Isaías 44:19

Ma xju' yu'unic snopel, ay to sc'an na'el yu'unic te ya xc'ot ta yo'tanique, te yacuc yalic: “Olil te te' la cac' tiluc c'ajc' a, te ac'ale tac'aj tel jwe'el a, la jwo ti'bal a soc we'on; te smajc'alele la jpas a te bila ilaybile. Jun smajc'alel te' te bi yacon ta xch'uunele”, te xiuque.

Isaías 26:16

Te c'alal ayotic ta woclajel, Cajwal, la jleticat atuquel; te tojtesel la awac'botique, jich nax te bit'il sajsaj c'ope.

Jeremías 17:1

“Judá, te amule ts'ibubil ta cincel-taq'uin, ch'ojch'onbil ta ts'ibuyel ta sni' stulanil diamante, ts'ibubil ta awo'tan jichuc pejch'el ton, ts'ibubil ta xulubil scajtijib majt'aniletic.

Jeremías 44:21

—¿Yu'un bal ya acuyic te ma sna' stojol Cajwaltic, o ya acuyic te ch'ayemex ta yo'tan ja'ex soc te antiguo ame'-atatic, te muc' ajwaliletic, te jtsobwanejetic awu'unic, soc ta spisil te lume, te la awac'beyic pom te lotil diosetic ta lumetic ta Judá soc ta calleetic ta Jerusalén?

Oseas 4:9

Jich nix te lum te bit'il sacerdoteetic, ya cac'bey stoj ta castigo te yat'elique.

Oseas 9:15

Ya yal te Cajwaltique: —Ta Gilgal la spasic spisil te bila amene, tey jajch' quilay ta co'tan a. Ta swenta te amen yat'elic ya jloq'ues bael ta jna; ma ba ya jc'uxtay bael, melel toybaic ta jyalel spisil te ajwaliletic yu'unique.

Oseas 12:2

Te Cajwaltic yalojix c'op ta stojol juez: —Ay smul te Israele —xi'. Ya yac'bey castigo te lum yu'un Jacob ta scaj te yat'ele; ya yac'bey stoj te bit'il nix ya sc'ane.

Jonás 1:2

—Jajch'an ta beel, baan ta muc'ul lum Nínive. Albeya te ya jlajinix, scaj te toyix sc'oplal ta ch'ulchan te smulic ta jtojole —xi' sc'oplal yu'un te Cajwaltique.

Salmos 10:11

Te mach'a amen yo'tan ya scuy te ma xna'bot yu'un Dios te yat'ele, scuyoj te smucoj yelaw te Diose, te xujt' ma xyil ta sc'ope.

Ezequiel 21:29

Te bila ya yil ta sc'opique, lotil me, soc te bila yac ta yalel sc'oplale, puro lotil stuquel. Te puñal ya me xyal ta snuq'uic te bol j'uts'inwanejetique. Nopolix ya sta yorail te slajibal castigo ta stojolique.

Oseas 6:2

Ora nax ya yac' xbujts'naj q'uinal caiytic; ya xjachotic jajch'el yu'un ya yac' xcuxinotic ta stojol.