Oseas 6:3 - Bible in Tzeltal de Oxchuc y Tenejapa

³ Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Bible in Tzeltal Bachajón

³ Ac'a jna'betic sba te Jehová; ya xtal ta jtojoltic hich smelelil te bin ut'il ya xloc' tal te c'ahc'ale; ya xtal ta jtojoltic hich te bin ut'il te ha'ale, hich te bin ut'il te ha'al ta yorahil sit soc ta yorahil shahchel snahtil c'ahc'al te ya yahts'es te q'uinale.

Oseas 6:3 Referans Kwoze

Oseas 14:5

Jich ya jpasbey ta swenta Israel te bit'il ts'ujule, jich me ya yac' snich c'oem, jich bit'il te lirioetique. Tulan me ts'unul ya xc'ot, jich bit'il tulan te wits Líbano.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Salmos 72:6

Jich ac'a c'otuc te bit'il ja'al te ya yajts'es te lumq'uinal soc jich ac'a c'otuc te bit'il ts'ujul te ya yajts'es te aquiltique.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

Zacarías 10:1

C'anbeyaic ja'al te Cajwaltic ta yorail primavera; te Cajwaltic, te ya yesmantes te chawuquetic. Ma me p'isbiluc nax ya yac' tel te ja'al; ta spisil me ya yac'bey yaxubuc te q'uinale.

2 Pedro 1:19

Jich ya jna'tic te smelelil te bila yalojic jilel te namey q'uinal j'alwanejetique. Ja' lec te bit'il awich'ojic ta muc' te c'op yalojique, te melel pajal soc lámpara te tilem ta ijc' q'uinale, ja' to teme sacub q'uinale, soc ja' to teme loc' tel te muc'ul ec' swenta sacubel q'uinal te ya yac' sacub q'uinal ta awo'tanique.

San Lucas 1:78

Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Miqueas 4:2

Ya xtal bayal ta jchajp nacionetic, jich me ya yalbey sbaic: —La'ic, ya xmootic bael ta wits yu'un te Cajwaltique; ya xmootic ta templo yu'un te Dios yu'un Jacob. Ja' me ya yac'botic quiltic te beetic yu'une; jich me ya xju' xbeenotic ta bay ch'in beetic yu'une —xi'. Melel ta Sión ya xloc' tel te p'ijubtesjibal yu'un te Cajwaltique; ta Jerusalén ya xtal te sc'ope.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

Oseas 10:12

La calbey: “Te ja'uc ya ats'unic c'oem te bila toj ta pasele, ja' ya ac'ajic te xc'uxul-o'tanil te jichuque. Chajbanaic ta yach'il te lumq'uinale, melel yorailix ta leel te Cajwaltique. C'alal ya xtal, ya me yic' tel jichuc ja'al te acolelique”, xoon.

Isaías 54:13

Jo'on ya jp'ijubtesbat ta spisil te awalataque, spisil me ya staic muc' yutsilalic.

Hechos 17:11

Te judioetic te ayic ta bay lum Berea, ay razon ta yo'tanic stuquelic. Ma jichuc yo'tanic te bit'il yo'tanic te mach'atic ayic ta bay te lum Tesalonicae. Toyol yo'tanic la yaiyic stojol te bila albot yaiyic yu'un te Pabloe. Jujun c'aal la sle yilic ta Sjun Dios teme melel te bila yacalic ta yaiyel stojole.

Oseas 2:20

Ya me quic' quinaminat, soc jun nax me co'tan ta atojol; jich yu'un te ja'ate ya me ana'bon jba te jo'on Awajwalone.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Isaías 32:15

Ja'uc me to, te Cajwaltic te jchicnanteswanej, ya me xcha'tal ta jtojoltic soc yu'el. Te jochol taquin q'uinale ya xc'atp'uj ta lequil lum yu'un; te lum te ay yutsile, c'axem to xan ay yutsil ya xc'ot.

Salmos 65:9

Ja'at ya acanantay te lumq'uinale, ya awac' tel ja'al ta stojol, soc ya awac' sitinuc awalts'unubil tey a. Ja'at ya awac' muc'ubuc te trigoetic ta swenta beja'etic te nojel ya'lelique. Jich ya achajban te lumq'uinale.

Deuteronomio 32:2

Te nopjibal cu'une jich me ya xyal coel te bit'il ya xyal coel te ja'ale. Te c'opetic cu'une, jich me c'oemic te bit'il ts'ujule, jich bit'il c'unil ja'al ya xc'ot ta sba te wamale, jich xt'ulajan ya xc'ot te bit'il xt'ulajan ya xc'ot ta sba aquiltic te ja'e.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Isaías 5:6

ya jpijt'es jilel. Ma ba ya yich' c'abuyel, ni ma ba ya yich' aq'uentayel; ya me xnoj ta ch'ixtiquil soc ta wanc'altic. Ya me jpas ta mandal te tocaletic te ma me xyaq'uic ja'al ta stojol —xi.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Job 29:23

bin nax yo'tanic la smaliyic, jich te bit'il ya yich' maliyel ja'al ta yorail c'aalel q'uinale.

Miqueas 5:7

Ja' yu'un te mach'atic sts'umbal Jacob te jilemic to, te ay ta yolilic bayal ta jpam lumetic, jichic me te bit'il ts'ujul ya sticun tel te Cajwaltic, jich bit'il ja'al ya xjul ta sba te wamaletique, te ma ja'uc sc'anjel yo'tan te winique.

Salmos 19:4

ja'uc me to, ay ta puquel ta spamal balumilal te sc'opic c'oeme, ja' to ta bay c'alal sti'il balumilal, ja' to c'alal ta bay ya xch'ay bael te c'aale.

San Juan 7:17

Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

2 Samuel 23:4

jich me te bit'il yac ta t'osel q'uinal c'alal ya sacube, jich me te bit'il xojobil te c'aale te ma'yuc tocal ta sabe, te ya yac' muc'ubuc te ch'in wamaletique c'alal ya xc'ax te ja'ale’, xi'.

Salmos 19:6

Te c'aal ya xloc' tel ta jejch' ch'ulchan, ya xjoybej bael ja' to c'alal ya xc'ot ta loq'uel ta yan jejch' ch'ulchan, ma'yuc mach'a ya xju' snac' sba yu'un te xq'uixnale.

Salmos 63:8

Ta spisil jcuxlejal jun ayat soc; atsacojon ta swa'el ac'ab.

Isaías 2:3

bayal me te lumetic te jich ya xc'o yalbey sbaique: —La'ic, ya xmootic ta wits yu'un Cajwaltic, te banti ay te templo yu'un te Dios yu'un Jacob, swenta yu'un ya me yac'botic quiltic te beetic yu'une, jich me ya xju' cu'untic ya xbeenotic ta ch'in beetic yu'un —xiic. Melel ta Sión ya xloc' te p'ijubtesjibal yu'un te Cajwaltique; ta Jerusalén ya xtal te sc'ope.

Oseas 14:6

Te sc'abc'abe ya me slim sba bael, t'ujbil yutsilic jich bit'il sc'ab olivo; soc jich me sbujts' yic' te bit'il cedroetic ta Líbano.