Oseas 5:1 - Bible in Tzeltal de Oxchuc y Tenejapa

¹ “Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Bible in Tzeltal Bachajón

¹ Sacerdotehetic, a'iya awa'iyic ini, sna Israel, ac'a achiquinic, sna ajwalil a'iya awa'iyic: Ha'ex awu'unic te castigo, como yaquil c'ohemex ta Mizpa, limbil yaquil ta sba Tabor c'ohemex,

Oseas 5:1 Referans Kwoze

Oseas 9:8

Dios yac'oj j'alwanej yu'un ta swenta j'il-q'uinal yu'un Efraín; ja'uc me to, te ja'exe ya awac'bey pejts' ta sbe. Asta ta bay templo yu'un Dios, ya alab-o'tantayic te j'alwaneje.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.

Miqueas 3:9

Ajwaliletic soc jtsobwanejetic yu'un Israel, aiya me awaiyic stojol ta ora to. Te ja'exe ya awilayic te bila toj ta pasele; ja' ya ajinic spisil te bila toj aye.

Oseas 6:9

Te sacerdoteetic jun yac'oj sbaic ta elec'. Yac'oj sbaic ta smujc'tayel te ants-winiquetique; ya yaiyic milaw soc yantic bitic swenta q'uexlal ta sbelal Siquem.

Jueces 4:6

Ay jun c'aal te Débora la sticun ta iq'uel jtul winic Barac sbiil, snich'an Abinoam. Te winic ainem ta Cedes, jpam lum te ay ta sq'uinal sts'umbal Neftalí. Te Débora jich la yalbey: —Te Cajwaltic te Dios cu'untic te israelotic, ay smandal ya yalbat: “Baan ta bay wits Tabor, tsoba lajunmil (10,000) ta jtul winiquetic tey a te sts'umbal Neftalí soc sts'umbal Zabulón.

Malaquías 2:1

Te Cajwaltic la yalbey xan: —Ta ora yo'tic, sacerdoteetic, ya calbeyex xan awaiyic:

Amós 7:9

Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Oseas 10:15

Ja' me jich ya xc'ot ta atojolic te ja'ex, yajwal Betel, ta scaj te muc' te amule. Te muc' ajwalil yu'un Israel ya me xlaj c'alal ya sacub te q'uinale.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Miqueas 3:1

Aiya awaiyic stojol yo'tic, ajwaliletic soc jtsobwanejetic yu'un Israel. ¿Yu'un bal ya acuy te ma'yuc ta awentaic ja'ex te ya ana'ic te bila stojil ta pasele?

Oseas 13:8

Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

Jeremías 46:18

Te bit'il jo'on muc' ajwalilon, “Ajwalil te Spisil ya xju' cu'une”, xi' te jbiile. Jamal ya cal jo'on te cuxulone. Jich bit'il te Tabor, te jelawen moel yu'un spisil te witstiquile, soc jich bit'il te Carmelo, te toyol moel yu'un mar, jich me te contro ya xtale.

Jeremías 13:18

La yalbon te Cajwaltic: —Albeya te muc' ajwalil soc sme': “Coanic ta amuc'ul nactijibic, naclanic ta lum, melel ch'ayemix coel ta ajol te acorona te xch'alojate”, uta me.

Joel 1:2

Mamaletic soc ta apisilic te yajwalex te lumq'uinale, aiybon me awaiyic jc'op. Mamaletic, ¿ay bal bi ora jich awilojic te bit'il ya awilic ta ora in to? ¿Ay bal awilojic jich te pajal soc te c'alal cuxulic ta q'uinal a te ame'-atatique?

Jueces 4:12

C'alal la yaiy stojol Sísara te moemix bael ta wits Tabor te Barac,

1 Samuel 7:5

Patil te Samuel la yal mandal: —Ya me jtsob jbajtic te jayeb israelotic ta Mizpa, yu'un ya me jc'oponbeyex Dios tey a —xi'.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

1 Samuel 7:16

Ta jujun ja'wil ya xbajt' ta lum Betel, Gilgal soc Mizpa, swenta yu'un ya xba xchajban te c'opetic yu'unic te israeletic ta spisil te juju-jtsojbe.

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Amós 3:1

Ja'ex israeletic, aiya awaiyic stojol te bila ya yal te Cajwaltic te la sloq'uesex tel ta Egipto: