Oseas 4:6 - Bible in Tzeltal de Oxchuc y Tenejapa

⁶ Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Bible in Tzeltal Bachajón

⁶ La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Oseas 4:6 Referans Kwoze

Isaías 5:13

Jich yu'un, te bit'il ma sc'an xyaiyic stojol te lum cu'une, ya me x'ic'otic bael ta mosoil. Ta spisil te lum soc te ajwaliletic yu'un ya me xlajic ta wi'nal soc ta taquinti'il.

Proverbios 19:2

Te mach'a toyol yo'tane, ma lecuc teme ma ba ya snop neeluc te bila ya spase; te mach'a bayal ya x'animaj yo'tane, ya sta falta yu'un.

Oseas 6:6

Te bila ya jc'anbeyex te ja'exe, ja' te c'uxucon ta awo'tanique, te ma ja'uc ya apasbonic te milbil majt'anile. Ja' ya jc'an te ya ana'bonic jba jo'on te Diosone, ma ja'uc te ya awac'bonic chic'bil majt'anile.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

San Mateo 15:8

“Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

Oseas 8:14

Israel ya spas palacioetic yu'un ajwalil; ja'uc me to, ya xch'ay ta yo'tanic te mach'a jpaswanej yu'une. Judá ya spas bayal ta jpam lumetic te tulanic sts'ajc'ule; ja'uc me to, ya cac'bey tiluc sc'aal te ya xtanub ta c'ajq'uel te muc'ul naetic yu'une —xi' te Cajwaltique.

Isaías 17:10

melel la ach'ay ta awo'tan te Dios te la scoltayate, ma la ana' te ja' anjibal awu'un te jun nax awo'tan tey a. Ja'at ya apas te yawil nichimetic te t'ujbile, ya ats'unbey snichimal ta swenta yich'jibal ta muc' te yan diose;

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

2 Crónicas 15:3

Te israeletic ma'yuquic ta stojol Dios bayal c'aal, ma'yuc sacerdote p'ijtesotic yu'un, ni ma'yuc ta alel ta stojolic te smandal Diose.

Oseas 13:6

“C'alal la spas sobrail awe'elic te ja'exe, noj toybail ta awo'tanic yu'un, soc la ach'ayon ta awo'tanic.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Job 36:12

Pero teme ma ba ya yich'ic ta muq'ue, tey ma'yuc bi sna'ojic a, ya xlajic soc ya xcoic bael ta muquenal ch'en.

Jeremías 5:21

“Aiya awaiy stojol, lom bolat soc ma x'ana' q'uinal ta jyalel, ay asit, pero ma x'awil q'uinal a, ay achiquin, pero ma x'awaiy stojol c'op a”, uta me.

Isaías 3:12

Jtul ch'in querem te ya xmandalaj ta uts'inwanej ta stojol te lum cu'une; te mandalteswanej ta stojolic ay ta sc'abic antsetic. Lum cu'un, te j'ic'wanejetic awu'un ya slo'layex, ya sjowtesex ta be.

Salmos 119:139

Ya xlajon ya caiy yu'un te bayal sc'oplal ta co'tan te ac'ope; yan te jcontrotac la xch'ayix ta yo'tanic.

Salmos 119:61

Ta sjoylejal la yac'bonic spejts'ul te mach'atic amen yo'tanic; ja'uc me to, ma ba jch'ayoj ta co'tan te p'ijubtesel awu'une.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Oseas 8:12

Manchuc me jo'on la jts'ibubey bayal sp'ijubtesel, ja'uc me to, jchajp nax c'ot ta yo'tanic.

Oseas 8:1

“Oq'uesina te oq'ues awu'une, jich bit'il te mach'a j'il-q'uinal te wijq'uil sit ta scanantayel te lum cu'un, jo'on te Ajwalilone. Melel la xch'aybonic te trato cu'une, soc la scontroinic te p'ijubtesel cu'une.

Oseas 4:12

Te lum cu'un ay bila ya sjojc'obeyic te yajcananic te spasojic ta te'; ta swenta snabate'ic ya sta ta sc'opic te sujt'ibe. U'uninbilic yu'un mulwej te lum cu'une, jich yu'un st'unojic nix jowil beetic a. Te ya spasic mulweje, jich ya yijq'uitayonic te Dioson yu'unique.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

1 Samuel 2:12

Te snich'nab Elí mero amen yo'tanic, ma ba la yich'ic ta muc' te Cajwaltique,

Isaías 45:20

Te Cajwaltic ya yal: —Tsoba abaic, la'ic, noptsajanic tel ta apisilic te jaychajp mach'atic cuxulex to ta lumetique. Mero ma'yuc bi ya sna' te mach'atic ya sbeentesic yajcananic te pasbil ta te', te ya xjajch' sc'oponic te sdiose, te ma xju' ya xcoltayotic yu'une.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

San Mateo 1:6

Isaí te stat muc' ajwalil David. Te muc' ajwalil Davide stat Salomón. Ja' sme' te yinam Urías ta neelal toe.

Salmos 119:153

Ilbon awil te jwocol, coltayawon, melel ma ba ch'ayem ta co'tan te p'ijubtesel awu'une.

Proverbios 10:21

Te c'op ya xloc' ta ye te mach'a toj yo'tan, bayal mach'a ya xp'ijubic yu'un; yan te mach'a ma sna' q'uinale, ya xlaj ta scaj te ma'yuc bila ya sna' stuquele.

Ezequiel 44:23

“Te sacerdoteetic ya me yac'beyic snop stsajtayel te lum cu'un te bila ch'ultesbile soc te bila ma ch'ultesbiluque, te bila lec sc'oplale soc te bila ma lecuc sc'oplale.

Oseas 4:14

Ja'uc me to, ma ba ya cac'bey castigo te awantsil-nich'nabic te yac'oj sbaic ta jmulawil ants, ni ja'uc te awalibic te ya yaiyic mulweje. Melel te ja'exe ya xbaex soc te jmulawil antsetique; ya ajoin ta yaq'uel milbil majt'anil te jich ya ach'uunic awajcananique. Jich ya xch'ay bael te lum te ma'yuc bi ya sna'e.

Oseas 5:4

Amen yat'elic te lume, ta swenta te yat'elic ma xc'otic ta stojol te Dios yu'unique. Te bit'il u'uninbilic yu'un te mulweje, ma sna'beyic sba Cajwaltic yu'un.

Oseas 7:9

Mero ma ba ya xc'ot ta yo'tan te ja' lajinbot yip yu'un te jyanlumetique. Asta te stsotsil sjol ma sna' stojol teme sacubenixe.

Oseas 7:11

Te Efraín jich c'oem te bit'il stsumut, ma sna' q'uinal, mero ma'yuc sp'ijil. Ya sc'anic coltayel ta Egipto, soc ora ya xba sc'anic coltayel ta Asiria.

Salmos 18:27

Te ja'ate ya acoltay te mach'atic peq'uel yac'oj sbaique, yan te mach'atic stoyoj sbaique, ya apejc'an stuquel.

Isaías 29:12

Soc teme ja' ya awac'bey te mach'a ma sna' yilel jun te jich ya awalbeye: “C'opona”, teme ya awute, ya sjac': “Ma jna' yilel jun”, xi' me.

Oseas 9:17

Te lum ma sc'an ya yich'ic ta muc' te Dios cu'une. Jich yu'un te Dios cu'une ya me xch'oj loq'uel, soc ya me xbajt'ic ta melmonel ta nacionetic.