Oseas 4:5 - Bible in Tzeltal de Oxchuc y Tenejapa

⁵ Ta c'aaleltic soc ta ajc'ubal ya xyalat; ya me xyalat soc te j'alwaneje, te ja'ate ya jinat.

Bible in Tzeltal Bachajón

⁵ Ta c'ahc'aleltic ya xyahlat, soc pajal ya xyahlat soc te jalwanej ta ahc'abal, soc ya jimbat te anane.

Oseas 4:5 Referans Kwoze

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Jeremías 15:8

C'axem to xan me'ba antsetic la quijq'uitay a, te jich yipal te bit'il sji'al mar. Ta mero olil c'aal a te la cac' tel lajel ta stojol te me'iletic soc te yalataque; ora nax la cac' tel mel-o'tan soc xiwel ta stojolic.

Gálatas 4:26

Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Zacarías 13:2

Ta spisil te lumq'uinale jc'axel me ya jinbey sbiil te loc'ombaetic, swenta yu'un ma ba ya yich'iquix c'oponel a. Soc ya me jloq'ues ta lumq'uinal te j'alwanejetic yu'unic, soc spisil te amen nopjibaletique. Jo'on Ajwalilon te jich caloje.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Jeremías 50:12

Ja'uc me to, te alumal ta bay ayinate, nojel ta q'uexlal ya xjil. Ya xc'atp'ujatix ta slajibal yu'un te nacionetique, jochol taquin q'uinal soc tan me ya xjilat.

Jeremías 23:9

Te bit'il ay sc'oplal te j'alwanejetic, jich ay: Lajemon ya caiy soc te co'tane; spisil jbaq'uetal ya xnijc'. Jichon yilel te bit'il jyacubele; jich bit'il jtul winic u'uninbil yu'un vino. Ja' ta scaj te Cajwal soc te xch'ul-c'ope.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Ezequiel 14:3

—Ja'at winic, ya calbat, te winiquetic in to, jc'axel yac'oj yo'tanic ta xch'uunel te loc'ombaetic yu'unique, ja' yac'oj sitic ta stojol te bitic ya x'ac'bot sta smulic yu'une. ¿Snujp' laj bal teme ay bila ya xtal sjojc'obonique?

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.

Oseas 5:5

Te stoybail Israel, ja' nax ya x'ac'ot ta castigo yu'un; te Efraín ja' nix ya xc'ojch'in sba a te smule, soc ja' nix jich te Judá, ya xc'ojch'in sba a.