Oseas 4:3 - Bible in Tzeltal de Oxchuc y Tenejapa

³ Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Bible in Tzeltal Bachajón

³ Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Oseas 4:3 Referans Kwoze

Sofonías 1:3

Ya jlajin te ants-winiquetic soc te chambalametique; ya jlajin te mutetic soc te chayetique. Ya sc'ojch'in sba te mach'atic amen yo'tanique; soc ya jch'ay ta balumilal te ants-winiquetique —xi'. Tulan ya yal xan te Cajwaltique:

Nahúm 1:4

Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Amós 5:16

Jich ya yal te Cajwaltic Dios te Spisil ya xju' yu'une: —Ay me oq'uel ta yolil lum, ta spisil calleetic ay me awetic.Jich me ya yalic: “¡Ay! ¡Ay!”, xiic me ta oq'uel. Ya me x'ic'otic tel ta oq'uel te mach'atic ayic ta c'alc'altic, soc te mach'atic yat'elinejic oq'uel yu'un te mel-o'tane.

Ezequiel 38:20

Te chayetic ta mar, te mutetic ta toyol, te jti'awal chambalametic, soc te bitic staslajan ya xbeenic ta lume, ya me xnijq'uic yu'un xiwel ta jtojol, soc ja' ni me jich te ants-winiquetic ta balumilale. Te witstiquil ya me xlaj ta jemts'ujel, te tonetic ya me xyalic coel, spisil me te joyob ts'ajq'uetic ya me xyalic coel ta lum.

Jeremías 12:4

¿Jayeb to c'aal ya xjalaj te taquejem te lumq'uinale te ya xtaquej te aquiltique? Te chambalametic soc te ja'mal mutetic yacalix ta lajel ta scaj amen te yajwal te lumq'uinale, te ya scuyic te ma x'awil te bila ya spasique.

Jeremías 4:25

La quil te ma'yuquix jtuluc ants-winic tey a, soc spisil te ja'mal mutetique bajt'iquix.

Amós 8:8

¿Ma bal yacuc xtal nijq'uel ta lumq'uinal yu'un? ¿Ma bal ya x'oq'uic spisil te yajwale? Te lumq'uinal ya me syuq'uilay sba, jich bit'il ya xmo soc ya xco ya'lel te muc'ja' Nilo.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Isaías 33:9

Te lumq'uinale yac ta lajel ya yaiy soc mel-o'tan, te Líbano yac ta c'anubel ta q'uexlal, te spamlejal q'uinal Sarón, c'atp'ujix ta jochol taquin q'uinal, te Basán soc te wits Carmelo, t'axalic jilel.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 23:10

Te lume nojel ta yo'tanic mulwej; ja' te ants-winiquetic buen animal ya xbajt'ic ta spasel te bila amene, mero ya stuuntesic yip sbaq'uetalic ta spasel te bila ma stojiluque. Ja' swentail te la yut jilel Cajwaltic te q'uinale, jich a taquej te lumq'uinale, c'ajq'uem yilel a jil te aquiltic ta jochol taquin q'uinal.

Joel 1:18

Xme'lajan te chambalametique. Tojol ya sle swe'elic te wacaxetique; ta stsojbol te chijetic ayic ta chamel.

Zacarías 5:4

Te Cajwaltic te Spisil ya xju' yu'un jich yaloj ta jamal: “Jo'on ya jticun te castigo swenta yu'un ya me x'och ta sna te mach'a ya x'elc'aje, soc ya me x'och ta sna te mach'a ay bila ya stojol-tabon ta alel ta lot te jbiile. Te castigo tey me ya x'ain a, asta ja' to teme laj te sts'amte'al soc te tonetic yu'un te snae”, xi' me —xi' te ch'ul abate.

Jeremías 9:9

¿Me yacuc cac'bey castigo yu'un? ¿Me jichuc ya sc'an cac'bey stoj te lum te bila ya spase? Jo'on Ajwalilon te jich ya cal.