Oseas 4:1 - Bible in Tzeltal de Oxchuc y Tenejapa

¹ Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Bible in Tzeltal Bachajón

¹ Israeletic, a'iya awa'iyic te sc'op te Jehová, como ay c'op yu'un soc te mach'atic nahinemic ta q'uinal, ma ba jun yo'tanic, mayuc sc'uxul yo'tanic, ma sna'beyic sba te Diose.

Oseas 4:1 Referans Kwoze

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Miqueas 6:2

Aiya me awaiyic stojol sc'op, ja'ex witstiquil, soc te stulanil yiptajibex te lumq'uinale. Te Cajwaltic ya me yalbey smul te lum yu'une, ya me stij ta c'op te Israele.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Oseas 12:2

Te Cajwaltic yalojix c'op ta stojol juez: —Ay smul te Israele —xi'. Ya yac'bey castigo te lum yu'un Jacob ta scaj te yat'ele; ya yac'bey stoj te bit'il nix ya sc'ane.

Jeremías 25:31

Te yip sc'ope ya xc'ot c'alal to ta sti'il te balumilale, melel te Cajwaltic ya yilbey yat'elic te nacionetique; ya yic' tel ta chajbanel spisil te ch'ich'-baq'uetetique, ya yac'bey yil swocolic ta lajel te mach'atic amenique. Te Cajwaltic jich ya yal”, uta me —xi' te Cajwaltique.

Jeremías 5:4

La cal ta co'tan: “Ja' nax te me'baetic te amen ta jyalel te yat'elique, melel ma sna'ic stuquelic te bila ya sc'an yo'tan te Cajwaltique, te bila mandal yu'un te Diose.

Isaías 34:1

Noptsajanic tel, lumetic, aiya awaiyic stojol; nacionetic, aiya awaiyic stojol. Ac'a yaiy stojol te lumq'uinal soc bitic ay tey a, te balumilal soc spisil te bitic ya yaq'ue.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

Apocalipsis 2:29

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique —xi'.

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

San Juan 8:55

Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

Amós 7:16

Jich yu'un ya calbat, aiybeya awaiy stojol sc'op te Cajwaltique. Ja' te ya awal atuquel te ja'ate: “Ma x'ata ta alel te Diose, ma me xacontroin Israel, ma me xacontroinbey te sts'umbal Isaac”, te xaate.

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Jeremías 34:4

Sedequías, muc' ajwalil yu'un Judá, aiya me awaiy stojol te bila ya cal jo'on te Ajwalilone: Ma ba ya xlajat ta ye puñal.

Jeremías 19:3

Albeya: “Muc' Ajwaliletic yu'un Judá soc yajwal Jerusalén, aiya awaiyic stojol sc'op Cajwaltic te Spisil ya xju' yu'une, te Dios yu'un Israel: Ya jticun tel muc' te bila amen ta stojol in lum to, ta spisil mach'a ya yaiybey stojol sc'oplal xch'inet nax me xchiquin ya xjil yu'un.

Jeremías 9:20

Antsetic, aiya awaiyic stojol sc'op te Cajwaltique, aiya awaiyic te bila ya yalbate. P'ijubtesaic ta oq'uel te awantsil-alic soc te ajo'taque, te yacuc yalic ta oq'uel:

Jeremías 7:28

Albeya: “Ja' in nación to ma xch'uunbonic jc'op jo'on te Ajwalilon te Dioson yu'une, ni ma sc'anic tojtesel. Te stojil yutsil yo'tanique ch'ay c'axel ta yeic ta jyalel”, uta me —xi' te Cajwaltique.

Jeremías 6:13

“Spisilic, muc'-biq'uitetic, ja' nax ya snop yo'tanic te staq'uinic ya xwejt' ta bic'tal-o'tanil; j'alwanejetic soc sacerdoteetic, spisilic jlo'laywanejetic.

Jeremías 4:28

Te balumilale ya xnoj yu'un mel-o'tan, soc te ch'ulchan, ya x'ijc'ub yu'un mel-o'tan. La calix te jc'ope, pero ma ba ya jsujt'es; chapalix cu'un, ma xju' sujt'on bael ta jpat.

Jeremías 2:4

Sts'umbalex Jacob, te yal-snich'anex Israel, aiybeya awaiyic sc'op te Cajwaltique.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Isaías 34:8

Ja' me sc'aalelal ya xc'ot yu'un Cajwaltic te ya yac'bey spacol te Edom; ja' ya'wilal ya xc'ot te ya x'ac'bot stoj, ta scaj te lum Sión.

Isaías 28:14

Aiya awaiy stojol te bila ya yalbeyex te Cajwaltique, ja'ex te amen awo'tanic te ya xmandalajex tey ta lum Jerusalén.

Isaías 5:3

Jich ya yal: —Yo'tic, ants-winiquetic ta Jerusalén, ants-winiquetic yu'un Judá, alaic ja'ex te mach'a a te ay smule: ¿Ja' bal te ts'usubiltic cu'une? o ¿jo'on bal?

Isaías 1:10

Jtsobwanejetic yu'un Sodoma c'oemex, aiybeya awaiyic stojol sc'op te Cajwaltique; lum Gomorra, aiya awaiy stojol ta lec te bitic ya yac'bat anop te Dios cu'untique.

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

Isaías 59:4

Te mach'a ya sc'an parte, ma'yuc jtuluc te toj nax ya xc'opoje, ma'yuc mach'a toj yo'tan ya xbajt' ta chajbanel. Ja'uc me to, ja' muc'uben yo'tan yu'un te lot soc te jowil c'opetique; ja' muc'ubenix xch'ujt' yu'un te bila ma lecuque, ya me x'ayin yu'un te mulile.

Isaías 59:8

Ma sna'beyic sbelal te lamal-o'tanile; te yat'elic ma'yuc bila toj tey a. Ma ba toj te be st'unojique; te mach'atic ya st'unic, ma ba ya staic lamal-o'tanil tey a.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Jeremías 51:5

Te Israel soc Judá, manchuc me staoj smulic ta jtojol, soc teme nojel ta mulil yu'unic te slumale, ma ba pijt'esbilic cu'un, jo'on Ajwalilon, te Spisil ya xju' cu'une, te Ch'ul Dioson yu'un Israel.

Joel 1:2

Mamaletic soc ta apisilic te yajwalex te lumq'uinale, aiybon me awaiyic jc'op. Mamaletic, ¿ay bal bi ora jich awilojic te bit'il ya awilic ta ora in to? ¿Ay bal awilojic jich te pajal soc te c'alal cuxulic ta q'uinal a te ame'-atatique?

Salmos 81:9

Ma me x'adiosinbeyic te diosetic yu'un jyanlumetic; ma me xach'uunic diosetic teme ma ja'uc ya awil te Dios awu'une.

Jeremías 2:9

“Jich yu'un te jo'on Ajwalilon, jich ya cal: Ya jchajban c'op ta atojolic ja'ex soc te amamataque.

Jeremías 9:7

Ja' yu'un te jo'on Ajwalilon te Spisil ya xju' cu'une, ya cal: ¿Bi yan ya xju' ya jpas yu'un te lum cu'une? Ja' nax ya cac' ta c'ajc' swenta slecubtesel.

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Ezequiel 16:35

“Ja' yu'un, jmulawil ants, aiybon me awaiy te jc'ope,

Oseas 5:4

Amen yat'elic te lume, ta swenta te yat'elic ma xc'otic ta stojol te Dios yu'unique. Te bit'il u'uninbilic yu'un te mulweje, ma sna'beyic sba Cajwaltic yu'un.

Oseas 12:3

C'alal ma to x'ayin a te Jacob, la spojbeyix yawil a te sbanquile; soc te c'alal muq'uix a, la stsac sba soc te Diose.

Amós 3:1

Ja'ex israeletic, aiya awaiyic stojol te bila ya yal te Cajwaltic te la sloq'uesex tel ta Egipto: