Oseas 3:5 - Bible in Tzeltal de Oxchuc y Tenejapa

⁵ Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Bible in Tzeltal Bachajón

⁵ Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Oseas 3:5 Referans Kwoze

Jeremías 30:9

Ya me yac' sba ta abatinel ta jtojol te Yajwalon soc te Dioson yu'une, soc ta stojol David, te ja' ya cac' ta muc' ajwalil yu'unic stuquele.

Isaías 2:2

Ta slajibal c'aal tulan me ya xc'ot te wits te tey ay a te templo yu'un te Cajwaltique. Ja' me te wits te c'ax toyol xane, ja' c'ax toyol yu'un a te yantic witsetique. Spisil te nacionetic ya me xtalic ta stojol;

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

Miqueas 4:1

Ta slajibal c'aal tulan me ya xc'ot xan te wits ta banti ay te templo yu'un Cajwaltique. Ja' me te wits te c'ax toyol xane; ja' c'ax toyol yu'un a te yantic witstiquile. Spisil te nacionetic ya me xtalic ta stojol.

Ezequiel 38:8

C'alal c'axix bayal ja'wil a, ya awich' pasel ta mandal, yu'un ya awac'bey guerra jpam lum te namey la yich' aq'uel guerra, ja'uc me to ta ora to xcha'tamojix sba. Ja' in jpam lum to pujc' bael ta nacionetic ta nameye, te jc'axel la yich' lajinel sbajt'el q'uinal sc'oplale, pero la stsobix xan sba ta witsetic yu'un Israel a. Ja' me yorail a te sujt'emiquix tel ta yantic lumetic a, ta spisilic bin nax meix yo'tanic ta nainel tey a.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Oseas 5:6

Soc te chijetic soc te wacaxetic yu'unic ya xba yalbeyic wocol a te Cajwaltique; ja'uc me to, ma ba ya staic, melel la sq'uej sba bael ta stojolic.

Daniel 10:14

Ja' yu'un tal cac'bat ana'bey swentail te bila ya xc'ot ta pasel ta stojol ta patil te alumale, melel te bila la awil la awaiye, ja' ya yac' ta na'el te bila ya xc'ot ta pasele”, xi' te Gabriele.

Daniel 2:28

Pero ay jun nax Dios ta ch'ulchan te ya sna' te bila wocol ta na'ele, ja' la yac'bat ana' te bila ya xc'ot ta pasel ta patil baele. Ya me calbat awaiy, muc' ajwalil cu'untic, te bila swentail te awaiche, soc te bitic la awil la awaiy te c'alal wayalate:

Ezequiel 38:16

Jich me ya xc'o awac'beyic guerra te lum Israel cu'une. Ja'at Gog, ya me xc'o apots c'oem jichuc buen pimil tocal te lumq'uinale. Ta slajibal bael te c'aale, ya me cac' ya xtal awac'bey guerra te lum cu'une, swenta yu'un ja'at me ta awenta te ya cac'bey sna'ic te nacionetic te jo'on Ch'ul Dioson.

Jeremías 33:17

Jo'on Ajwalilon ya cal: Ma spas falta te ya xc'ot ta pasel te ay jtul sts'umbal David, te ja' ya xnajc'aj ta muc' nactijibal yu'un Israel,

1 Reyes 12:16

Te c'alal la yilic ta spisilic te lum israeletic te ma ba ich'otic ta wenta yu'un te muc' ajwalile, jich la yalbeyic: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! ¡Te David ac'a scanantay te mach'atic ay ta swenta! —xiic. Jich ora bajt'ic ta snaic spisilic te israeletique.

Deuteronomio 4:30

Te c'alal c'axix awu'unic spisil a te tulan wocoletique, teme ya asujt'es xan awo'tanic ta stojol te Cajwaltic soc te ya ach'uunbeyic te smandale,

Números 24:14

Lec ay, ya sujt'onix bael ta jlumal; ja'uc me to, ya to calbat xan jilel te bila ya spas bael ta yan c'aal te lum Israel ta stojol te alumale —xi'.

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Jeremías 30:24

Te yilimba Cajwaltic ma xquejch'aj, ja' to teme ju' ta pasel yu'un te bila ay ta yo'tane. Te ja'exe ya me sta yorail te ya xc'ot ta awo'tanic te c'ope.

Isaías 2:3

bayal me te lumetic te jich ya xc'o yalbey sbaique: —La'ic, ya xmootic ta wits yu'un Cajwaltic, te banti ay te templo yu'un te Dios yu'un Jacob, swenta yu'un ya me yac'botic quiltic te beetic yu'une, jich me ya xju' cu'untic ya xbeenotic ta ch'in beetic yu'un —xiic. Melel ta Sión ya xloc' te p'ijubtesjibal yu'un te Cajwaltique; ta Jerusalén ya xtal te sc'ope.

Isaías 9:13

Ja'uc me to, te lume ma ba la sujt'es yo'tanic ta stojol Dios yu'un te castigo la yac'beye; ma la sc'an sleic te Cajwaltic te Spisil ya xju' yu'une.

Isaías 17:7

Te bi c'aalil jich ya xc'ot ta pasele, spisil te ants-winiquetic ya sujt'es bael sitic ta stojol te Jpaswanej yu'une, ja' te Ch'ul Dios yu'un Israel.

Oseas 1:11

Jich me ya stsob sbaic te ants-winiquetic, ja' te yajwal Judá soc te yajwal Israel. Soc ya me yac'beyic yat'el jtul jtsobwanej, spisil ta bayuc ya me sujt'ic bael ta Jerusalén. Muc' me ya xc'ot sc'aalelal te Jezreel.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Isaías 60:5

Te c'alal ya awile, ya me xojobaj yutsil awo'tan, bin nax me awo'tan yu'un. Ya me yich'beyex tel sc'ulejalic te lumetic ta ti'mar; soc ya me yac'beyex sc'ulejalic te nacionetique.

Oseas 6:1

La'ic ta apisilic, sujt'ucotic ta stojol te Cajwaltique. Ja' nix la stsacotic, ja'uc me to, ja' nix ya xpoxtayotic; la yejch'entesotic, ja'uc me to, ya spotsbotic.