Oseas 3:4 - Bible in Tzeltal de Oxchuc y Tenejapa

⁴ Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Bible in Tzeltal Bachajón

⁴ Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Oseas 3:4 Referans Kwoze

Jueces 17:5

Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

2 Crónicas 15:2

jich loc' bael, ba sta sba ta c'op soc Asa swenta yu'un ya yalbey: —Aiybon awaiyic stojol jc'op, ja'at Asa, soc ta apisilic ta Judá soc ta Benjamín. Te ja'ex sjoinejex te Cajwaltic, teme jun awo'tan ya awac' abaic ta stojole. Teme ya aleique, ya me ataic; yan teme ya awijq'uitayic ta awo'tanic, jich nix me ya yijq'uitayex ta yo'tan.

Génesis 31:19

Te Labán baem ta xjoxel loq'uel stsotsil xchij a, jich te Raquel la yelc'anbey bael te bitic yajcananinejic ta sna te state.

Hebreos 10:26

Melel teme spasemal co'tantic ya jleulay xan jmultic te bit'il quich'ojtiquix te smelelil c'ope, ma'yuquix yan milbil smajt'an Dios yu'un xch'ayel te mulile.

Daniel 12:11

Jmil soc lajuneb yo'lajunwinic (1,290) c'aal ya xc'ax a te c'alal ya yich' quejch'anel ta aq'uel te milbil smajt'an Diose, ja' te swenta jujun c'aal ya yich' aq'uel ae, soc te c'alal ya yaq'uic tey a ta templo yu'un Cajwaltic te bila mero ilaybil yu'un te Diose.

Daniel 9:27

Teme c'ax bael jun xan semana ya me spas trato soc bayal ants-winiquetic. Pero ta olil semana ya me scom ta aq'uel milbil smajt'an Dios, soc ya me scom ta aq'uel yantic majt'aniletic. Mero ilaybil me sba te bila ya yich' pasel yu'un ta sts'eel scajtijib milbil smajt'an Dios, ja' to teme jul te lajinel albil sc'oplal ta stojol te mach'a ya spas te at'el ilaybil sbae —xi' ta jtojol te Gabriel.

1 Samuel 23:9

Pero la yaiy te David te bi chapalix yu'un Saúl. La yalbey mandal te sacerdote Abiatar te yacuc x'ich'bot tel te efod, swenta yu'un ya me sjojc'obey te Cajwaltique.

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.

Éxodo 28:4

Te c'u'il-pac'al ya yich' pasele, jich ay: sbolsa ay ta stan, efod, snajt'il c'u', te jlam xan snajt'il c'u' ta yutil te ch'albil ta ts'isele, te najt'il pac' ya xpix ta sjol te ya yich' pasel ta lino, soc te xchujq'uil xch'ujt'e. Pasaic jiche te ch'ul paq'uetic yu'un te abanquil Aarón soc te snich'nabe, swenta yu'un jich me sacerdoteetic cu'un te ya x'at'ejic ta jtojol.

San Juan 19:15

Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Zacarías 13:2

Ta spisil te lumq'uinale jc'axel me ya jinbey sbiil te loc'ombaetic, swenta yu'un ma ba ya yich'iquix c'oponel a. Soc ya me jloq'ues ta lumq'uinal te j'alwanejetic yu'unic, soc spisil te amen nopjibaletique. Jo'on Ajwalilon te jich caloje.

Oseas 13:11

Soc quilimba la cac'bat te muc' ajwaliletique, soc nix quilimba la jpojbeyex.

Oseas 2:11

Ya me jlajinbey sc'oplal te sbujts' yo'tane; mero ma'yuc sbujts' yo'tan ya yaiy ta spasel te q'uinetic yu'une, jich bit'il te yach'il u, soc ta jujun sc'aalelal cux-o'tan, soc spisil te q'uinetic ya spase.

Daniel 11:31

“Te soldadoetic yu'un ya me sboltesbeyic te templo soc te anjibal yu'une, ya me scom ta aq'uel te milbil smajt'an Dios swenta jujun c'aale. Ja' me ya yac' tey a te bila mero ilaybil yu'un te Diose.

Ezequiel 21:21

Te muc' ajwalil yu'un Babilonia tey la yaq'uix sba ta banti ya xjetin jajch'el te cheb be. La spasbey snúmero ta na'el te bila ya to xtal ta stojole. Jich la xchajulay te yat'ejibalul t'imalte'e, soc la sjojc'obey te bila cuybil ta diosetic yu'une, soc ta sejc'ub chambalametic.

Ezequiel 20:32

Jich c'oem ta awo'tanic te ja' pajal ya xc'oex soc te yantic nacionetic ta balumilale, te ya xch'uunic te' soc ton, pero ma me jichuc ya xc'ot.

2 Reyes 23:24

Te Josías jc'axel la sten loq'uel te jpic-c'abaletic, soc te mach'atic ay bila ya sna'ic syoljoltayel. Soc la slajinbey sc'oplal te loc'ombaetic yu'unic ta snaic, soc te yantic loc'ombaetic, soc nix ta spisil te yantic yich'jibal ta muc' te ilaybil nax sbaic, te chicanic ta ilel ta Judá soc ta Jerusalén. Jich la spas, swenta yu'un jich ya xc'ot ta pasel a te bit'il yaloj te mandaliletic ts'ibubil tey ta libro la sta te sacerdote Hilcías ta templo yu'un te Cajwaltique.

2 Samuel 6:14

Te David slapoj efod pasbil ta lino-pac', soc yac ta beel ta ajc'ot ta spisil yip.

1 Samuel 30:7

La yalbey te sacerdote Abiatar, snich'an Ahimelec: —Wocoluc, ich'bon tel te efod —la yut. Jich te Abiatar la yich'bey bael ta ora te efod.

1 Samuel 23:6

Te Abiatar te snich'an Ahimelec te tal ta anel ta st'unel bael David, bajt' soc ta Keila, yich'oj bael te efod.

1 Samuel 22:18

Ja' yu'un te muc' ajwalil la spas ta mandal te Doeg te edom-winic: —Mila ja'at —la yut. Te Doeg spisil yip och ta smilel te sacerdoteetique. Laj ta milel yu'un jo'eb yo'winic (85) winiquetic te slapojic efod pasbil ta lino-pac'.

1 Samuel 21:9

Jac'bot yu'un te sacerdote: —Ay, ja' li' ay cu'un te spuñal Goliat, te filisteo la amil ta spamlej q'uinal Ela. Ay ta spat efod, potsol ta pac'. Ya xju' ya awich' bael teme ya ac'ane. Ma'yuquix yan at'ejibal yu'un guerra quich'oj —xi' te sacerdote. La sjac' te David: —Ja' mero lec stuquel abi. Ac'bon tel —xi'.

1 Samuel 14:3

Te mach'a ay ta swenta slapel te efod, ja' te Ahías te snich'an Ahitob, snich'jun Icabod, snich'an Finees. Ja' smam te anima Elí te at'ej ta sacerdote yu'un Cajwaltic ta Silo. Ma'yuc mach'a sna'oj teme baem te Jonatán;

1 Samuel 2:18

Pero te ch'in querem Samuel jun yo'tan yac'oj sba ta abatinel yu'un te Cajwaltic, sc'u'inej efod pasbil ta lino-pac'.

Levítico 8:7

Patil te Aarón la yac'bey slap te najt'il c'u'ile, la yac'bey xchujq'uil xch'ujt' soc la yac'bey slap te xchebal snajt'il c'u'e; ta sba la yac'bey te efod, soc ja' nix la xchucbey ta lec a te xchujq'uil efod.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Génesis 31:34

Te Raquel tey snac'ojbey ta nactibinel ta bay yet'al montura yu'un camello te yajcanan te state. Te Labán och slebey spisil sbiluc ay ta snailpac', ma'yuc bi la sta.

Jueces 18:14

Te jo'tul jtsajtaywanejetic te yilojiquix te q'uinal ta lum Lais, la yalbeyic te sjo'tac: —¿Ya bal ana'ic te ay bila li'to? Ja' te na lum ay to, ay efod soc yajcananic ta na, soc loc'omba te buen pasbil ta plata. ¿Bi ya ac'an apasic yu'un? —xiic.

1 Samuel 15:23

Te mach'a ya sta smul ta stojol Cajwaltic ta scaj stoybail, ja' pajal soc te mach'a ya sta smul ta scaj ay bi ya xju' yu'un sna'el ta sc'ope. Ja' pajal soc te mach'a ya xch'uun loc'ombaetic te mach'a ya xc'axintaybey te smandale. Te ja'ate la ach'aybey smandal te Cajwaltic, ja' yu'un ja' nix jich ch'aybil ya xc'oat soc awat'el ta muc' ajwalil —xi'.

Lamentaciones 2:9

Ma'yuc smajq'uil yochibal te lume, ni smajq'uil taq'uinal yu'un; la yich'ic jinel loq'uel, ts'ubiltic a jil. Te muc' ajwalil soc te sjo'tac ta ajwalil yu'unic, ayic ta yolil te mach'atic ma'yuquic ta stojol Dios; ma'yuquix ta alel smandal te Diose. Te j'alwanejetic yu'unique, ma'yuquix bila ya x'ac'bot yilic yu'un te Cajwaltique.

Oseas 13:10

Melel ¿banti ay yo'tic te muc' ajwalil awu'une, te ya scoltaybat spisil te lumetic awu'une? ¿Banti ay te jtsobwanejetic awu'une, te la ac'anic te ay muc' ajwalil soc ch'in ajwaliletic awu'unique?

Zacarías 10:2

Te c'opetic ta swenta lotil diosetic, ma meleluc stuquel; slotic te bila ya yalic te mach'atic ay bi ya sna'ic yalele. Te bi ya yalic te ya xc'ot ta pasele, ta patil jich nax c'oem te bit'il waichil te ma'yuc swentaile. Te sc'opic swenta smuc'tesel q'uinal yaiyic, tojol c'op;ma xmuc'ub yo'tanic yu'un te ants-winiquetique. Ja' yu'un te yajwal lume bayuc nax ya xbajt'ic ta beel jichuc jtsojp chijetic; c'ux obol sbaic ta scaj te ma'yuc jcanan yu'unique.

Éxodo 28:6

“Te efod ya me yich' jalel ta hilera pasbil ta oro soc ta stsotsil chij te bonbil ta morada, púrpura soc tsaj, soc ta ts'otbil lino, buen lec me ch'albil ta ts'isel.

Ezequiel 19:14

Ta sc'abc'ab ya xloc' c'ajc', ja' nix ya slajin a te spule, soc ja' nix ya slajin a te site. Ma'yuquix jil te sc'abc'ab mero tulanic, te ya xju' ya x'och ta sbastón muc' ajwalil —xi'. (Te c'ayoj in to ja' sc'ayojil te mach'a ya xlaje; ja' me ya xtuun spisil ora ta sna'jibal te bila ya yac' mel-o'tane.)

Ezequiel 21:31

Ya me jt'omes bael quilimba ta atojol, jich me te bit'il tulan tocal mero xiweltic sbae. Ya me cac'at ta sc'ab te mach'atic mero j'uts'inwanejetic te jc'axel ya xlajinwanique.