Oseas 3:1 - Bible in Tzeltal de Oxchuc y Tenejapa

¹ Te Cajwaltic la yalbon xan: —Baan, c'uxuc me ta awo'tan jtul ants te mulanbil yu'un yan winic, te mero mulawil ants stuquele. Jich me c'ux ta co'tan te israeletic jo'on te Yajwalone, manchuc me ya xbajt'ic ta stojol te lotil diosetic, soc te ya swe'beyic pejch'anbil taquin ts'usub te ya yac'beyic smajt'anine —xi'.

Bible in Tzeltal Bachajón

¹ Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi.

Oseas 3:1 Referans Kwoze

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Isaías 45:22

“La'ic ta jtojol, ya me jcoltayex, ja'ex te lumetic ta bayuc ayuquex c'alal sti'il te balumilale, melel jo'on nax Dioson, ma'yuc yan.

Miqueas 7:7

Ja'uc me to, ya jmaliy te Cajwale; ja' ayon ta smaliyel jtuquel te Dios te Jcoltaywanej cu'une, melel ya yaiybon stojol jc'op stuquel.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

Zacarías 1:16

Ja' yu'un yo'tic, jo'on Ajwalilon te jich ya cale: Jo'on ta swenta nax xc'uxul ta co'tan te Jerusalén, ya sujt'on ta stojol. Ya me cac' xan ta cha'pasel te templo, soc ya me yich' cha'pasel ta spamal te lume”, xi' te Cajwaltique —xi'.

Jeremías 3:20

Ja'uc me to, jich bit'il ma junuc yo'tan ta stojol smamlal te antse, jich nix ma junuc awo'tanic ta jtojol te ja'exe. Jo'on Ajwalilon te jich ya cale.

Salmos 123:2

Jich te bit'il ya yilbey sc'ab yajwal te moso, te ayuc bi ya x'ac'bot yu'une, soc jich te bit'il criada ya yilbey sc'ab te ants yajwalinej, te ayuc bi ya x'ac'bot yu'une, ja' jich te jo'otic yacalotic ta smaliyel te yacuc sna' yo'bolil jbatic te Cajwaltique.

1 Corintios 10:21

Ma xju' te jun buelta ya awuch' te bila ay ta vaso yu'un te Cajwaltique, soc ta yan buelta ya awuch' te bila ay ta vaso yu'un te pucujetique. Soc ma xju' te jun buelta ya xwe'at ta bay Smesa te Cajwaltique, soc ta yan buelta ya xwe'ex ta smesa te pucujetique.

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

Amós 2:8

Tey ya sliman sbaic ta we'el ta bay c'u'il te la yich'ic ta prendal, jich ya yac' sbaic ta we'el ta swenta yich'jibal ta muc'te yajcananique. Ja' taq'uin yu'un multa te ma'yuc swentail la sc'anic te ya smanic vino a, te ya yuch'ic ta bay templo yu'un te bila sdiosinejique.

Nehemías 9:31

Ja'uc me to, ta swenta te xc'uxul awo'tane, ma ba jc'axel la alajin, soc ma ba la apijt'es; melel ja'at, Diosat te mero bayal te yutsil awo'tan soc te xc'uxul awo'tane.

2 Reyes 13:23

Pero te Cajwaltic la sna'bey yo'bolil sbaic, soc tal xc'uxul ta yo'tan yu'un. Ta scaj te bi xchapoj soc Abraham, Isaac, Jacob te Cajwaltique, la sna' xan. Ma ba la sc'an slajin, soc ma ba la xch'ay ta yo'tan ta jc'axel. Jich nix ay yu'un Cajwaltic c'alal ora te Israel.

2 Samuel 6:19

Spisil te israeletic tey ayic a, antsetic winiquetic la yac'bey juju-jpejch' pan, juju-jxujt' ti'bal soc juju-jpejch' taquin ts'usub. Patil sujt' ta snaic ta spisilic.

Jueces 10:16

Jich te israeletic la yijq'uitayic te diosetic yu'un jyanlumetic te xch'uunejique, swenta yu'un ja' ya xch'uunic xan te Cajwaltique. Te Cajwaltic ma la sc'anix te ya xc'ax xan swocol te israeletique.

Jueces 9:27

Te yajwal Siquem loq'uic bael ta ts'usubiletic ta stulel sit, la spasic ta vino, soc la spasic muc'ul q'uin. Yacalic ta we'el soc uch'ajel ta templo te bay te diosetic yu'unique, jajch' sbolc'optayic te Abimelec.

Éxodo 32:6

Jich yu'un ta yan c'aal sab jajch'ic ta yac'beyel milbil smajt'an te scojt'ol ya yich' chiq'uele, soc xan yan milbil smajt'an te swenta seña te lamal-o'tanile. Te lume la snajc'an sbaic ta we'el ta uch'el, soc jajch' spasic q'uin.

1 Corintios 10:7

Ma me xach'uunic te loc'ombaetique, jich te bit'il ay la xch'uunique, jich bit'il te ts'ibubil jilele: “Te lume la snajc'an sbaic ta we'el-uch'ajel soc jajch' spasic q'uin”, te xie.

San Mateo 26:50

La yal te Jesuse: —Joytic, ¿bila tal apas? —xi'. Ora la stsaquic te Jesuse. La xchuquic bael.

Oseas 7:5

Te bi c'aalil ac'bot scorona te muc' ajwalil cu'untique, te ch'in ajwaliletic la yac'beyic chamel ta swenta sc'aal te vino la yuch'e. Tey bajt' yo'tan ta sjoinel te mach'atic ya yaiyic labanwaneje.

Oseas 4:11

“Te mulwej soc te yuch'el vino ya xch'ay yo'tanic yu'un.

1 Crónicas 16:3

Ta spisil te israeletic, winiquetic soc antsetic, la yac'bey juju-jpejch' waj, juju-jpejch' waj pasbil ta datil soc juju-jpejch' bacubtesbil ts'usub.

Cantares 2:5

Ac'bon xan yich' yip co'tan, ac'bon xan yip co'tan soc pejchanbil taquin ts'usubetic, mac'linawon ta manzana, melel te jo'one, ya xlajonix ya caiy yu'un te ya jmulanate.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.