Oseas 2:9 - Bible in Tzeltal de Oxchuc y Tenejapa

⁹ Jich yu'un ya me xcha'talon, ya me quich' sujt'el te trigo te vino cu'un te c'alal yorail sloq'uesel ae, soc ya quich' sujt'el te stsotsil chij soc lino cu'un te la cac'bey swenta yu'un ya smuc sba a.

Bible in Tzeltal Bachajón

⁹ Ha yu'un ya jcha'ich' te trigo ta yorahil soc te vino cu'un te c'alal ya yich' pasel; ya jloq'uesbe te stsotsel tuminchij soc te lino cu'un te la jca'be yu'un ya smuc sba a.

Oseas 2:9 Referans Kwoze

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

Malaquías 1:4

Te mach'a edometic te sts'umbal Esaú, teme jich ya yalic: —La quich'tic jinel; ja'uc me to, ya jcha'pastic xan te jlumaltic —teme xiique. Te Cajwaltic te Spisil ya xju' yu'un, jich me ya sjac': —Ya niwan xcha'pasic xan; ja'uc me to, ya jcha'jinbey xan. Te slumal jich me ay te sbiil: “Slumal mulil” soc “Nación te sbajt'el q'uinal ilinem Cajwaltic yu'un”, xi' me sc'oplal.

Oseas 2:3

Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Sofonías 1:13

Jich yu'un te sc'ulejal ya me yich' pojel loq'uel, soc te snaic ya me yich'ic jinel. Ya spas snaic, ja'uc me to, ma ba ya snainic; ya sts'unic ts'usubiletic, ja'uc me to, ma ba ya yuch'beyic ya'lel —xi'.

Joel 2:14

Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Oseas 9:2

Te lum Israel ma me ayuc trigo ni vino yu'unic; te yach'il vino yu'une ma me tic'uc a.

Oseas 8:7

Ja'ic la sts'unic c'oem te ic' soc la sc'ajic te tulan yic'al ja'ale. Ma me ayuc bila ya sc'ajic loq'uel ta q'uinal, ma me bay ya staic loq'uel harina ta sit trigo; teme ay to ya sloq'uesique, te jyanlumetic ya me swe'elinic.

Daniel 11:13

Te muc' ajwalil yu'un norte, ya xcha'chap xan yan soldadoetic yu'un, c'axem jich yipal te bit'il yan soldadoetic yu'un ta neelal toe. C'alal ya xc'ax bael ja'wil, ya me xcha'bajt' xan yac'bey guerra te sur. Ya me xbajt' soc bayal soldadoetic yu'un, te buen chapalic ta lec yat'ejibic yu'un guerra.

Ezequiel 23:26

Ya me sloq'uesbat ac'u'-apac', soc ya me yich'bat spisil te ac'ulejale.

Ezequiel 16:39

Ya me cac'at ta sc'abic, swenta yu'un ya me slajinic te bitic chapal awu'un ta banti ya apas te mulile, soc te banti la ach'uun te loc'ombaetic awu'une. Ya me stuch'bat loq'uel te ac'u'-apaq'ue, soc nix te ach'alil te t'ujbile, jc'axel me t'analat ya yijq'uitayat.

Ezequiel 16:27

“Jich la jtoy jc'ab, la cac'bat castigo: La jcombat ta atojol bitic ya xtuun awu'un, la cac'at ta sc'ab lumetic yu'un filisteoetic te ya yilayate, scaj te ilinemic ta atojol yu'un te q'uexlaltic sba te awat'ele.