Oseas 2:7 - Bible in Tzeltal de Oxchuc y Tenejapa

⁷ Ya sts'aclin xan te mach'atic ya xmulanot yu'un, ja'uc me to, ma ba ya sta bael; ya sle, ja'uc me to, ma ba ya staix. Jich me ya yal: “Ya sujt'on bael ta bay sbabial te jmamlale, melel lec nix ayon soc ta neelal”, xi' me.

Bible in Tzeltal Bachajón

⁷ Ya st'un te mach'atic ya xmulanot yu'un, pero ma ba ya sta; ya sle, pero ma ba ya sta ta lehel. Hich me ya yal: Ya suhton bahel ta stojol te jmamalal ta nahilal, como ha lec xan ayon a te bin ut'il ta ora ini, xchi.

Oseas 2:7 Referans Kwoze

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Oseas 5:13

“C'alal ya yil sba te ay ta chamel te Efraín, soc c'alal ya yil yejch'en te Judá, te Efraín ya xbajt' ta Asiria ta sc'anel coltayel ta stojol te mero muc'ul ajwalil. Ja'uc me to, ma me xju' yu'un slamantesel te xchamele, soc ma xju' yu'un xpoxtayel te ejch'enetic yu'une.

Oseas 13:6

“C'alal la spas sobrail awe'elic te ja'exe, noj toybail ta awo'tanic yu'un, soc la ach'ayon ta awo'tanic.

Ezequiel 23:4

Te wixile Ahola sbiil (seña Samaria), te ijts'inale Aholiba sbiil (seña Jerusalén). Jo'on la quic' quinamin, alajic, queremetic soc ach'ixetic te yalique.

Jeremías 14:22

¿Ay laj bal ta yolilic te lotil diosetic te ay jtuluc te ya xju' yu'un yaq'uel tel te ja'ale? ¿Stuquel nax laj bal ya sticun tel chawuquil ja'al te ch'ulchane? Ma jichuc, Cajwal, Dios cu'untic. Ja'at nax atuquel te ya aticun tele, ja'at nax atuquel te ya apas ta spisile; jich yu'un ya jmaliytic te bi ora ya awac'botique.

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Daniel 5:21

La yich' loq'uesel ta stojol te ants-winiquetique, la yich' c'atp'unel, pajal soc chambalam c'ot. Ja' la sjoin ta nainel te ja'mal burroetique. La slo' wamal jichuc wacaxetic, ajts'esot yu'un ts'ujul ta scojt'ol te sbaq'uetale, ja' to te la sna' te ja' nax te Dios mero toyol te ay yu'el ta stojol ta spisil te ajwaliletic ta balumilal, soc te ja' ya stojtes te mach'a ajwalil ya sc'an yo'tan ya stojtese.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Daniel 4:25

Te ja'at muc' ajwalil, ya me awich' pijt'esel ta stojol te ants-winiquetique, ya me xba ajoin ta nainel chambalametic. Ya me alo' wamaletic jichuc wacaxetic. Ya me yajts'esbat abaq'uetal te ts'ujule. Jich me ya x'ainat juqueb ja'wil tey a, muc' ajwalil, ja' to teme c'ot ta awo'tan te ay yip yu'el te Dios ya x'at'ej ta stojol ajwaliletic te ch'ich'-baq'uet naxe, soc te ja' nax stuquel ya yac' ochuc yat'el ta ajwalil te mach'a ya sc'an ya yac' ochel stuquele.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Ezequiel 23:22

Ja' yu'un jo'on Ajwalilon te jich ya cale: Te mach'atic buen mulanbil awu'une, pero ilaybiliquix awu'un, ya me cac'bat acontroin aba soc.

Ezequiel 20:32

Jich c'oem ta awo'tanic te ja' pajal ya xc'oex soc te yantic nacionetic ta balumilale, te ya xch'uunic te' soc ton, pero ma me jichuc ya xc'ot.

Ezequiel 16:18

Ja' la alapbey yilic te ac'u'-apac' buen t'ujbil sbonilique, soc la awac'bey smajt'anin te aceite cu'une, soc te pom cu'une.

Ezequiel 16:8

“Cha'c'axon xan ta ats'eel yan buelta. La quilat, ataojix amuc'ul, yorailix te ya xbaat ta ich'ele. La jlim bael ta atojol te jmuc'ul c'u'e, la jmucbat a te abaq'uetal t'anale. Soc tey ora la cal jba ta jamal ta atojol a, soc tey ora la jchap jc'optic swenta trato, jich la cu'uninat. Jo'on Ajwalilon te jich caloje.

Jeremías 31:32

Te trato ya jpase, ma jichuc te bit'il la jpas soc te antiguo sme'-static, c'alal la jtsacbey tel sc'abic te la jloq'ues tel ta Egipto. Melel ma la sc'otesic ta ch'uunel te trato cu'une, manchuc teme jo'on yajwalonique. Jo'on Ajwalilon, jich ya cal.

Jeremías 31:18

Ay caiyoj ajc'an ta c'axem to xan ta lum Efraín, jich la yal: “Jo'on jichon te bit'il jcojt' tat wacax te ma xju' ta pasel ta manso, yan te ja'ate la apason ta manso; ic'awon sujt'el ta atojol, melel ja'at Cajwalat te Diosat cu'une.

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

Jeremías 2:28

Lum Judá, ¿banti ay te awajcananic te la apase? Bayal te diosetic awu'une, jich nix yipal te bit'il te lumetic awu'une. Ac'a me taluquic, ya me quiltic teme ya xju' yu'un scoltaybelex te c'alal ya xjul te woclajel ta atojole.

Isaías 30:16

melel la awalic: “Ja' lec ya x'anotic bael ta caballo”, xaex. Lec ay, jich ya x'anex bael abi. Soc la awalic xan: “Ya xmootic bael ta carretaetic, animal ya xbootic”, xaex. Lec ay, ja' animal ya xbajt'ic te mach'atic ya snutsex baele.

Salmos 116:7

Ta ora yo'tic lamalix co'tan ya caiy, melel te Cajwaltic mero lec yo'tan ta jtojol.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Oseas 2:16

Jich me ya yalbon: “Jmamlal”, xi' me; ma me ja'uc ya yalbon xan: “Baal cu'un”, te xie. Jo'on Ajwalilon, tulan ya cal.

2 Crónicas 28:23

La yac'bey milbil smajt'an te lotil diosetic ta Damasco, te ja' nax ac'ot ta jinel yu'une. La scuy te ya xcoltayot yu'unic teme ya yac'bey milbil smajt'ane, melel coltayotic yu'un ta sc'op te muc' ajwaliletic yu'un Siria. Ja'uc me to, ja' nax sjinjibal a c'ot soc ta spisil Israel.

Jeremías 44:17

Ya nix jpastic bael a te bila jnopojtiquix ta co'tantique. Ya nix cac'beytic pom soc majt'anil vino te Antsil Ajwalil yu'un Ch'ulchan, jich bit'il yacotic ta spasel c'alal ora yo'tic, soc jich bit'il la spasic ta neelal te antiguo jme'-jtatic, te muc' ajwaliletic cu'untic, soc te jtsobwanejetic yu'un te lumetic ta Judá soc ta calleetic ta Jerusalén. Melel ta neelal mero c'ax bayal jwe'eltic, lec ayotic la quiltic soc ma'yuc bay tal woclajel ta jtojoltic.

Ezequiel 23:12

Ja' nix jich bajt' yo'tan ta stojol te asiriaetique, spisil jwentainwanejetic, ajwaliletic, soldadoetic te buen t'ujbil sc'u'ic yu'un soldadoile, cajajtic ta caballo, mulanbil queremetic.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.