Oseas 2:5 - Bible in Tzeltal de Oxchuc y Tenejapa

⁵ Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.

Bible in Tzeltal Bachajón

⁵ Como la yac' sba ta antsinel te snanic, q'uexlaltic sba te mach'a la yalatay. Como hich la yal: ya jt'un bahel te mach'atic ya smulanon, te ya ya'bonic jwe'el soc ha', stsotsel tuminchij soc lino, aceite soc te bin ya cuch', xchi.

Oseas 2:5 Referans Kwoze

Oseas 3:1

Te Cajwaltic la yalbon xan: —Baan, c'uxuc me ta awo'tan jtul ants te mulanbil yu'un yan winic, te mero mulawil ants stuquele. Jich me c'ux ta co'tan te israeletic jo'on te Yajwalone, manchuc me ya xbajt'ic ta stojol te lotil diosetic, soc te ya swe'beyic pejch'anbil taquin ts'usub te ya yac'beyic smajt'anine —xi'.

Oseas 2:8

“Ja'uc me to, te antse ma la sna'on. Ma la sna' te jo'on la cac'bey te trigo, vino soc te aceite; te jo'on la quesmantesbey te plata, oro ya spas yajcanan ae.

Isaías 1:21

Ja'at lum te jun nax awo'tan ta neelale, ¿bit'il ay a te pajal c'oat soc te jmulawil antse? Ta neelal, toj at'ejic ta spisilic te ants-winiquetique, toj nax ainic ta jujun c'aal; yan ta ora to, ma'yuc bi ay ta awo'tanic, ja' xanix te milawe.

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Oseas 8:9

Ba sc'oponic te Asiria, jich bit'il ya stoy sba ja'mal burro. Efraín la yac' majt'anil swenta smanel c'oem a te mach'a ya xmulanot yu'une.

Oseas 4:5

Ta c'aaleltic soc ta ajc'ubal ya xyalat; ya me xyalat soc te j'alwaneje, te ja'ate ya jinat.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Jueces 16:23

Te ajwaliletic yu'un te filisteoetic la stsob sbaic ta spasel sq'uinul te la yaiyic tsalawe, soc la yac'beyic milbil smajt'an te Dagón, te lotil dios yu'unique. La yaiyic c'ayoj: “Te dios cu'untic la yac'botic ta jc'abtic te Sansón, ja' te jcontrotique”, xiic ta c'ayoj.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.

Jeremías 6:8

Tojtesa aba ta lec, Jerusalén. Teme ma jichuc ya apase, ma me lecuc co'tan yu'un, ya me jq'uej jba bael ta atojol. Ya me jc'atp'unat ta jochol taquin q'uinal; ma me ayuc ants-winiquetic ya quijq'uitaybat —xi' te Cajwaltique.

Jeremías 13:22

Teme ya awal ta awo'tan: “¿Bi yu'un te jich yac ta c'oel ta pasele?”, ja' me x'ana' te scaj bayal mulil awu'une; ja' swentail te la st'ananatixe soc te la yuts'inate.

Ezequiel 16:4

Te c'alal ayinate, ma ba la yich' set'el te amuxuq'ue, soc ni ayuc mach'a la yatintesat, ni ayuc mach'a la sjaxat ta ats'am, soc ni ayuc mach'a la xchucbat ach'ujt'.

Ezequiel 16:35

“Ja' yu'un, jmulawil ants, aiybon me awaiy te jc'ope,

Ezequiel 16:39

Ya me cac'at ta sc'abic, swenta yu'un ya me slajinic te bitic chapal awu'un ta banti ya apas te mulile, soc te banti la ach'uun te loc'ombaetic awu'une. Ya me stuch'bat loq'uel te ac'u'-apaq'ue, soc nix te ach'alil te t'ujbile, jc'axel me t'analat ya yijq'uitayat.

Amós 8:13

Te t'ujbil ach'ixetic soc queremetic ya me xcom q'uinal yaiyic yu'un taquinti'il te bi c'aalil ya cale.