Oseas 2:4 - Bible in Tzeltal de Oxchuc y Tenejapa

⁴ Ma ba ya jna'bey yo'bolil sba te yalataque, melel chicnajem ta smulwej.

Bible in Tzeltal Bachajón

⁴ Ma ba ya jna'be yo'bolil sba te yalatac, como ha alaletic yu'un antsinel.

Oseas 2:4 Referans Kwoze

Oseas 1:6

Te Gomer te yinam Oseas, la yic' xan yal, ayin jtul alal ach'ix. Te Cajwaltic la yalbey te Oseas: —Lo-ruhama xawac'bey sbiilin te alale, melel ma ba ya jcha'na'bey xan yo'bolil sba te yajwal Israel, ma ba ya jpasbey perdón.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.

Ezequiel 8:18

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.

Jeremías 13:14

Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Romanos 11:22

Awaiy bit'il ay yutsil yo'tan soc te bit'il ya yac' castigo te Diose. Jich la yac'beyix tulan castigo te mach'atic yalique. Ja'uc me to, te ja'exe ay bayal yutsil yo'tan awu'unic teme jc'axel ya x'ainex ta stojole. Yan teme ma ba la awich'ic ta muq'ue, ya me awich'ic bojel loq'uel uuc te ja'exe.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

San Juan 8:41

Yan te ja'exe, jich nix awat'el ya apasic te bit'il yat'el te atatique —xi'. La yalic: —Te jo'otique ma ba ayinemotic ta swenta mulwej, melel jun nax te jtatique ja' te Diose —xiic.

Zacarías 1:12

Te ch'ul abat yu'un Cajwaltic, jich la yal: —Cajwal te Spisil ya xju' awu'une, ayix ta lajuneb xchanwinic (70) ja'wil te ilinemat ta stojol te Jerusalén soc te lumetic yu'un Judá. ¿Bi to ora soc bi to c'aalil te ya acha'na'bey xan yo'bolil sbaique? —xi'.

Ezequiel 9:10

Ja' yu'un, ma ba ya jna'bey yo'bolil sbaic, ya me quich'bey ta wenta soc te bi yilel yat'el la spasique —xi'.

Jeremías 16:5

Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.

Isaías 57:3

Te Cajwaltic ya yal: —Noptsajanic tel, ja'ex te snich'nabex te jpic-c'abal, te ayinemex yu'un jtul mulawil winic soc mulawil ants.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

2 Reyes 9:22

C'alal te Joram la yil te Jehú, jich la sjojc'obey: —¿Swenta bal lamal q'uinal te talate, Jehú? —la yut. La sjac' te Jehú, jich la yal: —¿Bit'il ay lamal q'uinal te yac'oj puersa te ame' Jezabel ta swenta xch'uunel lotil diosetic soc te ay bila ya sna' spasel ta swenta te pucuje? —xi'.

Ezequiel 23:25

Ya me jt'omes bael ta atojol te sc'ajc'al te quilimbae. Ya me yac'bat buen tulan awocol, ya me set'bat loq'uel ani' soc ya me set'bat loq'uel achiquin. Te mach'atic cuxul ya xjilique ya me xlajic ta milel ta puñal. Ya me yic'bat te awal-anich'nabe, queremetic soc ach'ixetic. Ta slajibal jc'axel me ya xlajat ta c'ajc'.

Oseas 5:7

Ma junuc yo'tanic ta stojol te Yajwalique, melel ay alaletic yu'un soc yan tatil. Ta scaj te ma junuc yo'tanique, jich yu'un ta jun nax u ya xbolob bael te sq'uinalique.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.