Oseas 2:3 - Bible in Tzeltal de Oxchuc y Tenejapa

³ Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Bible in Tzeltal Bachajón

³ Teme ma'uque, ya jwahtan, hich watal ya xhil cu'un te bin ut'il te c'alal ayine; hich ya cac' te bin ut'il jochol taquin q'uinal, ya jc'atp'un ta taquin q'uinal, soc ya jmil ta taquinti'il.

Oseas 2:3 Referans Kwoze

Ezequiel 16:22

Te bit'il ilaybil sba acuxlejal ta scaj te mulil ochat ta spasele, ma ba ya ana'ix te c'alal alalat soc te c'alal mero t'analat, soc te yac bechlajanel awoc ac'ab te ts'ajalat ta ach'ich'ele.

Ezequiel 19:13

Ta ora in to, ts'unulix ta jochol taquin q'uinal, ts'unulix ta mero taquin lum, bayalix taquinti'il ya yaiy tey a.

Jeremías 13:22

Teme ya awal ta awo'tan: “¿Bi yu'un te jich yac ta c'oel ta pasele?”, ja' me x'ana' te scaj bayal mulil awu'une; ja' swentail te la st'ananatixe soc te la yuts'inate.

Apocalipsis 17:16

Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.

Jeremías 51:43

Te lumetic yu'une, c'atp'ujic ta jochol q'uinal xiweltic sba, taquin q'uinal, soc tan a jil. Ma'yuc mach'a ya xnainix, ma'yuc mach'a ya xc'axix tey a.

Jeremías 22:6

Melel te Cajwaltic ja' ya yalbey sc'oplal te palacio yu'un muc' ajwalil ta Judá: —Te ja'ate jich c'oemat ta co'tan te bit'il sq'uinal Galaad, jichat te bit'il ba wits ta Líbano; ja'uc me to, jamal ya cal te ya jc'atp'unat ta jochol taquin q'uinal, ja' te q'uinal te ma'yuc yajwale.

Jeremías 17:6

Jich me te bit'il ch'ix ta jochol taquin q'uinal, te ma'yuc bay staoj canantayel stuquele. Ya xch'i ta yolil tontiquil, ta bay ni ma'yuc bi ya xch'i tey a, te ma'yuc mach'a ya xcuxinic tey a.

Jeremías 13:26

Jich yu'un te jo'one ya me jt'ananat ta jc'axel, jich me ya cac'at ta q'uexlal.

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Jeremías 4:26

La quil soc la jta ta ilel te yaxal q'uinale, c'atp'ujem ta jochol taquin q'uinal, soc spisil te lumetic jinemiquix. Te yilimba Cajwaltic te xiweltic nax sba jich me c'ot ta loq'uel yu'un spisil.

Jeremías 2:31

(Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Jeremías 2:6

Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Isaías 64:10

Te ch'ul lumetic awu'une, c'atp'ujiquix ta jochol taquin q'uinal; te lum Jerusalén jc'axel bolobix, jinbilix ta jyalel.

Isaías 47:3

ac'a chicnajuc abaq'uetal, ac'a chicnajuc ta jc'axel. Ya me quich'bey spacol, ma'yuc mach'a ya xju' ya scomon, manchuc me ya yalbon wocol —xi' te Diose.

Isaías 33:9

Te lumq'uinale yac ta lajel ya yaiy soc mel-o'tan, te Líbano yac ta c'anubel ta q'uexlal, te spamlejal q'uinal Sarón, c'atp'ujix ta jochol taquin q'uinal, te Basán soc te wits Carmelo, t'axalic jilel.

Jueces 15:18

Te bit'il mero bayal taquinaj yo'tan ta jyalel te Sansón, jich jajch' ta sc'oponel te Cajwaltique. Jich la yalbey: —¿Bit'il ay a te mero muc' la awac'bon caiy tsalawe, yo'tic ya xlajonix ta taquinti'il soc ta sc'ab te mach'atic ma'yuquic ta atojole? —xi'.

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Oseas 2:10

Ya jt'ananbey te sbaq'uetale, jich me ya jpasbey ta sit te mach'atic ya xmulanot yu'une. Ma'yuc mach'a ya scoltay loq'uel ta jc'ab.

Jeremías 14:3

Te jc'ulejetic ya spas bael ta mandal te abatetic yu'un ta sliquel ja'. Ya xbajt'ic ta pozo, ja'uc me to, ma'yuquix ja' ya staic tey a, jochol ya sujt' tel soc te sq'uibique. Ay swocolic soc bayal q'uexlal ya yaiyic, ya smuc sjolic yu'un.

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Jeremías 51:5

Te Israel soc Judá, manchuc me staoj smulic ta jtojol, soc teme nojel ta mulil yu'unic te slumale, ma ba pijt'esbilic cu'un, jo'on Ajwalilon, te Spisil ya xju' cu'une, te Ch'ul Dioson yu'un Israel.