Oseas 2:2 - Bible in Tzeltal de Oxchuc y Tenejapa

² Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Bible in Tzeltal Bachajón

² ¡Halbeyahic smul ananic, halbeyahic smul, como ma quihnamuc, soc ma smamalalucon! Ac'a yihquitay hilel ta stojol te antsinel yu'un, te yajmul ta banti stahn.

Oseas 2:2 Referans Kwoze

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Ezequiel 23:45

Pero te winiquetic toj yo'tanic ya me yalic ta jamal te castigo ya sc'an ya xc'ot ta stojolic te jmulawiletic soc te jmilawaletique. Melel jmulawiletic, soc ay xch'ich'el sc'abic yu'un milaw —xi'.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Ezequiel 16:25

Ta jujun slajibal te bebetique la apasbey yawilic, la ac'atp'un ta bila ilaybil sba te at'ujbilale, melel spisil te mach'atic ya xc'axique, ya awic' ta atojol yu'un ya awac'bey smulanbat te abaq'uetale. Spisil ora ja' baem ta awo'tan spasel te mulile.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.

Jeremías 19:3

Albeya: “Muc' Ajwaliletic yu'un Judá soc yajwal Jerusalén, aiya awaiyic stojol sc'op Cajwaltic te Spisil ya xju' yu'une, te Dios yu'un Israel: Ya jticun tel muc' te bila amen ta stojol in lum to, ta spisil mach'a ya yaiybey stojol sc'oplal xch'inet nax me xchiquin ya xjil yu'un.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

Ezequiel 23:43

Jo'on jich la cal ta co'tan: “¿Ya to bal xtuun yu'unic sbaq'uetal te mach'atic me'elubeniquix ta mulweje? ¿Ya to bal spasbey sbaic mulil soc jiche?”, xoon.

Ezequiel 20:4

Ja'at winic, albeya te smulique, ac'beya sna'ic te bila ilaybil sba spasoj te sme'-statique.

Ezequiel 16:20

“La awic' bael te queremetic soc te ach'ixetic cu'untique, te ja'ic cal-jnich'nabtic ayinic te c'alal la quic'ate, yu'un ja' la awac'bey ta milbil smajt'an swenta swe'elic te loc'ombaetic awu'une. Ma tic'uc la awaiy a te ochat ta spasel te mulile,

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Isaías 58:1

Te Cajwaltic la yalbon: —Ma xiwat ta aw, tulan me x'awunat, jich xatoyes ac'op te bit'il sc'op oq'ues. Coma te lum cu'un te ya spasic te mulile; coma te lum yu'un Jacob te jelawiquix bayal ta jtojole.

Oseas 2:1

Ja' yorail te jich me ya awalbeyic te awermanotac winiquetique: —Lumotic yu'un Dios —xaex me. Soc ya me awalbeyic te awermanatac antsetique: —Na'bil yo'bolil abaic —xi' me sc'oplal awu'unic.

Oseas 4:5

Ta c'aaleltic soc ta ajc'ubal ya xyalat; ya me xyalat soc te j'alwaneje, te ja'ate ya jinat.

Isaías 11:12

Ya me stejc'an jajch'el señail jich bit'il bandera ta stojol te nacionetique, jich me ya stsob sba te israeletic te ic'otic loq'uel ta slumalique; ya me stsob c'alal to ta xchanjejch'el te q'uinale, ja' te yajwal Judá te pujq'uemique.

Jeremías 3:18

“Te c'alal ya xc'ot sc'aalelal, te Judá jun ya xc'ot soc Israel; pajal me ya sujt'ic tel ta slumalic ta bay norte, ja' te q'uinal te la cac'bey yu'unin te antiguo ame'-atatic te ja'exe.

Miqueas 2:13

Dios me ya sjambey bael te sbee, ja' me ya st'unic bael; ya me xloq'uic bael ta sti'il sts'ajc'ul te lume. Ja' me muc' Ajwalil yu'unic te Cajwaltique, ya me xneelaj ta beel yu'unic.