Oseas 2:12 - Bible in Tzeltal de Oxchuc y Tenejapa

¹² Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.

Bible in Tzeltal Bachajón

¹² Ya jlajimbe te ts'usubiletic soc te higuerahetic yu'un, te hich la yalbe sc'oblal: Ha jtojol te la ya'bonic te mach'atic ya smulanon, te xchihe. Ya jc'atp'un ta spimil q'uinal, ya xwe'otic yu'un te ha'mal chambahlametique.

Oseas 2:12 Referans Kwoze

Isaías 7:23

Ta yorail a, te ts'usubiltic ta neelal te jmil ta pejt' soc te jmil ta jsejp saquil taq'uin te stojole; ja'uc me to, ya me xc'atp'uj ta ch'ixtiquil soc ta pimil wanc'altic.

Isaías 5:5

Lec ay jiche, ya calbeyex awaiyic te bila jnopoj spasel ta stojol te ts'usubiltic cu'une: Ya jloq'uesbey smajq'uil swenta yu'un ya sjinic te mach'atic ya xc'axique; ya jch'oj coel te sts'ajc'ul swenta yu'un ya spech'ic ta teq'uel;

Oseas 13:8

Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Oseas 9:1

Israel, ma me binuc nax awo'tan; ma me xwilat yu'un sbujts' awo'tan jich bit'il yantic lum. Melel la apas mulwej c'oem a te bit'il la awijq'uitay ta awo'tan te Dios awu'une. Ta yawilic smajibal trigo, ta bay ya yich' loq'uesel te site, bin nax awo'tan yu'un te tey ya awich'bey stojol a te amulweje.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Jeremías 8:13

Te Cajwaltic jich ya yal: —Ya jset' te lum cu'une, jich bit'il trigo. Ma me ayuc ya xjil jp'ijuc ta ts'usubil, ni ma me ayuc jp'ijuc higo ya xjil ta ste'el. Ja' nax me c'anubenic ya xjil te yabenale —xi'.

Isaías 29:17

Ma ba jalix c'aal te ya xc'atp'uj ta utstesbil q'uinal te ja'male, yan te bay utstesbil q'uinaletic ya me xc'atp'uj ta ja'mal.

Salmos 80:12

¿Bi yu'un la awac' jamuc te scorralile, te jich ju' yu'unic stulel sit te mach'atic ya xbeenic ta be?

Jeremías 5:17

Ya me swe'elinbat te bila loq'uem ta c'ajel awu'une soc ya me swe'bat te awaje, soc ya me sbic'bat c'oem te anich'nab queremetic soc te ach'ixetique. Ya me sti'beyex te chijetic awu'unic, te awacaxic, te ts'usubiltic soc te higueraetic awu'une. Ta yat'ejibic yu'un guerra ya sjinic a te lumetic tulanic sts'ajc'ul te smuc'ulinej awo'tanique —xi' te Cajwaltique.

Jeremías 13:26

Jich yu'un te jo'one ya me jt'ananat ta jc'axel, jich me ya cac'at ta q'uexlal.

Oseas 5:14

Jich bit'il león-choj te ya xlumtaywan, jich me ya cac'bey guerra te Efraín soc te Judá. Ya me jtsac, wuyultic me ya xjil cu'un; ya me jtas bael, ma'yuc mach'a ya xcoltayot yu'un.