Oseas 2:10 - Bible in Tzeltal de Oxchuc y Tenejapa

¹⁰ Ya jt'ananbey te sbaq'uetale, jich me ya jpasbey ta sit te mach'atic ya xmulanot yu'une. Ma'yuc mach'a ya scoltay loq'uel ta jc'ab.

Bible in Tzeltal Bachajón

¹⁰ Yo'tic ya cac' chicnajuc te sq'uexlal ta stojol te mach'atic mulanot yu'une, mayuc mach'a ya xcoltayot loq'uel ta jc'ab yu'un.

Oseas 2:10 Referans Kwoze

Ezequiel 23:29

Te nacionetic ma me ayuc ac'oplal ta sitic; ya me yu'uninbat te bitic ataoj ta swenta awat'ele. Mero jc'axel me t'anal ya yijq'uitayat; t'anal me ya xjil te abaq'uetale, ja' te la apas mulwej soque. Ta scaj te mero libre ayat la awaiy abae, soc ta scaj te la awac' aba ta jmulawil antse,

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Miqueas 5:8

Tey ayic xan a te sts'umbal Jacob ta yolil bayal nacionetic, jich me c'oemic te bit'il león-choj ta yolil te ja'mal chambalametic, jich bit'il león-choj ta stojol te jtsojp chijetic. Teme ya xtal, ya me stsac soc ya me sjin, soc ma'yuc mach'a cuxul ya scoltay bael.

Oseas 2:3

Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Jeremías 13:26

Jich yu'un te jo'one ya me jt'ananat ta jc'axel, jich me ya cac'at ta q'uexlal.

Jeremías 13:22

Teme ya awal ta awo'tan: “¿Bi yu'un te jich yac ta c'oel ta pasele?”, ja' me x'ana' te scaj bayal mulil awu'une; ja' swentail te la st'ananatixe soc te la yuts'inate.

Isaías 3:17

Jich yu'un ya me jt'axanbey jilel sjolic yu'un chamel ta swenta castigo, soc ya me jt'ananbey jilel sbaq'uetalic ta swenta q'uexlal —xi'.

Proverbios 11:21

Te mach'atic amen yo'tanic, ya me yich'ic castigo ta mero melel, yan te mach'atic toj yo'tanique, libre ya xc'otic.

Salmos 50:22

“Ac'a c'otuc ta awo'tanic te bi la cale, ja'ex te ya ach'ay ta awo'tanic te Diose. Te jichuc co'tan ts'ubiltic ya xjilex cu'un, ma'yuc mach'a ya scoltayex.

Oseas 6:9

Te sacerdoteetic jun yac'oj sbaic ta elec'. Yac'oj sbaic ta smujc'tayel te ants-winiquetique; ya yaiyic milaw soc yantic bitic swenta q'uexlal ta sbelal Siquem.

2 Crónicas 24:7

Melel te Atalía, te mero u'uninot yu'un mulil, soc te sjo'tac ochic bael ta templo yu'un te Diose. La stsaquic loq'uel te bitic ay ta templo yu'un Cajwaltic, ba stuuntesic ta xch'uunel a te yajcananique.

Ezequiel 16:16

Te ac'u'-apaq'ue ja' la apasbey snailpac' ta ch'uunel te lotil dios ta bay tseletic, soc la apas mulil tey a.

Ezequiel 16:19

Te we'elil jo'on la cac'bate, te yich'oj pasel ta buen lequil harina, aceite, soc chab, te jo'on la jmac'linat a, ja' spisil la awac'bey swenta smajt'anic te mero bujts'an yic' ta stojolique. Jo'on Ajwalilon te jich caloje.

Oseas 10:1

Te Israel jich c'oem bit'il ts'usub, nojel nax yu'un te site. Te bit'il bayal ay te site, bayal la spasic scajtijib majt'aniletic yu'un; te bit'il c'ax bayal yutsil ta jyalel te sq'uinale, jich bayal yutsil te teq'uel tonetic la xch'uunique.

Oseas 13:1

C'alal c'opojic te yajwal Efraín, te yantic ta chajbalchajp te israeletic la yich'ic ta muc'. Ja'uc me to, laj te Efraín te c'alal la sta smul ta xch'uunel Baal.