Oseas 2:1 - Bible in Tzeltal de Oxchuc y Tenejapa

¹ Ja' yorail te jich me ya awalbeyic te awermanotac winiquetique: —Lumotic yu'un Dios —xaex me. Soc ya me awalbeyic te awermanatac antsetique: —Na'bil yo'bolil abaic —xi' me sc'oplal awu'unic.

Bible in Tzeltal Bachajón

¹ Halbeyahic te awermanotac winiquetic: Pueblo cu'un, xchihex, soc halbeyic te awermanatac antsetic: Na'bil yo'bolil sba, xchihex.

Oseas 2:1 Referans Kwoze

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

Oseas 2:23

Jich me ya jts'un ta q'uinal c'oem te lum cu'un, te ja' nax mero cu'un jtuquele; ya me jna'bey yo'bolil sba te Lo-ruhama, te Lo-ami ya calbey: “Ja'at lumat cu'un”, ya cut, soc jich me ya yalbon: “Ja'at Diosat cu'un”, xi' me —xi' te Cajwaltique.

1 Timoteo 1:13

manchuc teme sna'oj te la jtoybac'optay ta neelal, soc la cuts'in, soc te la quixtac'optaye. Ja'uc me to, la xc'uxtayon te Diose ta scaj te ma la jna' te bila la jpase soc te ma to jch'uunejuc a te Jesuse.

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

Ezequiel 37:27

Ya me xnainon ta yolilic, jo'on me Dioson yu'unic, ja' me lum cu'un.

Ezequiel 36:28

Ya me cac' nainanic ta lumq'uinal te la cac'bey te ame'-atatique. Ja'ex me lumex cu'un, jo'on me Dioson awu'unic.

Ezequiel 11:20

Jich me ya xju'ix yu'unic a te ya xch'uunbonic te mandaliletic cu'une, soc te bitic chapal cu'une. Jich me ya spasiquix bael spisil ora. Ja'ic me lum cu'un, soc jo'on me Dioson yu'unic.

Jeremías 32:38

Ja'ic me lum cu'un ya xc'ot, soc jo'on me Dioson yu'unic.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Jeremías 51:5

Te Israel soc Judá, manchuc me staoj smulic ta jtojol, soc teme nojel ta mulil yu'unic te slumale, ma ba pijt'esbilic cu'un, jo'on Ajwalilon, te Spisil ya xju' cu'une, te Ch'ul Dioson yu'un Israel.

Ezequiel 36:11

Ya me cac' te ya x'esmaj tey a te ants-winiquetique, ya me cac' esmajuc uuc te chambalametic awu'unique. Ya me cac' te mero bayal ya x'esmajique. Ay me bayal yajwal te lumq'uinale, jich nix te bit'il nameye. C'ax me jich awutsilic a te bit'il te ayex ta nameye. Jich me ya ana'ic te jo'on te Ajwalilone.