Oseas 13:3 - Bible in Tzeltal de Oxchuc y Tenejapa

³ Ja' yu'un, jichic me te bit'il sjab lum ta sacubel q'uinale; jichic me te bit'il ts'ujul ta ijc' to q'uinale. Ta sab ya xch'ay jc'axel, jich bit'il taquin ac ya slic bael te iq'ue, jich bit'il ya xloc' ta sbe te ch'aile.

Bible in Tzeltal Bachajón

³ Ha yu'un hich ya xc'ohtic te bin ut'il sab lum ta sacubel q'uinal, hich te bin ut'il ts'ujul ta sacubel q'uinal te ya sch'ay bahel; hich te bin ut'il suhlil trigo te ya xlichot bahel ta swuyojibal, hich te bin ut'il ch'ahil te ya xloc' ta sbe.

Oseas 13:3 Referans Kwoze

Oseas 6:4

Ya yal te Cajwaltique: —¿Bi me ya jpas ta atojol, Efraín? ¿Bi me ya jpas ta atojol, Judá? Te xc'uxul awo'tanic ta jtojole jich c'oem te bit'il sjab lumq'uinal ta sacubele, soc jich c'oem te bit'il ts'ujul ta ijc' to q'uinal te sab ya xch'ay c'axele.

Salmos 1:4

Ma jichuc stuquelic te mach'atic amen yo'tanique, jichic me te bit'il sulil trigo te ya xlicotic bael yu'un ic'.

Salmos 68:2

Jich ya xch'ayic bael te bit'il ch'ail ya xch'ay bael ta ic', ya x'ulubic jichuc chabec' ta c'ajc'; jc'axel ch'ayemic ta stojol Dios te mach'atic amen yo'tanique.

Daniel 2:35

Ta ora nax, mero ts'ubiltic jil ta jc'axel te hierro, ajch'al, bronce, plata, soc te oro. Jich ts'ubiltic te bit'il ya quiltic ts'ubil lum ta yorail verano te c'alal ya yich' wuyel te trigoe. Jc'axel jujch'iyot bael yu'un te iq'ue, ma'yuc bila chican jilel. Pero te ton jul ta stojol te loc'ombae, c'atp'uj ta jun mero muc'ul wits. Te witse la smac spisil te lumq'uinale.

Isaías 17:13

Ja'uc me to, c'alal ya yich' comel yu'un Dios, ya xloq'uic ta anel ta c'ubul jich bit'il te taquin ac, ya xlicot bael yu'un ic' ta witstiquil, soc jich nix te bit'il tan te ya smes ta wilesel te sutu-iq'ue.

Job 21:18

¿Ay bal bi ora ya yich'ic puquel bael jichuc taquin ac yu'un yip te sutu-iq'ue?

Job 30:15

Te tulan xiwel yal tel ta jtojol; te yutsil jc'oplal bajt' ta anel jichuc ic'; te jc'ulejale bajt' jichuc tocal.

Sofonías 2:2

te bit'il ma to ya awich'ic ch'ojel bael jichuc ac te jun nax c'aal ya xch'ay ta jc'axele; te bit'il ma to xjul ta atojolic te sc'aal yilimba te Cajwaltique; te bit'il ma to xc'ot ta atojolic te sc'aalelal yilimba te Cajwaltique.

Zacarías 8:12

Melel te lamal q'uinal ya me yich' ts'unel ta yolilic. Ya me yac' sit te sts'usubilic, soc ya me sitin te bila ya yich' ts'unel a ta lumq'uinale, soc te ch'ulchan ya me yac' coel tel sts'ujulel. Ta spisil, jo'on me ya cac'bey yu'uninic te mach'atic lum cu'un te ya xjilique.