Oseas 13:16 - Bible in Tzeltal de Oxchuc y Tenejapa

¹⁶ Te lum Samaria ya me xc'ot ta swenta castigo ta scaj te la stoy sba ta stojol te Dios yu'une. Ya me xlajic ta puñal. Te alaletic yu'un ya me xt'om sbiquilic ta majel ta lum; soc te antsetic te yic'ojic alal ta xch'ujt', muc' me ya xjambot xch'ujt'ic ta puñal.

Bible in Tzeltal Bachajón

¹⁶ Te Samaria ya me yich'be smul como la stoy sba ta stojol te Dios yu'une. Ya xlajic ta espada, te alaletic yu'un ya yich'ic majticlanel ta lum, soc ya yich'ic jamticlanel te antsetic te swoloj yalic.

Oseas 13:16 Referans Kwoze

2 Reyes 15:16

Te Manahem la sjin te lum Tifsa. La sloq'ues spisil te bitic ayic tey a soc ta sjoyobal te slumale, jajch'em tel yu'un c'alal ta lum Tirsa, soc la sjambey xch'ujt'ic ta spisil te antsetic yic'oj yalique. Jich la spas, ja' yu'un te ma ba jambot te ti'nailetic yu'un te lume.

2 Reyes 8:12

Te Hazael jich la sjojc'obey: —¿Bi yu'un ya x'oc'at, cajwal? —xi'. La sjac' te Eliseo: —Melel ya jna' te ya awac'bey swocol te israeletic, melel ya awac'bey sc'aal te anjibaletic yu'unic, ya amil ta puñal te querem-ach'ixetic, ya amaj ta lum te alaletic yu'unique, soc ya ajambey xch'ujt'ic te antsetic yic'oj yalique —xi'.

Isaías 13:16

Mero ya yil ta sitic, tulan me ya yich' jipel ta lum te ch'in alaletic yu'unique; ya me yich' pojbeyel sbiluquil te snaic, soc ya me yich'ic uts'inel te yinamique.

Amós 1:13

Jich ya yal xan te Cajwaltique: —Te mach'atic yal-snich'an Amón bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel toyol yo'tan ta smuc'tesel xan te sq'uinale, jich muc' la sjambey xch'ujt' ta puñal te antsetic te yic'oj alal ta xch'ujt'ic te ayic ta sq'uinal Galaad.

Nahúm 3:10

Ja'uc me to, te yajwal Tebas ic'ot bael ta mosoil; te alaletic yu'unic la yich'ic majel ta lum ta bay xujc' calleetic. La spasbeyic snumeroil ta na'el te mach'atic muc' sc'oplalique; te jtsobwanejetic yu'unic la xchuquic bael ta cadena.

Miqueas 6:16

Melel ja' at'unoj ta ch'uunel smandal soc ta spasel yat'el te Omri soc te mach'atic ay yu'un Acab, jich yacat ta spasel te bit'il la spasique. Ja' yu'un ya jpasbat ja'at soc te awinictac te ya awich'ic ilayel soc labanel; soc ya me xc'ot ta awenta te labanel yu'un te nacionetique —xi' te Cajwaltique.

Miqueas 1:4

Ta yet'al yacan ya x'ulub coel te witstiquil, jich bit'il chabec' te ya slac' te c'ajq'ue. Soc ya me xjat bael te q'uinale, cha'jat ya xc'ot, jich bit'il ya xjat bael lum yu'un yip snojel ja'.

Amós 9:1

La quil te Cajwaltic te ay ta sts'eel te scajtijib majt'anile, soc jich la yalbon: —Yuq'uilaya ta majel te yoyal na ja' to me c'alal ya xnijc' te yiptajibe; ac'a wuyuc coel tel ta sba te ants-winiquetique. Te mach'atic cuxul ya xjilic, ya me jmil ta puñal; manchuc me ya x'anic bael ta sc'opic, ni jtuluc ya xcol.

Amós 3:9

Te ja'exe albeya yaiyic tey ta bay muc'ul naetic yu'un te lum Asdod soc ta bay muc'ul naetic yu'un Egipto, jich me ya awalbey yaiyic: —La'ic ta witstiquil yu'un Samaria; ilawilic te bila soquemic tey a soc te uts'inel ay swocolic yu'une —xaex me.

Oseas 11:6

Te puñal ya me xmilawan ta yolil te lumetic yu'unique, soc ya me yich' jinel ta jc'axel te tulanil ts'ajq'uetic yu'unique, ya me yich' jinel te bitic xchapojic spasele.

Oseas 10:2

Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.

Isaías 17:3

Te Efraín, te ja' toyol q'uinal ya yaiy yu'un te Israel, ma'yuquix lum te ay tulan ts'ajc' yu'un tey a; ja' nix jich ya xjil te Damasco. Te jayeb mach'a ya xjil ta sq'uinal Siria, ma'yuc ajwalil ya xc'ot yu'unic —xi'. Jich ya yal ta jamal te Cajwaltic te Spisil ya xju' yu'une.

Isaías 8:4

Melel te c'alal ma to sna' yalel: “Tat, me'”, te xie, te Damasco soc Samaria ya me yich' pojbeyel loq'uel sc'ulejalic, ya me x'ich'ot bael ta stojol te muc' ajwalil ta Asiria —xi'.

2 Reyes 17:18

Te bit'il jich c'ote, te Cajwaltic ilin yo'tan ta stojol Israel, jich jc'axel la xch'oj loq'uel ta stojol. Ja' xanix la yijq'uitay te sts'umbal Judá.

2 Reyes 17:6

Ta sbalunebal ja'wil yat'el ta muc' ajwalil a te Oseas, te muc' ajwalil yu'un Asiria ju' yu'un te la yu'unin Samaria. Te israeletic chucul la yic' bael ta Asiria, c'o yac' nainicuc ta sq'uinal Halah, soc ta ti'ti'ja' Habor te muc'ja' te ay ta sq'uinal Gozán, soc ta lumetic yu'un te medoetique.

2 Reyes 17:5

La yochintay spisil te q'uinale, soc la yac'beyic guerra te Samaria. Jalaj oxeb ja'wil te guerra yu'unique.