Oseas 13:11 - Bible in Tzeltal de Oxchuc y Tenejapa

¹¹ Soc quilimba la cac'bat te muc' ajwaliletique, soc nix quilimba la jpojbeyex.

Bible in Tzeltal Bachajón

¹¹ Soc quilimba la jca'bat ajwalil, soc sc'ahc'al co'tan la jloq'uesbat.

Oseas 13:11 Referans Kwoze

1 Samuel 10:19

Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

Oseas 10:3

Ta ora yo'tic te lum ya yal: —Ma'yuc muc' ajwalil cu'untic, melel ma ba quich'ojtic ta muc' te Cajwaltique. Ja'uc me to, ¿bi ya xju' yu'un spasbelotic te muc' ajwalile?

Proverbios 28:2

C'alal yac ta bolobel te lume, ya x'esmajic tsobol te ajwaliletic yu'un; yan te lequil ajwalile, ya yac' lamal q'uinal ta stojol slumal.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 12:13

Pero li' ay te muc' ajwalil te tsabil awu'unique, te Cajwaltic la yac'beyex te muc' ajwalil la ac'anbeyique.

Oseas 10:7

Ya me xch'ay ta jc'axel te muc' ajwalil ta Samaria, jich nax me te bit'il ch'in majc'alte' xcajet ta babaja'.

1 Samuel 10:17

Patil te Samuel la stsob ta spisil te israeletic, yu'un la stsob sbaic ta Mizpa ta xch'uunel te Cajwaltique.

1 Samuel 15:26

La sjac' te Samuel: —Ma niwan, ma ba ya joinat sujt'el, melel la ach'aybey smandal te Cajwaltique. Yo'tic ja' ni me jich ch'aybil ya xc'oat soc awat'el ta muc' ajwalil ta stojol Israel —xi'.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Oseas 8:4

“Mero ma la yich'onic ta wenta te la snajc'anic muc' ajwaliletic yu'unic, soc te la sleiquix ch'in ajwaliletic te ma ba caiyoj stojole. La stsaquiquix te plata te oro yu'unic ta swenta spasel yajcananic; ja' nax ya sjin sbaic a.

1 Samuel 12:1

Te Samuel c'opoj ta stojol ta spisil te israeletique: —La awiliquix te spisil te bi la ac'anbonic, la quich'beyex ta wenta, soc la cac'beyex te muc' ajwalil awu'unique.