Oseas 13:10 - Bible in Tzeltal de Oxchuc y Tenejapa

¹⁰ Melel ¿banti ay yo'tic te muc' ajwalil awu'une, te ya scoltaybat spisil te lumetic awu'une? ¿Banti ay te jtsobwanejetic awu'une, te la ac'anic te ay muc' ajwalil soc ch'in ajwaliletic awu'unique?

Bible in Tzeltal Bachajón

¹⁰ ¿Banti ay te ajwalil awu'un, yu'un ya scoltayat ta spisil te pueblohetic awu'une? ¿Banti ay te jtsobawetic awu'un, te hich la awalbe sc'oblal: A'bon ajwalil soc príncipaletic, te xchihate?

Oseas 13:10 Referans Kwoze

Oseas 8:4

“Mero ma la yich'onic ta wenta te la snajc'anic muc' ajwaliletic yu'unic, soc te la sleiquix ch'in ajwaliletic te ma ba caiyoj stojole. La stsaquiquix te plata te oro yu'unic ta swenta spasel yajcananic; ja' nax ya sjin sbaic a.

Oseas 10:3

Ta ora yo'tic te lum ya yal: —Ma'yuc muc' ajwalil cu'untic, melel ma ba quich'ojtic ta muc' te Cajwaltique. Ja'uc me to, ¿bi ya xju' yu'un spasbelotic te muc' ajwalile?

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

Zacarías 14:9

Te c'alal ya sta sc'aalelal ja' me ya x'ochix ta muc' ajwalil a te Cajwaltic ta spamal balumilal. Te Cajwaltic ja' xanix ajwalil stuquel, soc ja' xanix ya yich' alel sbiil stuquel.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Jeremías 2:28

Lum Judá, ¿banti ay te awajcananic te la apase? Bayal te diosetic awu'une, jich nix yipal te bit'il te lumetic awu'une. Ac'a me taluquic, ya me quiltic teme ya xju' yu'un scoltaybelex te c'alal ya xjul te woclajel ta atojole.

Isaías 43:15

Jo'on Ajwalilon, te la jchicnantesex te Israelex; jo'on te Ch'ul Dioson soc muc' ajwalilon awu'unic —xi'.

Isaías 33:22

Te slazoil te muc'ul barcoetic ma xju' ya x'ipajic ta tec'lej tey a te ste'el spac'ul; ma xju' ta lich'el te spac'ule. Ya me xju' jpojbeytic bayal sc'ulejalic te jcontrotactique, asta te ma'site ya to me xc'ot ta swenta, soc te mach'atic sicuben yacan, ya me yat'elinic spojel. Melel te Cajwaltic ja' mero juez cu'untic, ja' jpas-mandalil cu'untic soc muc' ajwalil cu'untic, ya me scoltayotic stuquel.

Salmos 149:2

Bayaluc me sbujts' q'uinal x'awaiyic, israeletic, ja'ex lum Sión, melel ja' jpaswanej awu'unic te Diose, soc ja' Muc' Ajwalil awu'unic.

Salmos 89:18

Te Cajwaltique, ja' jmajq'uiltic stuquel; te muc' ajwalil cu'untic ja' te Ch'ul Dios yu'un te Israel.

Salmos 74:12

C'alal to ta namey tel, ja'at muc' ajwalilat cu'un; Ja'at Dios cu'un, bayal buelta la acoltayotic ta tsalaw ta banti te lumq'uinaltique.

Salmos 44:4

Muc' ajwalilat cu'untic, Diosat cu'untic, ja'at la awac' ta tsalaw te lum awu'une;

Salmos 10:16

Te Cajwaltique Muc' Ajwalil sbajt'el q'uinal; te mach'atic ma'yuc ta stojol Dios, ya xch'ayic bael ta stojol.

2 Reyes 17:4

Pero chicnaj ta stojol Salmanasar te yac ta xchapel sc'op Oseas ta scontroinel, te sticunej swinictac ta stojol So, ja' te muc' ajwalil yu'un Egipto, soc te ma ba yacalix yaq'uel taq'uin swenta te jujun ja'wile. Ja' yu'un la yal mandal te Salmanasar te ya stsaquic te Oseas, soc te ya yaq'uic ta cárcel.

1 Reyes 12:20

C'alal la yaiyic te israeletic te cha'julix te Jeroboam, la sticunic ta iq'uel swenta yu'un ya stejc'an sba ta stojol ta spisil israeletic. Jich la yac'beyic yich' yat'el ta muc' ajwalil ta stojol spisil Israel. Ma'yuquix mach'a jil te jun yo'tan ta stojol te sts'umbal David, ja' xanix te sts'umbal Judá.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Oseas 7:7

Ta spisilic jich ya xtil sc'aal yo'tanic te bit'il horno, ya slajinic te ajwaliletic yu'unique. Spisilic te muc' ajwaliletic lajemic; ma'yuc ni jtuluc te mach'a ya sc'oponone.

1 Samuel 8:7

Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

Lamentaciones 4:20

Tsacotix ta pejts' te mach'a tsabil yu'un te Cajwaltique, ja' te mach'a cuxulotic ta swenta, ja' te muc' ajwalil, te la calbeytic sc'oplale: “Ya me xcuxinotic ta awaxinal ta yolil te lumetique”, te xootic yu'une.