Oseas 12:3 - Bible in Tzeltal de Oxchuc y Tenejapa

³ C'alal ma to x'ayin a te Jacob, la spojbeyix yawil a te sbanquile; soc te c'alal muq'uix a, la stsac sba soc te Diose.

Bible in Tzeltal Bachajón

³ Ta yawil alal la stsacbe yit yoc te sbanquile, soc te c'alal muq'uix a la stsac sba soc te Diose.

Oseas 12:3 Referans Kwoze

Génesis 25:26

Te c'alal ayin te yijts'ine, stsacojbey te yit yacan te Esaú, Jacob sbiil c'ot yu'unic stuquel. Oxwinic (60) ya'wilal a te Isaac te c'alal ayin te snich'nabe.

Romanos 9:11

Ja'uc me to, te c'alal ma to x'ayinic a soc ma'yuc bila spasojic ta bay leque soc ta bay amene, jich albot yu'un Dios te Rebecae: “Te ijts'inale ya me smosoin te sbanquile”, te xi' sc'oplale. Ja' pajal soc te bit'il jich ts'ibubil jilel ta Sjun te Diose: “Te Jacobe, c'ux la caiy ta co'tan. Yan te Esaú, la jp'aj ta co'tan stuquel”, te xie. Jich chican ta jamal te bit'il ay ta swenta stsael stuquel te mach'a ya yic' te Diose, chican te bila snopoj ta yo'tan stuquel. Ma ba ya yich' ta wenta te bila ya spasique.

2 Reyes 17:18

Te bit'il jich c'ote, te Cajwaltic ilin yo'tan ta stojol Israel, jich jc'axel la xch'oj loq'uel ta stojol. Ja' xanix la yijq'uitay te sts'umbal Judá.

2 Reyes 17:20

Ja' yu'un te Cajwaltic la sloq'ues ta stojol te patil alnich'anetic yu'un Israel, la yac' pejc'tsajuc ta sc'ab eleq'uetic, asta jc'axel la sloq'ues ta stojol.

2 Reyes 17:23

Ja' slajibal c'ot te loq'uesotic ta stojol yu'un te Cajwaltic te Israele, chucul ic'otic bael ta Asiria, jich nix te bit'il yaloj ta swenta te j'alwanejetic te abatetic yu'une. C'alal ora tey ayic a.

Jeremías 2:9

“Jich yu'un te jo'on Ajwalilon, jich ya cal: Ya jchajban c'op ta atojolic ja'ex soc te amamataque.

Ezequiel 7:3

La staix yorail te ya xlajat, Israel. Ya me jt'omes tel ta atojol te quilimbae. Ya me quich'batix ta wenta te awat'ele, chican te bila beil at'unoje, soc ya me cac'batix castigo yu'un ta spisil te bitic apasoj te mero ilaybil sbae.

Ezequiel 7:8

Yo'tic ya me cac' t'omuc tel ta atojol te quilimbae, ja' to teme lamaj te quilimba awu'une. Ya me cac'bat castigo, chican te bila beil at'unoje, ya cac' c'otuc ta atojol castigo ta scaj te bitic ilaybil sba apasoje.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Oseas 4:9

Jich nix te lum te bit'il sacerdoteetic, ya cac'bey stoj ta castigo te yat'elique.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Miqueas 6:2

Aiya me awaiyic stojol sc'op, ja'ex witstiquil, soc te stulanil yiptajibex te lumq'uinale. Te Cajwaltic ya me yalbey smul te lum yu'une, ya me stij ta c'op te Israele.