Oseas 12:2 - Bible in Tzeltal de Oxchuc y Tenejapa

² Te Cajwaltic yalojix c'op ta stojol juez: —Ay smul te Israele —xi'. Ya yac'bey castigo te lum yu'un Jacob ta scaj te yat'ele; ya yac'bey stoj te bit'il nix ya sc'ane.

Bible in Tzeltal Bachajón

² Te Jehová ay c'op yu'un soc Judá, ya ya'be castigo te Jacob ha chican bin yilel te stalele; ya ya'be stoj ha chicn bin ya sc'an te ya'tele.

Oseas 12:2 Referans Kwoze

Miqueas 6:2

Aiya me awaiyic stojol sc'op, ja'ex witstiquil, soc te stulanil yiptajibex te lumq'uinale. Te Cajwaltic ya me yalbey smul te lum yu'une, ya me stij ta c'op te Israele.

Oseas 4:1

Israeletic, aiya awaiyic te bila ya yal te Cajwaltique. Yalojix c'op ta stojol juez, melel ay c'op yu'un soc te mach'atic nainemic ta lumq'uinale. Yu'un te ants-winiquetic ma ba jun yo'tanic, ma ba c'ux ya yaiy sbaic, soc ma sna'beyic sba te Diose.

Isaías 10:6

Ya calbey mandal ta ac'beyel guerra te bol lume, te lum te ma tojuc yo'tan ta jtojol, ja' te nación te ya sjajch'esbon quilimba, swenta yu'un ya me spech'ic ta teq'uel jichuc ajch'al ta calle.

Gálatas 6:7

Ma me xalo'lay abaic, melel te Diose ma xju' ta labanel awu'unic. Melel spisil te bila ya yaw te ants-winique, ja' nix ya sc'aj ta patil.

Romanos 2:6

Ya me yac'bey stojol juju-jtul chican te bi yilel te yat'ele.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Oseas 4:9

Jich nix te lum te bit'il sacerdoteetic, ya cac'bey stoj ta castigo te yat'elique.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Jeremías 25:31

Te yip sc'ope ya xc'ot c'alal to ta sti'il te balumilale, melel te Cajwaltic ya yilbey yat'elic te nacionetique; ya yic' tel ta chajbanel spisil te ch'ich'-baq'uetetique, ya yac'bey yil swocolic ta lajel te mach'atic amenique. Te Cajwaltic jich ya yal”, uta me —xi' te Cajwaltique.

Isaías 59:18

Te Cajwaltic ya me yac'bey stoj juju-jtul jich te bit'il ya sc'ane; ya me yac'bey castigo te scontrotaque. Te mach'atic ya yilay te Cajwaltic, ya me yac'bey stoj jich te bit'il ya sc'ane; soc me te ants-winiquetic te nainemic ta ti'mar.

Isaías 24:21

Te bi c'aalil jich ya xc'ote, te Cajwaltic ya me yac'bey castigo te bitic ay yu'elic ta ch'ulchan soc te muc' ajwaliletic ta sba te balumilale;

Isaías 10:12

Te c'alal pasbilix yu'un Cajwaltic ta spisil te bila ya sc'an yo'tan spasel ta wits Sión soc ta Jerusalén, ya me yac'bey castigo te muc' ajwalil yu'un Asiria ta scaj yat'el ta uts'inwanej, soc ta scaj stoybail te la yaiyix tsalawe.

Isaías 3:11

¡Obol sba te mach'a c'ax amen yat'ele, melel amen ya xc'ot ta loq'uel! Dios me ya yac'bey stoj, ja' chican te bit'il ay te yat'ele.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Oseas 7:2

Ma sna'ic stojol te ya quich'bey ta wenta te bila amen ya spasique. Ta ora yo'tic joytayotiquix yu'un te yat'elic, te ay nix ta jsit spisil ora.

Oseas 9:15

Ya yal te Cajwaltique: —Ta Gilgal la spasic spisil te bila amene, tey jajch' quilay ta co'tan a. Ta swenta te amen yat'elic ya jloq'ues bael ta jna; ma ba ya jc'uxtay bael, melel toybaic ta jyalel spisil te ajwaliletic yu'unique.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

2 Reyes 17:4

Pero chicnaj ta stojol Salmanasar te yac ta xchapel sc'op Oseas ta scontroinel, te sticunej swinictac ta stojol So, ja' te muc' ajwalil yu'un Egipto, soc te ma ba yacalix yaq'uel taq'uin swenta te jujun ja'wile. Ja' yu'un la yal mandal te Salmanasar te ya stsaquic te Oseas, soc te ya yaq'uic ta cárcel.

Job 15:2

—Te mach'a ay sp'ijile, ma tojol jochol c'opuc ya sjac' a te c'opetique, soc ma stoy sba soc c'opetic te pajal soc ic' te ma'yuc swentail ya xbajt'e;

Salmos 78:36

Pero ta spisil yo'tanic la spasic ta lot.

Eclesiastés 5:15

Te bit'il jul tel ta balumilal, ja' nix jich ya xcha'sujt' xan bael: te bit'il mero t'anal a te ayine, ma'yuc ni jxujt'uc ya yich' bael te sit te yat'ele.

Isaías 30:6

J'alwanej c'op ta stojol chambalametic te ayic ta Néguev: Ta lumq'uinal te nojel yu'un te bitic xiweltic sbae, tey nainemic a te león-chojetic ya x'awunique, te jti'awal chanetic soc te dragonetic te ya xwilique, ya yich'ic bael te sc'ulejalique. Ya yac'beyic scuch bael te sburroic soc te scamelloic c'alal ta Egipto te lum te ma'yuc sc'oplal ta jyalele,

Oseas 7:1

c'alal ya jc'an jpoxtay te lum cu'une, ja' te Efraín soc Samaria, ya xchicnaj ta jsit te smul soc te bila amen spasojique. Melel spisilic c'aemic ta yalel lot; jich bit'il j'eleq'uetic, ya x'ochic ta nanatic soc ya swiluntayic te ants-winiquetic ta calle.

Oseas 7:11

Te Efraín jich c'oem te bit'il stsumut, ma sna' q'uinal, mero ma'yuc sp'ijil. Ya sc'anic coltayel ta Egipto, soc ora ya xba sc'anic coltayel ta Asiria.

Oseas 8:9

Ba sc'oponic te Asiria, jich bit'il ya stoy sba ja'mal burro. Efraín la yac' majt'anil swenta smanel c'oem a te mach'a ya xmulanot yu'une.

Oseas 8:10

Ja'uc me to, manchuc teme la yac'bey majt'anil te nacionetique, yo'tic ya me yich' tsobel cu'un yu'un ya cac'bey castigo. Ya me xwoclajic ta sc'ab te ajwalil te tulan yo'tane.