Oseas 11:3 - Bible in Tzeltal de Oxchuc y Tenejapa

³ Ja'uc me to, jo'on la quic' ta beel te lum Efraín soc la jp'ijubtes ta beel; pero ma c'ot ta yo'tanic te jo'on la jcanantaye.

Bible in Tzeltal Bachajón

³ Pero ho'on la jca'be snop sbehel te Efraín, la jnit ta sc'ab; pero ma ba la sna'ic te ho'on la jcanantay.

Oseas 11:3 Referans Kwoze

Jeremías 30:17

Ya me cac'bat xan yutsil q'uinal awaiy, ya jpoxtaybat te awejch'ene; manchuc me jich ya yalbat ac'oplal te acontrotaque: “Te Sión ijq'uitaybilix, ma'yuc mach'a ya xc'opojix yo'tan yu'un”, teme xiique. Jo'on Ajwalilon, jich ya cal —xi' te Cajwaltique.

Deuteronomio 1:31

soc te la spas ta jochol taquin q'uinale. Te Cajwaltic te Dios cu'untic spetojex ta beel ta be li' c'alal ta banti ayotic ta ora in to, jich te bit'il tatil ya spet ta beel snich'ane”, xoon ta atojolic.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Oseas 7:15

Jo'on la jp'ijubtesix soc la cac'bey yipic ta sc'abic; ja'uc me to, la xchajban sleel smulic, la scontroinonic.

Hechos 13:18

Ay niwan cha'winic (40) ja'wil te la sts'icbey te amen yat'elic ta bay te muc'ul jochol taquin q'uinale.

Oseas 14:4

Ya yal te Cajwaltique: —Ya jpoxtaybey te stoybaile; ya jc'uxtay manchuc me ma jichuc ya sc'an pasbeyel; la jq'uejix bael ta stojolic te quilimbae.

Oseas 7:1

c'alal ya jc'an jpoxtay te lum cu'une, ja' te Efraín soc Samaria, ya xchicnaj ta jsit te smul soc te bila amen spasojique. Melel spisilic c'aemic ta yalel lot; jich bit'il j'eleq'uetic, ya x'ochic ta nanatic soc ya swiluntayic te ants-winiquetic ta calle.

Oseas 2:8

“Ja'uc me to, te antse ma la sna'on. Ma la sna' te jo'on la cac'bey te trigo, vino soc te aceite; te jo'on la quesmantesbey te plata, oro ya spas yajcanan ae.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Isaías 46:3

Te Cajwaltic ya yal: —Aiybon awaiyic stojol, ja'ex sts'umbalex Jacob, apisilic te cuxulex xan te israelexe: Jo'on jcuchojex te c'alal ma to x'ayinex ae; la jpetex bael ta jc'ab.

Isaías 30:26

Te Cajwaltic ya xpoxtay soc ya spotsbey yejch'en te lum yu'une. Te u jich me ya yac' xojobil bit'il te c'aale. Te xojobil te c'aale juqueb xan buelta ya xtoy yip te xojobile, jich bit'il xojobil juqueb c'aaletic te jun nax ayique.

Éxodo 23:25

Ja' nax me xaquejan abaic ta jtojol jo'on te Ajwalilon te Dioson awu'unique, melel ja' ya cac'bat bendición yu'un awe'el soc te ja' ya awuch'ique. “Ma xcac' xnoptsaj chamel ta atojol.

Jeremías 8:22

¿Ma bal ayuc jtebuc poxil ta Galaad? ¿Ma bal ayuc mach'a ya xpoxtaywan tey a? ¿Bi yu'un ma xcol te jlumale?

Isaías 1:2

Ch'ulchan soc balumilal, aiya awaiyic stojol te bila ya yal te Cajwaltique: —La jmuc'tes te jnich'nab ja' to c'alal la sta yipic; ja'uc me to, caj stoy sbaic ta jtojol.

Deuteronomio 8:2

Na'ulayaic ta spisil te cha'winic (40) ja'wil la yaq'uex ta beel ta muc'ul jochol taquin q'uinal te Cajwaltic te Dios cu'untique. Te bit'il jich la spasbeyexe, yu'un me la yac'beyex apejc'an abaic ta stojol swenta prueba, swenta yu'un jich me ya sna'beyex awo'tanic a teme ya ach'uunbeyic, o ma ba ya ach'uunbeyic te mandaliletic yu'une.

Éxodo 19:4

“Ja'ex awilojic te bitic la jpas ta stojol te egipcioetique, soc te bit'il talex cu'un li' c'alal to, melel cajalex tel cu'un ta sba xic' águila c'oem.

Salmos 107:20

La yal mandal te Cajwaltic, jich lecubtesotic; la yich'ic coltayel, jich ma ba ochic ta muquenal.

Deuteronomio 33:27

Te Dios te sbajt'el q'uinal aye, ja' me anjibal awu'un stuquel; te yu'el sbajt'el q'uinal aye, ja' me awich'o-ip stuquel. La yac' anuc ta atojol te controe, soc ja'at la yalbat alajin ta jc'axel.