Oseas 11:2 - Bible in Tzeltal de Oxchuc y Tenejapa

² Te bit'il c'ax to xan ay yutsil co'tan la quic' tele, c'ax to xan la sq'uej sba bael ta jtojol. Te lum cu'une la yac'bey milbil majt'anil te lotil diosetic soc la xchic'beyic pom te yajcananique.

Bible in Tzeltal Bachajón

² C'alal bayel la jquic', namal to xan la yac' sba ta jtojol. La ya'be chic'bil mahtaniletic te baaletic, soc la schic'beyic pom te loc'ombahetique.

Oseas 11:2 Referans Kwoze

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Isaías 65:7

te bitic amen mulil spasojic soc nix te smulic te sme'-statique. Ja'ic te la xchiq'uic pom ta sba witstiquil, soc la me sbolc'optayonic ta ch'in witsetic. Neel ya calbey te bi yilel te yat'elique, jich me ya cac'bey stoj te bit'il ya sc'ane —xi'. Jich la yal te Cajwaltique.

Oseas 11:7

Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.

Hechos 7:51

“Ja'uc me to, te ja'exe ma x'ac'anic tojobtesel. Te awo'tanique soc te achiquinique pajal c'oemic soc te mach'a ma sna'beyic sba te Diose. Apasojic ta contro spisil ora te Ch'ul Espiritue. Te bila la spasic te antiguo tatiletic cu'untique, ja' nanix jich ya apasic te ja'exe.

San Juan 3:19

Ja' smulic c'ot te c'alal tal ta balumilal te saquil q'uinale, te ants-winiquetic ma la smulanic. Ja' toyol yo'tanic yu'un te ijc' q'uinale scaj te bit'il amen te yat'elique.

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

Zacarías 7:11

Pero te ants-winiquetic ma ba la sc'an xch'uunic. La swalac'patiyic te Diose, jich la spas sbaic te bit'il ma x'och c'op ta xchiquinique.

Jeremías 35:13

—Jo'on Ajwalilon te Spisil ya xju' cu'une, te Dioson yu'un Israel, ya jpasat ta mandal te ya xba awalbey te ants-winiquetic ta Judá soc ta Jerusalén: “Ac'a anopic te p'ijubtesel, soc ac'a ach'uunic te mandaliletic cu'une. Jo'on yacon ta yalel te Ajwalilone.

Nehemías 9:30

Bayal ja'wil la amaliy, soc la aticunbey ta alel ta swenta espíritu awu'un, soc ta swenta te j'alwanejetic awu'une. Pero ma ba la yich'ic ta muc'. Ja' yu'un la awac'bey ta sc'ab nacionetic ta spamal te lumq'uinale.

1 Reyes 18:19

Yo'tic ticuna ta tsobel spisil te israeletic, ac'a ba stsob sbaic ta wits Carmelo. Soc nix te lajuneb yoxwinic xcha'bajc' (450) ta jtul j'alwanejetic yu'un Baal, soc te jbajc' (400) j'alwanejetic yu'un Asera te swentainej Jezabel —la yut.

1 Reyes 12:33

Ta yo'lajunebal sjajch'el a te swaxaquebal u, te Jeroboam la xchic'bey milbil smajt'an te lotil dios ta scajtijib smajt'an te ts'ajc'ubil ta Betel. Ja' yuil te q'uin la smulan yo'tan spasele. La yal ta jamal te ja' q'uin swenta xch'uunel Dios yu'un israeletic ta sc'op. Ja' nix ta yuil a te mo ta scajtijib smajt'an lotil dios ta xchiq'uel pom.

Jueces 10:6

Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Jueces 3:7

Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

Jueces 2:13

La yijq'uitayic ta yo'tanic ta scaj xch'uunel te Baal, soc te jayeb ta jchajp loc'ombaetic yu'un te Astarté te antsil-diose.

Zacarías 1:4

Ma me jichuc xapasic te bit'il te antiguo ame'-atatic te albotic yu'un te antiguo j'alwanejetic cu'un, te yacuc yijq'uitayic jilel te amen yo'tanic soc te amen yat'elique. Pero ma ba la sc'an la yaiybonic te jc'ope, soc ma ba la yich'bonic ta wenta. Jo'on Ajwalilon, ya cal ta jamal.

Oseas 4:13

Ta bay sba toyol witsetic soc ta ch'in witsetic ya xchiq'uic pom tey a soc ya yac'beyic milbil majt'anil. Soc ja' nix ya spasic ta bay buen axinal yu'un te c'antulanetic, álamoetic soc te jijte'etique. Jich yu'un la spasiquix mulwej te awantsil-nich'anique, soc nix te awalibique.

Jeremías 44:5

Ja'uc me to, ma la ach'uunbonic jc'op, ni ma la awich'ic ta muc'. Ma ja'uc la awijq'uitayic te bila amene; ja' la awat'elinic yac'beyel pom te lotil diosetique.

Oseas 4:17

Te Efraín yac'oj sba ta xch'uunel te yajcanane. Spisilic jich yalic te bit'il tsobol jyacubeletique. Ta jujun buelta te ya spasic mulwej, ja' lec ya yaiyic te q'uexlale, ma ja'uc lec ya yaiyic te bila lec ta pasele.