Oseas 11:1 - Bible in Tzeltal de Oxchuc y Tenejapa

¹ “C'alal jich to nax bit'il alal a te lum Israel, jo'on la jc'uxtay; ja' stuquel te mero jnich'an la caiye, la quic' loq'uel tel ta Egipto.

Bible in Tzeltal Bachajón

¹ C'alal querem to a te Israel, c'ux la jca'iy ta co'tan, soc ta Egipto la jquic' loq'uel tal te jnich'ane.

Oseas 11:1 Referans Kwoze

San Mateo 2:15

Tey ainic a ja' to c'alal laj te Herodese. Ja' in to, ja' c'ot ta pasel te bila yaloj Cajwaltic ta swenta te j'alwanej yu'une: “Ta Egipto la quic' loq'uel tel te jnich'ane”, te xie.

Éxodo 4:22

Albeya te faraón: “Jich la yal tel te Cajwale: ‘Te Israel te sba jnich'ane,

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Oseas 2:15

Ya me cac'bey xan te ts'usubiletic yu'un, soc ya me jc'atp'un te xatal q'uinal Acor te tey me ya xchicnaj a te smuc'ul yo'tane. Tey me ya sjac'bon jc'op a jich bit'il te c'alal ach'ix toe, jich bit'il te bi c'aalil loc' tel ta Egipto.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Malaquías 1:2

Te Cajwaltic ya yal: —Jo'on c'uxex ta co'tan —xi'. Ja'uc me to, ya ajojc'oyic: —¿Bit'il ya jna'tic teme c'uxotic ta awo'tane? —xaex. Te Cajwaltic ya sjac': —C'uxex ta co'tan, jich nix bit'il c'uxbaj ta co'tan te Jacob;

Oseas 12:13

Ta swenta jtul j'alwanej te Cajwaltic la sloq'ues tel ta Egipto te lum Israel; ta swenta jtul j'alwanej la scanantay te lume.

Ezequiel 16:6

Te jo'one c'axon ta ats'eel. C'alal la quilat yac bechlajanel awoc ac'ab soc te ach'ich'ele, la cal te ja' lec te ya xcuxinate.

Deuteronomio 7:7

“Ja' nix te Cajwaltic te la smulanex soc te la stsaexe, ma me yu'unuc ja'ex muq'uex yu'un te yantic nacionetique, ja'ex mero ch'inex ta stojolic ta spisilic ta mero melel.

Oseas 12:9

Jo'on Ajwalilon te Dioson awu'un c'alal to te ayat ta Egipto, ya cac' xnainat xan ta nailpac' jich bit'il la join jbatic ta jochol taquin q'uinal ta namey.

Éxodo 4:23

la calbatix te ya awac'bon loq'uel te jnich'ane, swenta yu'un ya xba yich'on ta muc'. Jich yu'un te bit'il ma xawac'bon loq'uele, ja' me ya jmilbat te sba anich'ane’ xi' te Cajwale”, uta me —xi' te Cajwaltique.

Salmos 129:1

Bayal buelta ay mach'atic la yac'boniquix jwocol, c'alal to ta jqueremil jajch' yac'bonic jwocol, ac'a yalic te israeletique

Jeremías 12:7

“Jpijt'esejix jilel te lum cu'une, la jq'uejix bael ta co'tan te bila cu'unineje. La cac'beyix ta sc'ab scontrotac te lum te bayal c'uxbaj ta co'tane.

Oseas 10:15

Ja' me jich ya xc'ot ta atojolic te ja'ex, yajwal Betel, ta scaj te muc' te amule. Te muc' ajwalil yu'un Israel ya me xlaj c'alal ya sacub te q'uinale.

Éxodo 19:4

“Ja'ex awilojic te bitic la jpas ta stojol te egipcioetique, soc te bit'il talex cu'un li' c'alal to, melel cajalex tel cu'un ta sba xic' águila c'oem.

Deuteronomio 33:3

Te Cajwaltic c'ux ta yo'tan te lum yu'une, ya scanantay te mach'a ya yac' sba ta sc'abe; ya me yac' sbaic ta ye'tal yacan, ya xch'uunic mandal yu'un.

Isaías 43:4

Melel toyem atojol la caiy ta co'tan, muc' ac'oplal cu'un soc c'uxat ta co'tan. Swenta yu'un ya cu'uninat soc ya jcoltaybat acuxlejal, jich ta awenta ya cac' winiquetic soc nacionetic.

Ezequiel 16:22

Te bit'il ilaybil sba acuxlejal ta scaj te mulil ochat ta spasele, ma ba ya ana'ix te c'alal alalat soc te c'alal mero t'analat, soc te yac bechlajanel awoc ac'ab te ts'ajalat ta ach'ich'ele.