Oseas 10:8 - Bible in Tzeltal de Oxchuc y Tenejapa

⁸ Te toyol ch'uunjibaletic ya me yich'ic jinel, te bay la sle smul a te Israele. Ta bay sba te scajtijib majt'aniletic yu'unique ya me xch'i tel ch'ixetic tey a soc jot'awal-ch'ixetic. Te ants-winiquetic jich me ya yalbey te witstiquile: “Mucawotic”, xiic me. Soc ya me yalbeyic te ch'in witsetique: “Ch'ayuc tel ta jbatic”, xiic me.

Bible in Tzeltal Bachajón

⁸ Te toyol awilaletic yu'un Avén, te ha smul te Israel, ya me yich'ic jinel; ya xcol ch'ixetic ta sba te scajtajib ta chiq'uel mahtaniletic yu'unique. Hich me ya yalbeyic te witsiltic: ¡Mucawotcotic! xchihic; soc ya me yalbeyic te tsehletic: ¡Cohan tal ta jtojolcotic! xchihic.

Oseas 10:8 Referans Kwoze

San Lucas 23:30

Jich me ya xjajch' yawtayic te witstiquile: “Net'awotic”, xiic me. Soc jich me ya yalbeyic te ch'in witsetique: “Mucawotic”, ya me yutic.

Apocalipsis 6:16

Soc jich caj yalbeyic te witstiquile soc te ch'entiquile: “La' net'awotic, macawotic ta sit te Mach'a nacal ta smuc'ul nactijibe. Ma me staotic te yilimba te Alalchije.

Isaías 2:19

C'alal ya xjajch' te Cajwaltic, te ya snojes xiwel ta balumilal, te ants-winiquetic ya me x'ochic bael ta nailch'entiquil, soc ta bay jamajtic te lumq'uinale; ya me snac' sbaic ta stojol te Cajwaltique, te xiweltic nax sba ta scaj xojobil te yipe.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.

Amós 8:14

Te mach'atic ya sc'oponic yajcananic ta Samaria, te mach'atic ya yalic: “Ac'a cuxinuc te dios awu'un, ja'at Dan”,te xie, soc: “Ac'a cuxinuc te diosetic yu'un Beerseba”, teme xiic xane, ya me xyalic, soc mero ma xjajch'iquix —xi' te Cajwaltique.

Isaías 32:13

Ch'ixetic soc bol aquetic ya xchicnaj ta jlumal, ta spisil nanatic te la yaiy sbujts' q'uinal tey a, te baem yo'tanic ta pas-q'uin.

Apocalipsis 9:6

Te bi ora jich ya xc'ot ta pasele, ya me sc'an slajelic te ants-winiquetique, ja'uc me to, ma ba ya staic. Manchuc teme yo'tanuc ya sc'an xlajique, ja'uc me to, ya x'an bael ta stojolic te lajele.

Miqueas 1:13

Ja'ex yajwal Laquis, te la atoy abaic jich bit'il Israel, te ja' la ajajch'esic mulil ta Sión, chajbana caballoetic, ac'a snitic bael te carretaetic awu'unique.

Miqueas 1:5

Ta spisil ya xc'ot ta pasel ta scaj stoybail te sts'umbal Jacob, ta scaj smul te israeletic. ¿Banti ay te stoybail te sts'umbal Jacob? ¡Ta lum Samaria! ¿Banti ay te toyol ch'uunjibaletic ta Judá? Ja' ta bay Jerusalén.

Oseas 10:5

Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Oseas 10:2

Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.

Oseas 5:8

Oq'uesinaic xulubil yu'un guerra ta Gabaa, soc oq'uesinaic oq'ues ta Ramá. Ac'beya señail guerra ta Bet-avén. Ac'beya socuc sjolic te mach'atic ta Benjamín.

Oseas 4:15

“Teme ya apas mulwej ja'at, Israel; ja'uc me to, te manchuc ya sle smul stuquel te Judá. Ma me xbaex ta Gilgal te ja'exe, ni ma me xmoat bael ta Bet-avén, ni ma me x'ata ta alel te cuxul Diose.

Oseas 4:13

Ta bay sba toyol witsetic soc ta ch'in witsetic ya xchiq'uic pom tey a soc ya yac'beyic milbil majt'anil. Soc ja' nix ya spasic ta bay buen axinal yu'un te c'antulanetic, álamoetic soc te jijte'etique. Jich yu'un la spasiquix mulwej te awantsil-nich'anique, soc nix te awalibique.

Isaías 34:13

Te palacioetic yu'unic ya xch'i tel ch'ixetic tey a; soc te tulanil ts'ajq'uetic yu'unic ya xch'i chic-ch'ixetic soc tsujc'um-ch'ixetic tey a. Ja' me yawilic ya xc'ot te ja'mal ts'i'e, soc ja' me ta bay ya xc'o ainuc te mutetic avestruz sbiilique.

2 Crónicas 31:1

C'alal ju' ta pasel spisil, te israeletic te tey ayic a, bajt'ic ta lumetic yu'un Judá, ba swuyic te tonetic te ch'ulajem ta sc'op te ants-winiquetique, la swuyic te sloc'omba Asera, soc la sjinic te toyol ch'uunjibaletic, ja' to chican ju' yu'unic sloq'uesel ta spisil te bitic ay ta sq'uinal Judá soc ta Benjamín, soc nix ta sq'uinal Efraín soc ta Manasés. Te israeletic sujt'ic bael ta slumalic, juju-jtul ta sq'uinalic.

2 Reyes 23:15

Ja' nix jich te scajtijib ta chiq'uel majt'anil soc te toyol ch'uunjibal ta Betel te la spas Jeroboam snich'an Nabat te la yac'bey sta smulic te israeletique, la swuy te Josías, jc'axel ts'ubiltic bajt' yu'un. Patil la yac'bey sc'aal, soc la xchic' uuc te sloc'omba Asera.

1 Reyes 14:16

Te Cajwaltic ya me yac' ta c'abal te Israel ta scaj te mulil la spas te Jeroboam soc te la yac'bey spasic te lum Israel —xi' te Ahías.

1 Reyes 13:34

Ta scaj te jich nix la xch'uun loc'omba te patil alnich'anetic yu'un Jeroboam, ja' smulic c'ot, soc ja' ta scaj te jc'axel lajinbot te sts'umbale.

1 Reyes 13:2

Ta swenta smandal te Cajwaltic, tulan c'opoj ta swenta scontroinel te scajtijib majt'anil yu'un loc'omba, jich la yal: —Ja'at scajtijib ta chiq'uel majt'anil, ja'at scajtijib ta chiq'uel majt'anil, jich ya yalbat te Cajwaltique: “Ta swenta sts'umbal te David ya x'ayin jtul alalquerem, Josías sbiil ya xc'ot, ja' me ya smilbat ta aba te sacerdoteetic ta toyol ch'uunjibaletic, te yacal xchic'belic pom ta aba, soc ta aba ya me xchic' sbaquel mach'atic lajemic”, xi' te Cajwaltique —xi'.

Deuteronomio 9:21

La jtsac te sloc'omba ch'in toro te la apasique, te ja' la ata amulic ta stojol Cajwaltic yu'une, la cac' ochel ta c'ajc'. La juch' ta lec, mero ts'ubiltic bajt', patil la jch'oj coel ta ja' te ya xco tel ta witse.

Génesis 3:8

Te c'alal yaquix ta malel c'aal a, te winic soc te antse la yaiybeyic sc'op te Cajwaltic Dios te yac ta beel ta awalts'unubile. Ora c'an snac' sbaic ta sit Cajwaltic Dios ta bay yolil te'etic te ayic ta awalts'unubile.

Oseas 2:6

“Jich yu'un ya me jmacbey sbe ta ch'ix soc ya me cac'bey scorralil ta sjoyobal, swenta yu'un ma ba ya sta sbe tey a.

Oseas 10:9

Ya yal te Cajwaltique: —Te Israel ma ba ya scom sba ta sleel smul, ja' to c'alal jajch' tel ta spasel ta Gabaa. Te smulic stalel ay soc. Jich yu'un ya me xtaotic yu'un guerra te mach'atic amenic ta Gabaa.

Amós 7:9

Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Nahúm 3:11

Ja' nix me jich te ja'at lum Nínive, ya me syacubtesat; ch'ayematix ta q'uinal yu'un, ya ale bay ya anac' aba, ya me ale awanjib yu'un acontro.

Isaías 2:21

Soc ya me sleic yan ch'entiquil soc nailch'entiquil, swenta yu'un jich me ya snac' sbaic ta stojol te Cajwaltique, te xiweltic nax sba ta scaj xojobil te yipe, te c'alal ya xjajch' te Cajwaltic soc te ya snojes ta xiwel te balumilale.

Oseas 8:5

Ja'at Samaria, ma lecuc co'tan yu'un te sloc'omba alal wacax ya ach'uune. Te quilimba tilemix ta stojol te loc'ombae. ¿Jayeb to c'aal sc'an ya xlecub ta jtojol te israeletique?

Amós 1:5

Puersa me ya jambey yochibal sts'ajc'ul te Damasco; ya me jmil te mach'a ya xmandalaj ta Bicat-avén soc te mach'a ya xmandalaj ta Bet-edén. Te siriaetique ya me x'ic'otic bael ta mosoil ta Kir —xi' te Cajwaltique.

Amós 3:14

Melel te bi c'aalil ya cac'bey castigo yu'un smul te Israele, ya jin te scajtijib majt'anil ta Betel; te xulubiletic yu'un scajtijib majt'anil ya me yich' c'oquel loq'uel soc ya me xch'ay coel ta lum.